-+91-9937148622 |
prerana_bgr@rediffmail.com |
Thursday 25th April 2024 |
R.N.I. Regd No. ODIODI/2010/46693
Breaking News
05-Dec-2022
ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକରେ ସରକାରୀ ସ୍ତରରୁ ସଚେତନତା ଅଭାବରୁ ବଡୁଛି ବାଲ୍ୟ ବିବାହ l ସୂଚନାଯୋଗ୍ୟ ଯେ, ଡାବୁଗାଁ ପଂଚାୟତର ଡୁମୁନିଗୁଡା ନିକଟ ବର୍ତ୍ତୀ ବିଜୁ ଗୁଡା ଗ୍ରାମରେ ବାଲ୍ୟ ବିବାହକୁ ରୋକା ଯାଇଥିବା ଜଣା ପଡିଛି | ପ୍ରାପ୍ତ ଖବରରୁ ଜଣା ଯାଇଛି ଯେ ଡାବୁଗାଁ ବ୍ଲକ ଡାବୁଗାଁ ପଂଚାୟତ ଅଧୀନ ଡୁମୁନି ଗୁଡା ନିକଟ ବର୍ତ୍ତୀ ବିଜୁଗୁଡା ଗ୍ରାମର ନାବାଳକ ସନ୍ୟାସୀ ଜାନି ଓ ନାବାଳିକା ଉଆଁସୀ ଜାନି ଗତ ୨୭ ନଭେମ୍ବର ୨୦୨୨ରୁ ଗାଁ ଛାଡି ବାହାରକୁ ଚାଲି ଯାଇଥିଲେ | ସେହି ପୁଅ ଓ ଝିଅର ପରିବାର ଜାଣିବା ପରେ ଖୋଜା ଖୋଜି କରିଥିଲେ | କିଛି ଦିନ ପରେ ଉକ୍ତ ପରିବାରର ମୁଖ୍ୟ ମାନେ ନାବାଳକ ଓ ନାବାଳିକାକୁ ଘରକୁ ଆଣି ବୁଝା ସୁଝା କରିଥିଲେ | ଏହି ବିଷୟକୁ ନେଇ ଗ୍ରାମରେ ଏକ ଗ୍ରାମ ସଭା କରାଯାଇଥିଲା | ସେହି ଗ୍ରାମସଭା ରେ ବାଲ୍ୟ ବିବାହ କମିଟି ସଭାପତି କମଳ ପୂଜାରୀ, ପରଜା ସମାଜ ର ସଭାପତି ରାମଚନ୍ଦ୍ର ଜାନି, ବିଜୁଗୁଡା ଅଙ୍ଗନୱାଡି କର୍ମୀ ଡମଣୀ ଜାନି, ସ୍ପ୍ରେଡ଼ କର୍ମୀ ଦଳମା ହରିଜନ ଏବଂ ପୁଅର ପିତା ଜଗବନ୍ଧୁ ଜାନି ଓ ଝିଅର ପିତା ଜଗନ୍ନାଥ ଜାନି ଉପସ୍ଥିତ ଥିବା ବେଳେ ଗ୍ରାମର ଅନ୍ୟମାନେ ସହଯୋଗ କରିଥିଲେ | ଏ ବିଷୟକୁ ସରକାରଙ୍କ ନିୟମାନୁଯାୟୀ ପ୍ରତି ପଞ୍ଚାୟତର ଶିଶୁ ସୁରକ୍ଷା କମିଟି ଗଠିତ ହୋଇଛି | ବର୍ତ୍ତମାନ ସରକାରୀ ସ୍ତରରେ ଗାଁ କଲ୍ୟାଣ ସମିତି ଶିଶୁ ସୁରକ୍ଷା କମିଟି ଭାବେ ନାମିତ ହେବ | ଏହି କମିଟି ବାଲ୍ୟ ବିବାହ ଶିଶୁ ଶ୍ରମିକ ରୋକିବା ପାଇଁ ଗ୍ରାମ୍ୟ ସ୍ତରରେ ଚେଷ୍ଟା କରିବ କିନ୍ତୁ ଡାବୁଗାଁ ବ୍ଲକରେ କଥା କିଛି ଅଲଗା | ତେଣୁ ବାଧ୍ୟହୋଇ ଗ୍ରାମବାସୀମାନେ ନିଜସ୍ୱ ଉଦ୍ୟମରେ ଏହାକୁ ରାକିବାକୁ ଚେଷ୍ଟା କରୁଛନ୍ତି। ଗାଁ କଲ୍ୟାଣ ସମିତି ତରଫରୁ ବିଜୁଗୁଡା ଗ୍ରାମରେ ବାଲ୍ୟ ବିବାହକୁ ସଫଳତାର ସହ ରୋକା ଯାଇଛି | ଡାବୁଗାଁ ବ୍ଲକର ୧୪୨ଟି ଅଙ୍ଗନୱାଡି କେନ୍ଦ୍ରରୁ ନଅ ଗୋଟି ବାଲ୍ୟ ବିବାହକୁ ଗତ ଏପ୍ରିଲ ମାସରୁ ଆଜି ପର୍ଯ୍ୟନ୍ତ ରୋକା ଯାଇଥିଲା ଜିଲ୍ଲା ସ୍ତରୀୟ ଅଧିକାରୀଙ୍କ ହସ୍ତକ୍ଷେପଯୋଗୁଁ କିନ୍ତୁ ବ୍ଲକସ୍ତରରେ ସଚେତନତାର ଘର ଅଭାବ ଦେଖିବାକୁ ମିଳୁଛି | ଉକ୍ତ ବାଲ୍ୟ ବିବାହକୁ ରୋକିବାରେ ସ୍ଥାନୀୟ ସରପଞ୍ଚ, ୱାର୍ଡ ମେମ୍ବର, ଜାତି ସମାଜର ସଭ୍ୟମାନେ ସହଯୋଗ କରିଥିଲେ | ଉକ୍ତ ବାଲ୍ୟ ବିବାହକୁ ଆପ୍ପ ମାଧ୍ୟମରେ ସଚେତନ କରାଯାଇଛି ବୋଲି ପ୍ରକାଶ କରିଥିଲେ |
(ରିପୋର୍ଟ/ମିହିର ଶଙ୍କର ପାତ୍ର,ନବରଙ୍ଗପୁର)