07-Feb-2023

ନାକଟିଦେଉଳ(କନ୍ଦର୍ପ ବେହେରା) ନିଜକୁ ମିଛ ଅପହରଣ ର ନାଟକ କରି ନାକଟିଦେଉଳ ବ୍ଲକ୍ ଅନ୍ତର୍ଗତ ସାହେଵୀ ଗ୍ରାମର ସ୍ବର୍ଗତ ଶ୍ୟାମ ସୁନ୍ଦର ସାହୁ ଙ୍କ ପୁତ୍ର ସତ୍ୟନାରାୟଣ ସାହୁ(୩୦) ଘର ଲୋକଙ୍କୁ ହଇରାଣ କରିବା ସହ ମିଛିମିଛିକା ୩ ଲକ୍ଷ ଟଙ୍କାର ମୁଣ୍ଡ ଜାମିନୀ କରି ଶେଷରେ ପୋଲିସ ହାତରେ ଧରାପଡ଼ି ଗିରଫ ହୋଇଛି ା 
ସୂଚନା ଅନୁସାରେ ସାହେଵୀ ଗ୍ରାମର ସତ୍ୟନାରାୟଣ ଙ୍କ ଭଉଣୀ ଶକୁନ୍ତଳା ସାହୁ ଥାନା ରେ ଅଭିଯୋଗ ଅନୁସାରେ ସତ୍ୟନାରାୟଣ ଶକୁନ୍ତଳା ଙ୍କୁ ଫୋନ୍ କରି କହିଥିଲେ ଯେ, ତାଙ୍କୁ କେହି ଅପହରଣ କରି ନେଇ ଅଟକ ରଖି ୩ ଲକ୍ଷ ଟଙ୍କା ଦାବି କରିଛି ଓ ନ ଦେଲେ ହତ୍ଯା ର ଧମକ ଦେଇଛି ।ଅଭିଯୋଗକୁ ଭିତ୍ତିକରି ପୋଲିସ ଗୁରୁତର ସହ ନେଇ ସତ୍ୟନାରାୟଣ ଙ୍କୁ ଭୁବନେଶ୍ୱର ଖଣ୍ଡଗିରି ଅନ୍ତର୍ଗତ ଭରତପୁର ଥାନା ଅଂଚଳରୁ ଧରିଥିଲା ଏବଂ ଅନୁସନ୍ଧାନ ପରେ ଜଣାପଡିଲା ଯେ ,ସତ୍ୟ ନାରାୟଣ ନିଜେ ମିଛିମିଛିକା ଅପହରଣ ର ଡ୍ରାମା କରି ଟଙ୍କା ଅସୁଲ କରିବାକୁ ପରିବାର ଲୋକଙ୍କୁ ଫୋନ୍ କରିଥିଲା । ଯାହା ଖବର ମିଳିଛିି ସତ୍ୟନାରାୟଣ ଵହୁ ଟଙ୍କା କରଜ କରି ପରିଶୋଧ କରି ନ ପାରିବାରୁ ଏହି ଡ୍ରାମା କରିଥିଲା । କିନ୍ତୁ ପରେ ସତ୍ୟ ନାରାୟଣ ଘର ଲୋକମାନଙ୍କୁ ଟଙ୍କା ଦେବା ପାଇଁ ବାଧ୍ୟ କରି ଥିଲା ଓ ମାଡପିଟ୍ କରିଥିଲା । ଏଣୁ ପରିବାର ଲୋକଙ୍କ ଅଭିଯୋଗ କ୍ରମେ ନାକଟିଦେଉଳ ଥାନା କର୍ତ୍ତୃପକ୍ଷ ସତ୍ୟ ନାରାୟଣ ଙ୍କୁ ଗିରଫ କରି କୋର୍ଟ ଚାଲାଣ କରିଛି ାନାକ୍ଟିଦେଉଳ ଥାନା କେସ୍ ନମ୍ବର ୧୫ /୨୩ ରେ ଏକ ମାମଲା ରୁଜୁ କରି ଗିରଫ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି ବୋଲି ନାକଟିଦେଉଳ ଥାନାଧିକାରୀ ପ୍ରକାଶ କରିଛନ୍ତି ା