03-Feb-2023

ଲୋଇସିଂହା/ଆଗଲପୁର(ବିନୋଦ କୁମାର ଦୀପ) 
ଆଗଲପୁର ବ୍ଲକ ଝରଣୀପାଳି ପଂଚାୟତ ଅନ୍ତର୍ଗତ ପଣ୍ଡକିଟାଲ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ର ସୁବର୍ଣ୍ଣ ଜୟନ୍ତୀ ମହୋତ୍ସବ ଉଦଯାପିତ ହୋଇଯାଇଛି l ସନ୍ଧ୍ୟା ରେ ଆୟୋଜିତ ଉଦଯାପନୀ ଉତ୍ସବରେ ସୁବର୍ଣ୍ଣ ଜୟନ୍ତି କମିଟି ସଭାପତି ସୁଶାନ୍ତ ପଧାନ ସଭାପତିତ୍ବ ରେ ଅନୁଷ୍ଠିତ କାର୍ଯ୍ୟକ୍ରମ ରେ ଲୋଇସିଂହା ବିଧାୟକ ଡ଼. ମୁକେଶ ମହାଲିଙ୍ଗ ମୁଖ୍ୟ ଅତିଥି ରୂପେ ଯୋଗଦେଇ ଏହି ଉତ୍ସବ ଆୟୋଜନ କୁ ଉଚ୍ଚ ପ୍ରଶଂସା କରିବା ସହ ସ୍କୁଲ ର ବିକାଶ ପାଇଁ ଦୃଢ଼ ପ୍ରତିଶୃତି ଦେଇଥିଲେ l ସମ୍ମାନୀୟ ଅତିଥିଭାବେ ସମାଜସେବୀ ରାଜ୍ୟ ବିଜେଡି ମହିଳା ସମ୍ପାଦିକା ରଞ୍ଜୁ ରାଏମନ ଯୋଗଦେଇ  ପ୍ରତିଭା ସମ୍ପନ ପୁରାତନ ଛାତ୍ରଛାତ୍ରୀ ଙ୍କ ଭଲ ଗୁଣ  କୁ ନୂତନ ପିଢ଼ି କିଭଳି ଅନୁକରଣ କରିବେ ଓ ଉତ୍ସାହିତ ହେବେ ସେ ଦିଗରେ ଧ୍ୟାନ ଦେବାକୁ ଶିକ୍ଷକ ମାନଙ୍କୁ ପରାମର୍ଶ ଦେବା ସହ ଛାତ୍ରଛାତ୍ରୀ ଙ୍କ ମଧ୍ୟରେ ପ୍ରତିଯୋଗିତା ମୂଳକ ମନୋବୃତ୍ତି ସୃଷ୍ଟି କରି ପ୍ରତିଭା ଅନ୍ବେଷଣ କରି ଅଧିକ ଡକ୍ଟର ଓ ପ୍ରଶାସକ ତିଆରି କରିବାକୁ ଶିକ୍ଷକ ମାନଙ୍କୁ କହିଥିଲେ l

ଅନ୍ୟତମ ଅତିଥିଭାବେ ବଲାଙ୍ଗୀର ଜିଲ୍ଲା ପରିଷଦ ଅଧ୍ୟକ୍ଷl ଶ୍ରୀମତୀ ଦେବକୀ ସାହୁ, ସ୍ଥାନୀୟ ସରପଞ୍ଚ ସୁନିତା ସାହୁ  ଯୋଗ ଦେଇଥିବା ବେଳେ ସମାଜସେବୀ ନରେଶ ସାହୁ, କୁଶଙ୍ଗ ମହାବିଦ୍ୟାଳୟ ର ଅଧ୍ୟକ୍ଷ ବିଜୟ କୁମାର କଲେଥ, ପ୍ରଶାନ୍ତ କୁମାର ନାୟକ ଯୋଗଦେଇ ନିଜ ବକ୍ତବ୍ୟ ମାଧ୍ୟମରେ ଛାତ୍ରଛାତ୍ରୀ ତଥା ଆୟୋଜକ ମାନଙ୍କୁ ଉତ୍ସାହିତ କରିଥିଲେ l ପ୍ରଧାନ ଶିକ୍ଷକ କେଶବ ଚନ୍ଦ୍ର ଭୋଇ ବିଦ୍ୟାଳୟ ର ବାର୍ଷିକ ବିବରଣୀ ପ୍ରଦାନ କରିଥିଲେ । ଏହି ଅବସରରେ ବିଦ୍ୟାଳୟ ର ପ୍ରତିଷ୍ଠାତା ସଦସ୍ୟ, ପୂର୍ବତନ ଶିକ୍ଷକ ମାନଙ୍କ ସମେତ ପୋଲିସ ବିଭାଗ ରେ ଚାକିରୀ କରୁଥିବା ବିଦ୍ୟାଳୟ ର 13ଜଣ ପୂର୍ବତନ ଛାତ୍ର ଛାତ୍ରୀ ମାନଙ୍କୁ ଙ୍କୁ ଅତିଥି ବୃନ୍ଦ ସମ୍ବର୍ଦ୍ଧିତ କରିଥିଲେ l  ସମ୍ବର୍ଦ୍ଧନା ଉତ୍ସବ ପରେ ସ୍କୁଲ ର ପୂର୍ବତନ ଓ ବର୍ତମାନ ର ଛାତ୍ର ଛାତ୍ରୀ ମାନଙ୍କ ଦ୍ୱାରା  ରଚିତ ସ୍ମରଣିକା ଉନ୍ମୋଚନ କରାଗଲା l ଏହାସହ ବିଦ୍ୟାଳୟ ର ଛାତ୍ରଛାତ୍ରୀ ଓ ରାଜ୍ୟ ର ଅନେକ ସ୍ଥାନରୁ ଆସିଥିବା କଳାକାର ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ କରାଗଲା l ସାଂସ୍କୃତିକ କାର୍ଯ୍ୟକ୍ରମ କୁ ସରୋଜ ମହାକୁର ଓ ଉଦଯାପନୀ ସଭା କୁ ସରୋଜ ବିଶ୍ଵାଳ ସଂଯୋଜନା କରିଥିବା ବେଳେ ସୁବର୍ଣ୍ଣ ଜୟନ୍ତୀ କମିଟି ସମ୍ପାଦକ ଦେବରାଜ ବାରିକ୍, ଉପସଭାପତି ଉଦୟ ବାଗ, ସହ ସମ୍ପାଦକ ବୀଣା ଗଡ଼ତ୍ୟା, କୋଷାଧ୍ୟକ୍ଷ ସଚ୍ଚିକାନ୍ତ ପଧାନ ସମେତ ସମସ୍ତ ପୁରାତନ ଛାତ୍ର ଛାତ୍ରୀ, ଶିକ୍ଷକ/ଶିକ୍ଷୟତ୍ରୀ ଓ ଗ୍ରାମବାସୀ ଉକ୍ତ କାର୍ଯ୍ୟକ୍ରମରେ ସହଯୋଗ କରିଥିଲେ l