24-Jan-2023

ବିନିକା(ହିମାଂଶୁ ଶେଖର ପୁଟେଲ)ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରୟାସ କ୍ରମେ ରାଜଧାନୀ ଭୁବନେଶ୍ୱର ସ୍ଥିତ କଳିଙ୍ଗ ଏବଂ ସୁନ୍ଦରଗଡ଼ ଜିଲ୍ଲାର  ବିର୍ସାମୁଣ୍ଡା ଷ୍ଟାଡିୟମ ଠାରେ ଚାଲିଥିବା ହକି ବିଶ୍ଵକପ ଅବସରରେ ସୁବର୍ଣ୍ଣପୁର ଜିଲ୍ଲା ବିନିକା ସିଦ୍ଧାର୍ଥ ଡିଗ୍ରୀ କଲେଜ ଠାରେ ବିବିଧ ସଚେତନତା କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି । ଅଞ୍ଚଳର ଜନସାଧାରଣଙ୍କୁ  ହକି ଖେଳରେ ଆକର୍ଷିତ କରିବା ଉଦ୍ଦେଶ୍ୟ ନେଇ ଡିଗ୍ରୀ କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକଙ୍କ ନେତୃତ୍ୱରେ ଏବଂ ଅର୍ଥନୀତି ଅଧ୍ୟାପକ ବିଶ୍ଵନାଥ ମିଶ୍ରଙ୍କ ପରିଚାଳନାରେ ଅଧ୍ୟୟନରତ ଛାତ୍ରଛାତ୍ରୀ ମାନେ ଏଫଆଇ

ଏଚ ଓଡ଼ିଶା ହକି ଧ୍ୱନି ଦେଇ ସହର ପରିକ୍ରମା ପୂର୍ବକ ଲୋକଙ୍କୁ ସଚେତନ କରିଥିଲେ ।ସେହିପରି କଲେଜର ବିଭିନ୍ନ ସ୍ଥାନରେ ଛାତ୍ରଛାତ୍ରୀ ମାନଙ୍କ ଦ୍ଵାରା ହକି ବିଶ୍ଵକପକୁ ନେଇ ରଙ୍ଗୋଲି,ଚିତ୍ରାଙ୍କନ,ବକୃତା ପ୍ରତିଯୋଗୀତା ଅନୁଷ୍ଟିତ ହୋଇଥିଲା ।ଛାତ୍ର ଆଶିଷ କୁମାର ମେହେରଙ୍କ ଦ୍ଵାରା ବାଲୁକା କଳା ପ୍ରଦର୍ଶନ ବେଶ ଚିତ୍ତାକର୍ଷକ ହୋଇଥିଲା ।ପରେ ହକି ରଥକୁ ସ୍ଵାଗତ ସମ୍ବର୍ଦ୍ଧନା,ପଡ଼ିଆରେ ଅନୁଷ୍ଠିତ ହକି ଖେଳକୁ ମନଭରି ଉପଭୋଗ,ଚାଲିଥିବା ବିଶ୍ଵକପ ହକିରେ ଅଂଶ ଗ୍ରହଣ କରିଥିବା ଦେଶ/ବିଦେଶର ଖେଳାଳି ମାନଙ୍କ ଖେଳ ପ୍ରୋଜେକ୍ଟର ଓ ଏଲସିଡି ମାଧ୍ୟମରେ ଦେଖି ଖେଳାଳିଙ୍କୁ

ଉତ୍ସାହିତ କରିବା,କଲେଜ ପରିସରର ବିଭିନ୍ନ ସ୍ଥାନରେ ହକି ବିଶ୍ଵକପର ପୋଷ୍ଟର ପ୍ରଦର୍ଶନ,ହକି ବିଶ୍ଵକପର ପ୍ରଚାର ଓ ପ୍ରସାର ପାଇଁ ସେଲଫି ପଏଣ୍ଟ ବ୍ୟବସ୍ଥା ଆଦି ବିଭିଧ ସଚେତନତା କାର୍ଯ୍ୟକ୍ରମ ହୋଇଯାଇଛି ।ଦୀର୍ଘ ୩ଦିନ ଧରି ଚାଲିଥିବା ଏହି କାର୍ଯ୍ୟକ୍ରମରେ କଲେଜର ବରିଷ୍ଟ ଅଧ୍ୟାପକ ଗୋପାଳ କୃଷ୍ଣ ଦାଶ,ବାଣୀ ପ୍ରସାଦ ବିଶ୍ଵାଳ,ରୁଦ୍ର ନାରାୟଣ ଦାଶ,ହରିଶ୍ଚନ୍ଦ୍ର ହୋତା,ମାନସ ମିଶ୍ର,ଭଗବାନ ସାହୁ,ଅଧ୍ୟାପିକା ରୁବୀ ପୂଜାରୀ,ଦିବ୍ୟାଲୋକା ମହାପାତ୍ର,ପ୍ରଣତୀ ମିଶ୍ର,ମିତାଳୀ ପ୍ରଧାନ,ଲାଇବ୍ରେରୀଏନ ଭାରତୀ ବାବୁ ପ୍ରମୁଖଙ୍କ ସମେତ କଲେଜର ସମସ୍ତ ଷ୍ଟାଫ ପରିଚାଳନାରେ ସହଯୋଗ କରିବା ସହିତ ଭାଗନେଇଥିବା ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ ।