03-Feb-2023

ବିନିକା(ହିମାଂଶୁ ଶେଖର ପୁଟେଲ)ଐତିହାସିକ ପୀଠ ବିନିକାର ମୁକ୍ତିତୀର୍ଥ  ପାପକ୍ଷୟ ଘାଟ ନାମରେ ନାମିତ ଚତୁର୍ଥ ପାପକ୍ଷୟ ଲୋଜ ମହୋତ୍ସବର ଆଜି ୨ୟ ସନ୍ଧ୍ୟାରେ କଣ୍ଠଶିଳ୍ପୀ ଶିବାନନ୍ଦ ତ୍ରିପାଠୀ,ଦୁଷ୍ମନ୍ତ ସୁନା ଓ ନୁର୍ ବେଗମଙ୍କ ସୁ ମଧୁର ସଙ୍ଗୀତ ପରିବେଷଣ ସାଂଗକୁ ବଲାଙ୍ଗିରର ପଞ୍ଚମ,ସମ୍ବଲପୁରର ନଟରାଜ କଳା ପରିଷଦ ତରଫରୁ ଲୋକନୃତ୍ୟ ଏବଂ ସ୍ଥାନୀୟ ଅଂଚଳର କଳାକାରଙ୍କ କଳା

ପ୍ରଦର୍ଶନ ରାତିତମାମ ଦର୍ଶକଙ୍କୁ ବିଭୋର କରିଥିଲା । ମହୋତ୍ସବ କମିଟୀ ସଭାପତି ସୁଧାଂଶୁ ଶେଖର ଦାଶଙ୍କ ଅଧ୍ୟକ୍ଷତାରେ ଅନୁଷ୍ଟିତ ଉତ୍ସବରେ ସୁବର୍ଣ୍ଣପୁର ଜିଲ୍ଲା ପରିଷଦ ଅଧ୍ୟକ୍ଷା ସୁପାର ଠେଲା ମୁଖ୍ୟ ଅତିଥି,ବିନିକା ବ୍ଲକ ଅଧ୍ୟକ୍ଷା ଦୀପ୍ତିରେଖା ନନ୍ଦ, ଶଲାବୁଢ଼ା ଅଭିନେତା ତଥା ସ୍ବର୍ଗତ ଅଟଳ ବିହାରୀ ପଣ୍ଡାଙ୍କ ସୁପୁତ୍ର ଅଶ୍ଵିନୀ କୁମାର ପଣ୍ଡା ସମ୍ମାନିତ ଅତିଥି ଭାବେ ଯୋଗଦେଇ ପୁଣ୍ୟପୀଠ ପାପକ୍ଷୟର କିମ୍ବଦନ୍ତୀ ଅନନ୍ୟ ବୋଲି କହିବା ସହ ଏ ଅଞ୍ଚଳର କଳା,ସଂସ୍କୃତି,ଐତିହ୍ୟକୁ ସମ୍ମାନ ରଖିବା ଉଦ୍ଦେଶ୍ୟ ନେଇ ଉତ୍ସାହୀ ଯୁବ କଳା ପ୍ରେମୀଙ୍କ ତରଫରୁ ଚାଲିଥିବା ଏହି ମହୋତ୍ସବ ଆଗାମୀ ଦିନରେ ଆହୁରି ଅଧିକ ଚିତ୍ତାକର୍ଷକ ଓ ସଫଳତା ଆଣିବ ବୋଲି କହିଥିଲେ ।ଏହି ଅବସରରେ ସ୍ବାସ୍ଥ୍ୟ ହିଁ ଅମୂଲ୍ୟ ସମ୍ପଦ ଭାବି କ୍ରୀଡା କ୍ଷେତ୍ରରେ ଆନ୍ତର୍ଜାତୀୟ ସ୍ତରରେ ୧୬ବର୍ଷରୁ କମ ଯୋଡୋ

କରାଟେ ପ୍ରତିଯୋଗିତାରେ ଉଲ୍ଲେଖନୀୟ ଅବଦାନ ରଖିଥିବା ପ୍ରତୁଷ ପ୍ରଦ୍ୟୁମ୍ନ ପଟ୍ଟନାୟକଙ୍କୁ ପାପକ୍ଷୟ ସମ୍ମାନରେ ସମ୍ମାନିତ କରାଯାଇଥିଲା ।ଏହା ବ୍ୟତୀତ ମଞ୍ଚରେ ସଙ୍ଗୀତ ପରିବେଷଣ କରିଥିବା  କଳାକାର,ଲୋକନୃତ୍ୟ ଓ କଣ୍ଠଶିଳ୍ପୀଙ୍କୁ ମଧ୍ୟ ଆୟୋଜକ କମିଟି ପକ୍ଷରୁ ମାନପତ୍ର ପ୍ରଦାନ କରାଯାଇଥିଲା ।ଶିକ୍ଷକ ହିମାଂଶୁ ଭୂଷଣ ପଣ୍ଡା ମଞ୍ଚ ପରିଚାଳନା କରିଥିବା ବେଳେ ଦ୍ବାରିକାନାଥ ସାହୁ ପାପକ୍ଷୟ ସମ୍ମାନ ପତ୍ର ପଠନ,ନବଜୀବନ ପଣ୍ଡା ସଂପାଦକୀୟ ବିବରଣୀ ପଠନ ଏବଂ ଶେଷରେ ସମ୍ପାଦକ ମାନସ ବେହେରା ଧନ୍ୟବାଦ ଅର୍ପଣ କରିଥିଲେ । ଉଦଘୋଷିକା ଙ୍କ ପରିଚାଳନାରେ ମଞ୍ଚରେ ନୃତ୍ୟ ଗୀତର ସାଂସ୍କୃତିକ କାର୍ଯ୍ୟକ୍ରମ  ହୋଇଥିଲା