15-May-2023

ପଦ୍ମପୁର:( ପ୍ରେରଣା ଖବର )
  ସରସ୍ୱତୀ ଶିଶୁ ବିଦ୍ୟା ମନ୍ଦିର ପଦ୍ମପୁର ର କୁସୁନାପାଲି ସ୍ଥିତ ବିଦ୍ୟା ମନ୍ଦିର ପରିସରରେ ବିଭାଗ ସ୍ତରୀୟ ସଂପାଦକ ଓ ପ୍ରଧାନ ଆଚାର୍ଯ୍ୟ ବୈଠକ ଅନୁଷ୍ଠିତ ହୋଇଯାଇଛି ।ଉକ୍ତ ଉଦଘାଟନୀ ଉତ୍ସବ ରେ ମୁଖ୍ୟ ବକ୍ତା ଭାବରେ ମାନନୀୟ ଡ଼ଃ ପ୍ରଦୀପ କୁମାର ସାହୁ (ପ୍ରାନ୍ତ ଉପ ସଭାପତି ,ଶିକ୍ଷା ବିକାଶ ସମିତି ଓଡ଼ିଶା) ଦୀପ ପ୍ରଜ୍ଜଳନ ପୂର୍ବ କ କାର୍ଯ୍ୟକ୍ରମ କୁ ଉଦଘାଟନ କରି ଆମର ଲକ୍ଷ୍ୟ ତଥା ସ୍ୱ ଜାଗରଣ ବିଷୟରେ ବୌଦ୍ଧିକ ପ୍ରଦାନ କରିଥିଲେ ।ମୁଖ୍ୟ ଅତିଥି ଭାବରେ ଶ୍ରୀଯୁକ୍ତ ତ୍ରିବିକ୍ରମ ଶତପଥୀ (ପଶ୍ଚିମ ସମ୍ଭାଗ ସଂପାଦକ ) ଯୋଗଦେଇ ଥିଲେ ।ବରଗଡ ବିଭାଗ ନିରୀକ୍ଷକ ଶ୍ରୀଯୁକ୍ତ ବିଜନ କୁମାର ଜେନା ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ।

ଅନ୍ୟତମ ଅତିଥି ଭାବରେ ଶ୍ରୀଯୁକ୍ତ ଶିବୁ ପ୍ରସାଦ ଦାଶ ପଶ୍ଚିମ ସମ୍ଭାଗ କୋଷାଧ୍ୟକ୍ଷ, ଶ୍ରୀଯୁକ୍ତ ମନୋଜ କୁମାର ପଣ୍ଡା ସହ ଜିଲ୍ଲା ପ୍ରମୁଖ , ଶ୍ରୀଯୁକ୍ତ ଘନଶ୍ୟାମ ପୁଞ୍ଜି କୋଷାଧ୍ୟକ୍ଷ, ଅଶ୍ୱିନୀ କୁମାର ଦାଶ ଭେଡେନ ସଂକୁଳ ପ୍ରମୁଖ,ଆନନ୍ଦ କୁମାର ପ୍ରଧାନ ବରଗଡ ସଂକୁଳ ପ୍ରମୁଖ ମଞ୍ଚାସିନ ଥିବା ବେଳେ   ଶ୍ରୀଯୁକ୍ତ ଜ୍ୟୋତି ରଂଜନ ମିଶ୍ର ପଶ୍ଚିମ ସମ୍ଭାଗ ସଂଯୋଜକ ଉଦ୍ଦେଶ୍ୟ ଜ୍ଞାପନ କରିଥିବା ବେଳେ ଶ୍ରୀଯୁକ୍ତ ଦ୍ୱାଦଶ କୁମାର ପଧାନ ସଂକୁଳ ପ୍ରମୁଖ କାର୍ଯ୍ୟ କ୍ରମ ପରିଚାଳନା କରିଥିଲେ ।ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଯୁବରାଜ ପଧାନ ସୂଚନା ପ୍ରଦାନ କରିଥିଲେ ।ଭଉଣୀ ମାନଙ୍କ ଦ୍ୱାରା ନାଚର ତାଳେ ତାଳେ ସ୍ୱାଗତ ସଂଗୀତ ପରିବେଷଣ କରାଯାଇଥିଲା ।ଶିକ୍ଷା ବିକାଶ ସମିତି ଦ୍ୱାରା ଆୟୋଜିତ ଭାରତୀ କୃଷ୍ଣ ଓ ପ୍ରାଦେଶିକ ମେଧା ପରୀକ୍ଷା ରେ ସମଗ୍ର ରାଜ୍ୟରେ ଶ୍ରେଷ୍ଠ ଦଶମ ସ୍ଥାନ ମଧ୍ୟରେ ଥିବା ଭାଇ ଭଉଣୀ ମାନଙ୍କୁ ପୁରସ୍କୃତ କରାଯାଇଥିଲା ।ସ୍ଥାନୀୟ ସଂପାଦକ ଶ୍ରୀଯୁକ୍ତ ଜନକ ଲାଲ ମେହେର ଧନ୍ୟବାଦ ଅର୍ପଣ କରିଥିଲେ ।ବିଭାଗ ର ୪୧ ଟି ଶିଶୁ ମନ୍ଦିର ରୁ ୩୫ ଜଣ ପ୍ରଧାନ ଆଚାର୍ଯ୍ୟ ଓ ୩୦ ଜଣ ସଂପାଦକ ଉପସ୍ଥିତ ରହି ବୈଠକରେ ଭାଗ ନେଇଥିଲେ ।ସମସ୍ତ ଙ୍କ ସହଯୋଗ ରେ କାର୍ଯ୍ୟକ୍ରମ ଟି ସଫଳ ହୋଇଥିଲା ।