-+91-9937148622 |
prerana_bgr@rediffmail.com |
Friday 29th March 2024 |
R.N.I. Regd No. ODIODI/2010/46693
Breaking News
28-Apr-2023
ଟିଟିଲାଗଡ(ସନ୍ତୋଷ କୁମାର ନାଏକ): ପୁଣି ଖାକି ରେ ଲାଗିଲା ଦାଗ,ନିଜେ ପୋଲିସ ବର୍ଦି ରେ ରହି ଯୁବତୀ ଙ୍କୁ ବିବାହ ପ୍ରତିଶ୍ରୁତି ଦେଇ ତଥା ନିଜ ଘରେ ବୋହୂ ଭଳି ରଖି ଯୌତୁକ ଦାବୀ କରି ବିବାହ ନ କରି ନିର୍ଯ୍ୟାତନା ଦେବା ସହ ମରଣାନ୍ତକ ଆକ୍ରମଣ କରି ଘରୁ ଗୁରୁତର ଅବସ୍ଥାରେ ତଡ଼ି ଦେଇଥିବା ଭଳି ଘଟଣା ନଜରକୁ ଆସିଛି ।
ପ୍ରକାଶ ଯେ,ବଲାଙ୍ଗୀର ଜିଲ୍ଲାର ଟିଟିଲାଗଡ ଥାନା ଅନ୍ତର୍ଗତ ସିକେର ଗ୍ରାମ ରେଳ ଷ୍ଟେସନ ନିକଟରେ ରହୁଥିବା ଜଣେ ଯୁବତୀ ଉପବାସୀ ମହାନନ୍ଦ (ବ-୩୨)ଛଦ୍ମନାମଙ୍କୁ ରେଳ ବିଭାଗ ସିକେର ଅଧିନରେ କାର୍ଯ୍ୟରତ ଥିବା ଆରପିଏଫ ପୋଲିସ ପ୍ରଦିପ ଦୀପ ସହ ଉପବାସୀଙ୍କ ଦେଖା ହୋଇ ପ୍ରେମ ସମ୍ପର୍କ ସ୍ଥାପନ ହୋଇଥିଲା । ଉକ୍ତ ପୋଲିସ ବାବୁ ବିବାହ ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ରଖି ଆସୁଥିଲେ । ପ୍ରାୟ ଏକ ମାସ ପରେ ଉପବାସୀ ଗର୍ଭବତୀ ହେବା ଜାଣି ଔଷଧ ଦେଇ ଗର୍ଭନଷ୍ଟ କରି ତାଙ୍କୁ ବିବାହ କରିବ କହିଥିଲେ । ହେଲେ ସେ ପରେ ବିବାହ କରିବାକୁ ରାଜି ନ ହେବାରୁ ଉପବାସୀ ବାଧ୍ୟ ହୋଇ ପ୍ରଦିପ ଙ୍କ ଗ୍ରାମ କମିଟିରେ ଗୁହାରୀ କରି ବୈଠକ କରିଥିଲେ । ଉକ୍ତ ପୋଲିସ ବାବୁ ପ୍ରଦିପ ଓ ତାଙ୍କ ପରିବାର ଲୋକେ କମିଟିରେ ତିନି ମାସର ସମୟ ମାଗିବା ସହ ନିଜ ଘରେ ବୋହୂ ଭଳି ରଖିବାକୁ ରାଜି ହୋଇଥିଲେ । ଉକ୍ତ ସମୟ ସୀମା ମଧ୍ୟରେ ଉକ୍ତ ପ୍ରଦିପ ଉଚ୍ଚ ନ୍ୟାୟାଳୟରେ ଆଗୁଆ ଜାମିନ ଆବେଦନ କରି ଜାମିନ ପାଇଥିଲେ। ପ୍ରାୟ ଦୁଇ ମାସ ପରେ ଗୋପନୀୟ ଭାବେ ଜାମିନ ପାଇ ଯିବା ପରେ ଉକ୍ତ ଉପବାସିଙ୍କୁ ପରିବାର ଲୋକେ ଶାରୀରିକ ଓ ମାନସିକ ନିର୍ଯ୍ୟାତନା ଦେବା ସହ ଯୌତୁକ ଦାବି କରି ମରଣାନ୍ତକ ଆକ୍ରମଣ କରି ଗୁରୁତର ଆହତ କରିଦେଇ ଘର ବାହାରେ ଅଚେତ ଅବସ୍ଥାରେ ପକେଇ ଦେଇଥିଲେ ।
ଏ ନେଇ ଟିଟିଲାଗଡ ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ଟିଟଲାଗଡ ଡାକ୍ତରଖାନାରେ ଆଣି ଭର୍ତ୍ତି କରିଥିଲେ । ଏ ନେଇ ଟିଟିଲାଗଡ ଥାନାରେ ମାମଲା ରୁଜ୍ଜୁ ହୋଇଥିବା ବେଳେ ଉକ୍ତ ଅଭିଯୁକ୍ତଙ୍କୁ ଗିରଫ କରାଯାଇ ନ ଥିଲା ଅବା ପରିବାରର ଅନ୍ୟ କାହାକୁ ବର୍ତ୍ତମାନ୍ ସୁଦ୍ଧା ଗିରଫ କରାଯାଇ ନ ଥିବା ଉପବାସୀ ଅଭିଯୋଗ କରିଛନ୍ତି।
ବିଭିନ୍ନ ଉଚ୍ଚ ଅଧିକାରୀଙ୍କୁ ଲିଖିତ ଅଭିଯୋଗ କରି ସୁଦ୍ଧା କୌଣସି ପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ ନ କରାଯିବାରୁ ସେ ବାଧ୍ୟ ହୋଇ ଟିଟିଲାଗଡ ବିଚାର ବିଭାଗୀୟ ଅଦାଲତର ଦ୍ବାରସ୍ଥ ହୋଇଥିବା ଜଣାଇଛନ୍ତି ।
ଜଣେ ସରକାରୀ ପୋଲିସ କର୍ମଚାରୀ ହୋଇ ଏଭଳି ନିନ୍ଦନୀୟ କାର୍ଯ୍ୟ କରି ସେ ଖୋଲାଖୋଲି ବୁଲୁଥିବା ସହ ବିଭିନ୍ନ ପ୍ରକାର ଧମକଚମକ ଦେଇ ଆସିବା ନେଇ ଉପବାସି ଭୟଭୀତ ଅବସ୍ଥାରେ ଥିବା ଓ ତାଙ୍କ ଜୀବନ ପ୍ରତି ବିପଦ ଥିବା ପ୍ରକାଶ କରିଛନ୍ତି ।
ଜଣେ ପୋଲିସ କର୍ମଚାରୀ ହୋଇ ଜଣେ ଯୁବତୀକୁ ଏଭଳି ପ୍ରତାରଣା ଦିଆ ଯାଇଥିବା ନେଇ ବିଭାଗୀୟ ମୁଖ୍ୟ ସଚିବ ସବିଶେଷ ତଦନ୍ତ ସହ ଦୃଷ୍ଟାନ୍ତ ମୂଳକ କାର୍ଯ୍ୟନୁଷ୍ଠାନ ଗ୍ରହଣ କରି ନ୍ୟାୟ ପ୍ରଦାନ କରାଯାଉ ବୋଲି ନିବେଦନ କରିଛନ୍ତି ।