17-Dec-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) ଗତ କାଲି  ସୁବର୍ଣ୍ଣପୁର ଠାରେ ପ୍ରଫେସର ସ୍ବର୍ଗତ ଅଭିଷେକ ମିଶ୍ର ଙ୍କ ଦ୍ଵାଦଶାହ ଉପଲକ୍ଷେ ସ୍ଥାନୀୟ ଶିଶୁ ସେବା ଶ୍ରମ ଠାରେ ସମସ୍ତ ଅନ୍ତେବାସୀଙ୍କୁ ମାଧ୍ୟାନ୍ନ ଭୋଜନ ଓ ତେଲ ନଦୀ କୂଳ ରେ ଥିବା ରୋଗୀ ସେବା ଶ୍ରମ ରେ ମଧ୍ୟାହ୍ନ ଭୋଜନ ସହିତ ଶୀତ ବସ୍ତ୍ର କମ୍ବଳ ବଣ୍ଟନ କଲେ ଆତ୍ମୀୟ ସ୍ୱଜନ l ଏହି ମହତ କାର୍ଯ୍ୟକ୍ରମ ରେ  ସ୍ବର୍ଗତ ଅଭିଷେକ ର ବଡ଼ ଭାଇ  ହାଇକୋର୍ଟ ଏଡଭୋକେଟ ଅଭିଲାଶ ମିଶ୍ର,  ମାମୁଁ ମନୋରଞ୍ଜନ ତ୍ରିପାଠୀ, ଆଇନଜିବୀ ପ୍ରଦୀପ ପୁରୋହିତ ଙ୍କ ସମେତ ସୁବର୍ଣ୍ଣପୁର ର ଅତିରିକ୍ତ ଜ଼ିଲ୍ଲାପାଳ ଶ୍ରୀ ସୂର୍ଯ୍ୟ ନାରାୟଣ ଦାଶ  ଓ ଭୁବନେଶ୍ୱର ଏମ୍ସ ହସ୍ପିଟାଲର ଗେଷ୍ଟ୍ରୋଏଣ୍ଟ୍ରୋଲୋଜିଷ୍ଟ ଡ. ବ୍ରହ୍ମ ଦତ୍ତ ପଟ୍ଟନାୟକ ସାମିଲ ହୋଇ ଶିଶୁ ଆଶ୍ରମ ର ଛାତ୍ର ଛାତ୍ରୀ ଓ  ନାରାୟଣ ସେବାଶ୍ରମର ଅନ୍ତେବାସୀଙ୍କୁ ରନ୍ଧା ଖାଦ୍ୟ ପରିବେଷଣ କରି ରୋଗୀ ମାନଙ୍କୁ ଶୀତ ବସ୍ତ୍ର ମଧ୍ୟ ବାଣ୍ଟି ଥିଲେ l ଅଭିଷେକ ର ଅମର ଆତ୍ମl ଶାନ୍ତି ଲାଗି ଓ ଶେଷ ଇଚ୍ଛା କୁ ପୁରା କରିବା ପାଇଁ ପରିବାର ଓ ଆତ୍ମୀୟ ସ୍ୱଜନ ଦ୍ୱାରା ଆୟୋଜିତ ଏଭଳି ମହତ କାର୍ଯ୍ୟକୁ ସହର ର ବୁଦ୍ଧିଜୀବୀ ପ୍ରଶଂସା କରିଛନ୍ତି l ପ୍ରକାଶ ଥାଉ କି ଯେ ଜ଼ିଲ୍ଲା ଗ୍ରନ୍ଥlଗାର ର ପାଠକ ଙ୍କ ପାଇଁ  କିଛି ପୁସ୍ତକ  ତାଙ୍କ ସ୍ମୃତି ରେ  ପ୍ରଦାନ, ଓ ଜ଼ିଲ୍ଲା ର ମେଧାଵୀ ମାଟ୍ରିକ ଟପ୍ପର ଓ ସ୍ନାତକୋତ୍ତର ଟପ୍ପର ମେଧା ଛାତ୍ରଛାତ୍ରୀଙ୍କୁ ପୁରସ୍କୃତ  ଓ ଉତ୍ସାହିତ କରିବା ର  ଅଭିଷେକର ଆଉ ଏକ ଅଭିଳାଷ କୁ ପୂରଣ କରିବା ର ଉଦ୍ୟମ ମଧ୍ୟ ଆରମ୍ଭ କରିଛନ୍ତି ବଡ଼ ଭାଇ ଅଭିଳାଷ ବୋଲି ସୂଚନା ମିଳିଛି l