20-Apr-2023

ବଲାଙ୍ଗିର(ଅନ୍ତର୍ଯ୍ୟାମୀ ସାହୁ ): ସ୍ୱଚ୍ଛତା ହିଁ ଧର୍ମ । ସ୍ୱଚ୍ଛତା ହିଁ କର୍ମ । ସ୍ୱଚ୍ଛତା ହିଁ ସେବା ଭାବନାକୁ ପାଥେୟ କରି ଶିଶୁ ଓ ମହିଳା ବିକାଶ ସୋସାଇଟି ତରଫରୁ ବଲାଙ୍ଗିର ବିଭୁତିପଡା ସ୍ଥିତ ଶ୍ମଶାନ ବା ସ୍ୱର୍ଗଦ୍ୱାର ସ୍ଥଳର ପରିସରକୁ ସଫେଇ କାର୍ଯ୍ୟ କରାଯାଇଛି ।

ଶିଶୁ ଓ ମହିଳା ବିକାଶ ସୋସାଇଟି (ସିଡବ୍ଲୁଡିସ୍‌) ଅଧ୍ୟକ୍ଷ ମେଜର ଡ. କଳ୍ପନା ଦାଶଙ୍କର ପ୍ରତ୍ୟକ୍ଷ ତତ୍ତ୍ୱାବଧାନ ରେ ଅନୁଷ୍ଠିତ କାର୍ଯ୍ୟକ୍ରମରେ ପ୍ରଥମେ ଜାତିର ପିତା ମହାତ୍ମା ଗାନ୍ଧୀଙ୍କ ପ୍ରତିମୃର୍ତ୍ତିକୁ ପୁଷ୍ପମାଲ୍ୟ ଓ ଧୂପ ପ୍ରଦାନ ଶିଶୁ ଓ ମହିଳା ବିକାଶ ସୋସାଇଟିର କର୍ମୀମାନେ କରିଥିଲେ । ମୁଖ୍ୟ

ଅତିଥି ଭାବରେ ରାଜ୍ୟ ପୁରସ୍କାର ପ୍ରାପ୍ତ ଶିକ୍ଷକ ରବିଚନ୍ଦ୍ର ପଶାୟତ ଯୋଗ ଦେଇ ନିରନ୍ତର ସେବା ମନୋବୃତ୍ତି କାର୍ଯ୍ୟ କରିବା ପାଇଁ ମତପ୍ରକାଶ କରିଥିଲେ । ତତ୍ ପରେ ଶିଶୁ ଓ ମହିଳା ବିକାଶ ସୋସାଇଟିର ସଭ୍ୟମାନଙ୍କ ଦ୍ୱାରା ପ୍ରଥମରେ ବୃକ୍ଷରୋପଣ କରାଯାଇ ଶ୍ମଶାନର ପରିସରକୁ ସଫେଇ

କରାଯାଇଥିଲା । କାର୍ଯ୍ୟକ୍ରମରେ ଦିପକସେନ ଧରୁଆ, ଚନ୍ଦ୍ରଶେଖର ସେଠ, ରଥି ବରାଡ, କୁଶଳେଶ୍ୱର ବରାଡ, ଜଗନ୍ନାଥ ସୁନା, ଧର୍ମେନ୍ଦ୍ର କୁମ୍ଭାର, ଦୁର୍ଗା ନାଗ ପ୍ରମୁଖ କାର୍ଯ୍ୟକ୍ରମରେ ଅଂଶଗ୍ରହଣ କରି ସହଯୋଗ କରିଥିଲେ । ଶିଶୁ ଓ ମହିଳା ବିକାଶ ସୋସାଇଟି ସଭ୍ୟ ପ୍ରଭାକର ଛନ୍ଦ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ରାମ ନାରାୟଣ ଦାଶ ଧନ୍ୟବାଦ ଅର୍ପଣ କରିଥିଲେ ।