-+91-9937148622 |
prerana_bgr@rediffmail.com |
Tuesday 19th March 2024 |
R.N.I. Regd No. ODIODI/2010/46693
Breaking News
08-Dec-2022
ପଦ୍ମପୁର( ନରହରି ଵଗତ୍ତି)
ବରଗଡ ଜିଲ୍ଲା ପଦ୍ମପୁର ଉପନିର୍ବାଚନ ମଣ୍ଡଳୀ ର ଭୋଟ କୁ ନେଇ ଶେଷରେ ସବୁ କଳ୍ପନା ଜଳ୍ପନା ରେ ପୂର୍ଣ୍ଣଛେଦ ପଡ଼ିଛି।ଆଜି ଭୋଟ ଗଣତି ଚାଲିଥିଲା ଓ ଶେଷରେ ଫଳାଫଳ ଆସିଲା ।ବିରୋଧି ବିଜେପି କୁ ତମ ଜୋରଦାର ଝଟକା ଦେଇ ଶେଷରେ ସ୍ୱର୍ଗତ ବିଜୟ ରଞ୍ଜନ ସିଂ ବରିହା ଙ୍କ ଅଲିଅଳ ଝିଅ ବର୍ଷା ସିଂ ବରିହା ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବିନ ପଟ୍ଟନାୟକ ଙ୍କ ଆଶ୍ରିର୍ବାଦ ରୁ ବିଜୁ ଜନତାଦଳ ର ପ୍ରାର୍ଥିନୀ ଭାବେ ନିର୍ବାଚନ ରଣାଙ୍ଗନା ରେ ଛିଡାହୋଇଥିଲେ।ତାଙ୍କୁ ପରାସ୍ତ କରିବାପାଇଁ ବିଜେପି ଦଳ ପକ୍ଷରୁ ପ୍ରଦୀପ ପୁରୋହିତ ଙ୍କୁ ଛିଡ଼ା କରାଯାଇଥିଲା।ଯାହାର ଜବାବ ଦେଇଛନ୍ତି ପଦ୍ମପୁର ନିର୍ବାଚନ ମଣ୍ଡଳୀ ର ଅଗଣିତ ଭୋଟର।ସରିଯାଇଛି ବହୁ ପ୍ରତୀକ୍ଷା ର ଭୋଟ ଗଣତି।ବିଜୟୀ ହେଲେ ବର୍ଷା ସିଂ ବରିହା।ଭୋଟ ଗଣତି ୧୪ ଗୋଟି ଟେବୁଲ୍ ରେ ୨୩ ରାଉଣ୍ଡର ଗଣତି ପ୍ରକ୍ରିୟା ସକାଳ ୮ ଟା ରୁ ଆରମ୍ଭ ହୋଇଥିବାବେଳେ,ପ୍ରଥମ ରାଉଣ୍ଡ ରେ ବର୍ଷା ୧୭୧୨ ଖଣ୍ଡ ଭୋଟ ବ୍ୟବଧାନରେ ଆଗେଇବା ଆରମ୍ଭ କରିଦେଇଥିଲେ।ଯାହାକି କ୍ରମାନ୍ୱୟ ଭାବେ ଶେଷ ପର୍ଯ୍ୟନ୍ତ ବଜାୟ ରହିଥିଲା।ନବାଗତ ବର୍ଷା ସିଂ ବରିହା ଯେ କି ବିଜେଡି ପ୍ରାର୍ଥିନୀ ଭାବେ ଉଭା ହୋଇଥିଲେ ତାଙ୍କ ଠାରୁ ବିଜେପି ଦଳ ର ପ୍ରଦୀପ ପୁରୋହିତ ଶେଷଯାଏଁ କୈାଣସି ରାଉଣ୍ଡରେ ମଧ୍ୟ ଆଗେଇ ପାରିନଥିଲେ।ପ୍ରଥମ ରାଉଣ୍ଡ ରୁ ଦେଖାଦେଇଥିବା ଟ୍ରେଣ୍ଡ ଶେଷ ରାଉଣ୍ଡ ପର୍ଯ୍ୟନ୍ତ ବଳବତ୍ତର ରହିଥିଲା।ଶେଷରେ ବର୍ଷା ପଦ୍ମପୁର ନିର୍ବାଚନ ମଣ୍ଡଳୀ ର ସମସ୍ତ ରେକର୍ଡ ଭାଙ୍ଗି ସମୁଦାୟ ୧ ଲକ୍ଷ ୧୮ ହଜାର ୮୫୮ ଖଣ୍ଡ ଭୋଟ ହାତେଇ ନିଜର ନିକଟତମ ପ୍ରତିଦ୍ୱନ୍ଦି ବିଜେପି ଦଳର ପ୍ରଦୀପ ପୁରୋହିତ ଙ୍କୁ ୪୧ ହଜାର ୯୪୬ ଖଣ୍ତ ବ୍ୟବଧାନରେ ପରାଜିତ ର ସ୍ୱାଦ ଚଖାଇ ବିଜୟୀ ହୋଇଛନ୍ତି।ପ୍ରଥମ ଥର ସକାଶେ ପଦ୍ମପୁର ନିର୍ବାଚନ ମଣ୍ଡଳୀ ରେ ମହିଳା ପ୍ରାର୍ଥିନୀ ଭାବେ ବର୍ଷା ଅବତୀର୍ଣ୍ଣ ହୋଇ ରେକର୍ଡ ସଂଖ୍ୟାରେ ଭୋଟ ହାତେଇ ବିଜୟ ମୁକୁଟ ର ହକଦାର ହୋଇଥିବାରୁ ପଦ୍ମପୁର ନିର୍ବାଚନ ମଣ୍ଡଳୀ ର ଅଗଣିତ ଭୋଟର ଙ୍କୁ ଅଭିନନ୍ଦନ ସହ କୃତଜ୍ଞତା ଜଣାଇଛନ୍ତି। ଓ ସେ ତାଙ୍କର ବାପାଙ୍କ ସମାଧି ସ୍ଥଳ କୁ ଯାଇ ଫୁଲମାଳ ଅର୍ପଣ କରି ଆଶୀର୍ବାଦ ନେଇଥିଲେ।