25-Jan-2023

ଭୁବନେଶ୍ୱର : ତା୨୨/୦୧/୨୩ ରିଖ – ଓଙ୍ଗ଼ିଶାର ଭାଷା ସାହିତ୍ୟର ଉତ୍କର୍ଷତାକୁ ତୋଳି ଧରିବାରେ ପତ୍ର-ପତ୍ରିକା ଏବଂ ସାହିତ୍ୟ ସଂଗଠନ ଗୁଡିକର ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଚନ୍ଦ୍ରଶେଖରପୁର ସାହିତ୍ୟ ସଂଗଠନ ନିରନ୍ତର ଭାବରେ ସେହି ଭୂମିକାକୁ ତୁଲାଇ ଆସୁଥିବାରୁ ଏହା ରାଜ୍ୟର ଅଗ୍ରଣୀ ସାହିତ୍ୟାନୁଷ୍ଠାନରେ ସ୍ଥାନ ଦଖଲ କରିଛି ବୋଲି ସଂସଦର ୪୬ତମ ଅଧିବେଶନରେ ଯୋଗ ଦେଇ ଅତିଥିମାନେ କହିଛନ୍ତି । ସଂସଦର ସଭାପତି କେନ୍ଦ୍ର ବାଲ୍‍ ସାହିତ୍ୟ ପୁରସ୍କାରପ୍ରାପ୍ତ ସାହିତ୍ୟିକ ଡକ୍ଟର ଦିଗରାଜ ବ୍ରହ୍ମାଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ଅବସରପ୍ରାପ୍ତ ଆଇ.ଏ.ଏସ. ତଥା ସାହିତ୍ୟିକ ପ୍ରସନ୍ନ କୁମାର ଜେନା, ରମାଦେବୀ ମହିଳା ବିଶ୍ୱବିଦ୍ୟାଳୟର ଓଡ଼ିଆ ଭାଷା ସାହିତ୍ୟର ବିଭାଗର ମୁଖ୍ୟ ଡକ୍ଟର ସଂଘମିତ୍ରା ଭଞ୍ଜ, ଅଧ୍ୟାପିକା ମୀରା ବେଉରା ନିଜର ସାରଗର୍ତ୍ତକ ବକ୍ତବ୍ୟ ପ୍ରଦାନ କରିବା ସହ ସଂସଦର ମୁଖପତ୍ର “ଚିହ୍ନ’’ର ୪୩ ସଂଖ୍ୟା, ମହିଳା ପତ୍ରିକା “ମାନବୀ’’ର ପ୍ରଥମ ସଂଖ୍ୟା ଏବଂ କିଶୋର ପତ୍ରିକା “ୟୁ-୧୯’’ର ୨ୟ ସଂଖ୍ୟାକୁ ଅନାବରଣ କରିଥିଲେ । ଏହା ପୂର୍ବରୁ ଅଞ୍ଜଳି ଆଚାର୍ଯ୍ୟ ଏବଂ କବୀ ବିଶ୍ୱମିତ୍ରା ମିଶ୍ରଙ୍କ ସଂଯୋଜନାରେ ୫୦ରୁ ଉର୍ଦ୍ଧ୍ୱ ନବୀନ ଓ ପ୍ରବୀଣ କବି ନିଜର କବିତା ଆବୃତ୍ତି କରିଥିଲେ । ସଂସଦର ପ୍ରତିଷ୍ଠାତା ସଂପାଦକ ଅତିଥି ପରିଚୟ ପ୍ରଦାନ ସମେତ ସଂପାଦକୀୟ ଅଭିଭାଷଣ ପ୍ରଦାନ କରିଥିଲେ । ଡକ୍ଟର ଉର୍ମିମାଳା ଦାସ, ମିନତି ରଥ ଯଥାକ୍ରମେ “ମାନବୀ’’ ଓ “ୟୁ-୧୯’’ ପତ୍ରିକାର ଆଭିମୁଖ୍ୟ ବାବଦରେ ବକ୍ତବ୍ୟ ପ୍ରଦାନ କରିଥିଲେ । ପରିଶେଷରେ ଡଃ ପ୍ରବୀଣା ପରିଡ଼ା ଧନ୍ୟବାଦ ଅର୍ପଣ କରିଥିଲେ ।