24-Jan-2023

ବଲାଙ୍ଗିର(ପ୍ରେରଣା ଖବର)-ସାରା ଦେଶରେ ରାହୁଲ ଗାନ୍ଧୀଙ୍କ ଭାରତ ଯୋଡ ଯାତ୍ରାରେ ଅଦ୍ଭୁଦପୂର୍ବ ସଫଳତା ମିଳିବାରେ ଲାଗିଛି । ବିଭିନ୍ନତା ଭିତରେ ଏକତା ଆଣି କଂଗ୍ରେସର ଆଦର୍ଶ, ସମ୍ବିଧାନର ସୁରକ୍ଷା ଓ ଦେଶରେ ଏକ ଭାଇଚାରା ପରିବେଶ ସୃଷ୍ଟି ପାଇଁ ରାହୁଲ ଗାନ୍ଧୀ ଙ୍କ ଏହି ଯାତ୍ରାରେ ଜାତି, ଧର୍ମ, ବର୍ଣ୍ଣ , ରାଜନୈତିକ ଚିନ୍ତାଧାରା ଏ ସବୁ କୁ ଭୁଲିଯାଇ ଦେଶରେ ଅନେକ ରାଜନୈତିକଜ୍ଞ ବୁଦ୍ଧିଜିବି, କଳାକାର, ରାହୁଲ ଗାନ୍ଧୀଙ୍କ ସହିତ କଂଗ୍ରେସ ଆଦର୍ଶରେ ଯୋଡି ହୋଇଯାଇଛନ୍ତି । ଏହି ଯାତ୍ରା ଓଡିଶା ସଂସ୍କରଣର ବଲାଙ୍ଗିର ଠାରେ ଯାତ୍ରାକୁ ଭବ୍ୟ ସ୍ୱାଗତ କରାଯାଇଥିଲା । ପିସିସି ସଭାପତି ଶରତ ପଟ୍ଟନାୟକଙ୍କ ନେତୃତ୍ୱରେ ଓଡିଶାରେ ଚାଲିଥିବା ଏହି ଭାରତ ଯୋଡ ଯାତ୍ରା ରେ ଆଜି ବଲାଙ୍ଗିର ଠାରେ ସହଶ୍ରାଧିକ ବିଜେଡି ଦଳର ଲୋକ ଓ ସମର୍ଥକ କଂଗ୍ରେସ ଦଳରେ ଯୋଡି ହୋଇଯାଇଛନ୍ତି  ବୋଲି ଆଜି ଏହି ଯାତ୍ରାକୁ ସ୍ୱାଗତ ସମ୍ବର୍ଦ୍ଧନା ତଥା ଜାତିର ଜନକ ମହାତ୍ମା ଗାନ୍ଧୀଙ୍କ ପ୍ରତିମୁର୍ତ୍ତିରେ ଶ୍ରଦ୍ଧାସୁମନ ଜଣାଇବା ପରେ ବଲାଙ୍ଗିର ବିଧାୟକ ନରସିଂହ ମିଶ୍ର ଗଣମାଧ୍ୟମକୁ ନିଜ ପ୍ରତିକ୍ରିୟାରେ କହିଛନ୍ତି । ସେ ଏହା ମଧ୍ୟ କହିଛନ୍ତି ଯେ ସ୍ୱାଧିନତା ପୂର୍ବପର୍ତ୍ତି ଓ ପରବର୍ତ୍ତି ସମୟରୁ କଂଗ୍ରେସ ଦଳ ହିଁ ଲୋକଙ୍କୁ ଲୋକଙ୍କ ଭିତରେ ଯୋଡି ଦେଶକୁ ଏକଜୁଟ କରିଥିଲା । ୨୦୧୪ ପରବର୍ତ୍ତି ସମୟରେ କେନ୍ଦ୍ରରେ ଭାରତୀୟ ଜନତା ପାର୍ଟି ସରକାର ଆସିବା ପରେ ଲୋକଙ୍କ ଭିତରେ ଆଉ ଏକତା ନାହିଁ । କେନ୍ଦ୍ର ସରକାର ଜାଣିଶୁଣି ସମ୍ବିଧାନ ଓ ସାମ୍ବିଧାନିକ ସଂସ୍ଥା ଭିତରେ ଅସ୍ଥିରତା ସୃଷ୍ଟି କରି ଚାଲିଛନ୍ତି । ଏପରି କି ସେମାନେ ନ୍ୟାୟ ପାଳିକା କୁ ମଧ୍ୟ ନିଜ ହାତ ବାରିଶି କରିବାକୁ ଚେଷ୍ଟା ଜାରି ରଖିଛନ୍ତି । ତେଣୁ ଏହି ଭାରତ ଯୋଡ ଯାତ୍ରା ମହତ୍ୱ ଲୋକ ବୁଝିବା ଦରକାର । ଏହି ଯାତ୍ରାକୁ ଓଡିଶାରେ ଏବଂ ବଲାଙ୍ଗିର ରେ ଅଦ୍ଭୁଦପୂର୍ବ ସଫଳତା ମିଳୁଛି କେବଳ ବିଜେଡି ନୁହେଁ ବିଜେପି ଦଳରୁ ମଧ୍ୟ ଅନେକ ରାଜନୈତିକ ଲୋକ କଂଗ୍ରେସ ଦଳ ରେ ସାମିଲ ହୋଇଥିବାର ଶୁଣାଯାଉଛି ବୋଲି ଶ୍ରୀ ମିଶ୍ର ପ୍ରତିକ୍ରୟାରେ କହିଛନ୍ତି ।