03-Feb-2023

ଖୋର୍ଦ୍ଧା // ଆସନ୍ତା ଫେବୃୟାରୀ ୫ ତାରିଖ ଦିନ ଓଡିଶାର କୃତ୍ତି ବିଜ୍ଞାନ ଛାତ୍ରଛାତ୍ରୀମାନଙ୍କର ଏକ ଏକ ଦିବସୀୟ ମନ୍ଥନ ଶିବିର ବିବେକାନନ୍ଦ ଇନଷ୍ଟିଚ୍ୟୁଟ୍ ଅଫ୍ ଆଡଭାନ୍ସଡ ଏଜୁକେସନାଲ୍ ରିସର୍ଚ୍ଚ ଆଣ୍ଡ୍ ଟେକ୍ନୋଲୋଜି, ଟାଙ୍ଗଆପଡା ଖୋର୍ଦ୍ଧାରେ ଅନୁଷ୍ଠିତ ହେବାକୁ ଯାଉଛି।  ଷଷ୍ଠ ଶ୍ରେଣୀରୁ ଏକାଦଶ ଶ୍ରେଣୀ ମଧ୍ଯରେ ପଢୁଥିବା ଛାତ୍ରଛାତ୍ରୀମାନଙ୍କୁ ନେଇ  ନଭେମ୍ବର ମାସ ୩୦ ତାରିଖରେ ଏକ ବିଜ୍ଞାନ ପ୍ରତିଯୋଗିତା କାର୍ଯ୍ଯକ୍ରମ ଅନୁଷ୍ଠିତ ହୋଇଥିଲା। ଏଥିରେ ସାରା ଓଡ଼ିଶାରୁ ଚାରିହଜାର ପାଞ୍ଚଶହରୁ ଉର୍ଦ୍ଧ୍ବ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ସେମାନଙ୍କ ମଧ୍ଯରୁ କୃତକାର୍ଯ୍ୟ ହୋଇଥିବା ୧୨୩ଜଣ ଛାତ୍ରଛାତ୍ରୀଙ୍କ ମଧ୍ଯରେ  ଆସନ୍ତା ୫ ତାରିଖରେ ଶେଷ ପର୍ଯାୟର ପରୀକ୍ଷା ଅନୁଷ୍ଠିତ ହେବ । ପିଲାମାନେ ବିଜ୍ଞାନର ଲିଖିତ ପରୀକ୍ଷା ଦେବା ସଙ୍ଗେ ସଙ୍ଗେ  ମୌଖିକ ଏବଂ ପ୍ରାକ୍ଟିକାଲ ପରୀକ୍ଷା ମଧ୍ୟ ଦେବେ। ସେମାନଙ୍କ ମଧ୍ଯରେ କୃତକାର୍ଯ୍ୟ ହୋଇଥିବା ୧୮ ଜଣ  ବିଦ୍ୟାର୍ଥୀମାନଙ୍କୁ ମାନପତ୍ର, ମେମେଣ୍ଟୋ ଏବଂ ଅର୍ଥରାଶି ଦିଆଯାଇ ସମ୍ବର୍ଦ୍ଧିତ କରାଯିବ। ପ୍ରଥମ ଛଅ ଜଣଙ୍କୁ ୫୦୦୦ଟଙ୍କା ଲେଖାଏଁ ଏବଂ ଦ୍ବିତୀୟ ଛଅ ଜଣଙ୍କୁ ୩୦୦୦ଟଙ୍କା ଲେଖାଏଁ ଏବଂ ତୃତୀୟ ହୋଇଥିବା ଛଅ ଜଣଙ୍କୁ ୨୦୦୦ଟଙ୍କା ଲେଖାଏଁ ପୁରସ୍କାର ପ୍ରଦାନ କରାଯିବ।

         ଓଡ଼ିଶା ବିଜ୍ଞାନ ମଣ୍ଡଳ ଆନୁକୂଲ୍ଯରେ ଏବଂ ବିବେକାନନ୍ଦ ଇନଷ୍ଟିଚ୍ୟୁଟ୍ ଅଫ୍ ଆଡଭାନ୍ସଡ ଏଜୁକେସନାଲ୍ ରିସର୍ଚ୍ଚ ଆଣ୍ଡ୍ ଟେକ୍ନୋଲୋଜିର ସହଯୋଗରେ ବିଜ୍ଞାନ ଭାରତୀର ଏହି କାର୍ଯ୍ଯକ୍ରମ ଅନୁଷ୍ଠିତ ହେବ। ଉକ୍ତ କାର୍ଯ୍ୟକ୍ରମରେ ଭୂବନେଶ୍ବର ଆଇ ଆଇ ଟିର ଡାଇରେକ୍ଟର ପ୍ରଫେସର ଶ୍ରୀପ୍ରସାଦ କର୍ମାଲକର ମୁଖ୍ଯ ଅତିଥି ଭାବରେ ଯୋଗଦେଇ କୃତି ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରିବେ। ନାଇଜରର ରେଜିଷ୍ଟାର ଡଃ ଅଭୟ ନାୟକ ସମ୍ମାନିତ ଅତିଥି ଭାବରେ ଯୋଗଦାନ କରିବେ। ବିପିୟୁଟିର ପୂର୍ବତନ ଭିସି ଏବଂ ଓଡ଼ିଶା ବିଜ୍ଞାନ ମଣ୍ଡଳର ସଭାପତି ପ୍ରଫେସର ଚିତ୍ତରଂଜନ ତ୍ରିପାଠୀଙ୍କ ଅଧକ୍ଷତାରେ କାର୍ଯ୍ୟକ୍ରମ ଅନୁଷ୍ଠିତ ହେବ। ବିଦ୍ଯାର୍ଥୀ ବିଜ୍ଞାନ ମନ୍ଥନର ରାଜ୍ଯ ସଂଯୋଜକ ଡଃ ଦିବ୍ଯ କିଶୋର ପଣ୍ଡା ଏବଂ ସହସଂଯୋଜକ ଶ୍ରୀ ଲିଙ୍ଗରାଜ ପ୍ରଧାନ କାର୍ଯ୍ୟକ୍ରମକୁ ପରିଚାଳନା କରିବେ। ବିବେକାନନ୍ଦ ଇନଷ୍ଟିଚ୍ୟୁଟର ଅଧ୍ଯାପକମାନେ ପରୀକ୍ଷାର ସଂଚାଳନ କରିବେ। ବିଜ୍ଞାନ ମଣ୍ଡଳର ସଂପାଦକ ଡଃ ବିକାଶ ଜେନା ଏବଂ ସଂଗଠନ ସଂପାଦକ ଇଂ ଅରୁଣ କୁମାର ସାହୁ ଏକ ପ୍ରେସ ବିଜ୍ଞପ୍ତି ମାଧ୍ୟମରେ ଏକଥା ଜଣାଇଛନ୍ତି। ଅଭ୍ୟର୍ଥନା କମିଟିର ଅଧ୍ୟକ୍ଷ ତଥା ବିବେକାନନ୍ଦ ଇନଷ୍ଟିଚ୍ୟୁଟର ଚେୟାରମ୍ୟାନ ଶିକ୍ଷାବିତ୍ ଡକ୍ଟର ଧୀରେନ୍ଦ୍ର ନନ୍ଦ ଉକ୍ତ କାର୍ଯ୍ୟକ୍ରମକୁ ସଫଳ କରାଇବା ପାଇଁ ସମସ୍ତଙ୍କର ସହଯୋଗ କାମନା କରିଛନ୍ତି।