-+91-9937148622 |
prerana_bgr@rediffmail.com |
Friday 29th March 2024 |
R.N.I. Regd No. ODIODI/2010/46693
Breaking News
01-Dec-2022
ବିନିକା(ହିମାଂଶୁ ଶେଖର ପୁଟେଲ) ଆଜି ବିଶ୍ୱ ଏଡସ ଦିବସ ପାଳନ ଅବସରରେ ମାରାତ୍ମକ ରୋଗ ଏଡସ ରୁ ଦୂରେଇ ରହିବା ଧ୍ୱନିରେ ବିନିକା ସହର ପ୍ରକମ୍ବିତ ହୋଇଥିଲା ବିନିକା ସିଦ୍ଧାର୍ଥ ଡିଗ୍ରୀ କଲେଜ,ଜୁନିଅର କଲେଜ ଓ ମହିଳା ଜୁନିଅର କଲେଜର ଛାତ୍ରଛାତ୍ରୀ ମାନେ ପୃଥକ ପୃଥକ ଭାବରେ ସହରରେ ଶୋଭାଯାତ୍ରା କରି ଭୟାବହତା ଏଡସ ରୋଗର କାରଣ,ନିରାକରଣ ଓ ତାର ନିଧନ ପାଇଁ ଲୋକଙ୍କୁ ସ୍ଲୋଗାନ ମାଧ୍ୟମରେ ସଚେତନତାର ବାର୍ତା ପ୍ରଦାନ କରିଥିଲେ ।ଏହି ପରିପ୍ରେକ୍ଷୀରେ ସିଦ୍ଧାର୍ଥ ଡିଗ୍ରୀ କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର ନାୟକଙ୍କ ଅଧ୍ୟକ୍ଷତାରେ ଅନୁଷ୍ଟିତ ସଭାରେ ଉଲୁଣ୍ଡା ଡାକ୍ତରଖାନାରୁ ରିସୋରସ ପର୍ସନ ଭାବେ ଡାକ୍ତର ଦିଲ୍ଲୀପ କୁମାର ପାଣ୍ଡିଆ,ସମ୍ମାନିତ ଅତିଥି ଅଧ୍ୟାପକ ଗୋପାଳ କୃଷ୍ଣ ଦାଶ ଯୋଗଦେଇଥିଲେ ।ଯୁବ ରେଡକ୍ରସ କାଉନସିଲର ତଥା ଅଧ୍ୟାପକ ବିଶ୍ଵନାଥ ମିଶ୍ର ସଭା ପରିଚାଳନା କରିଥିବା ବେଳେ ରେଡକ୍ରସ ମହିଳା କାଉନସିଲର ତଥା ଅଧ୍ୟାପିକା ବିଘ୍ନେଶ୍ୱର ପୂଜାରୀ ଧନ୍ୟବାଦ ଅର୍ପଣ କରିଥିଲେ ।ଏହି ଅବସରରେ କଲେଜ ତରଫରୁ ଅନୁଷ୍ଟିତ ବିଭିନ୍ନ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀ ମାନଙ୍କୁ ଅତିଥି ମାନେ ପୁରସ୍କାର ପ୍ରଦାନ କରିଥିଲେ ।ସେହିପରି ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନଙ୍କ ଅଧ୍ୟକ୍ଷତାରେ ଡାକ୍ତର ତ୍ରିବିକ୍ରମ ପାଣ୍ଡିଆ ଯୋଗଦେଇ ଏଡସ ରୋଗରୁ ବର୍ତିବା ନେଇ ବିଭିନ୍ନ ଉପାୟ ଉପରେ ଆଲୋକପାତ କରିଥିଲେ ।ପ୍ରାରମ୍ଭରେ ଶୋଭାଯାତ୍ରାରେ ଯାଇଥିବା ଛାତ୍ରଛାତ୍ରୀ ମାନେ ବିନିକା ଡାକ୍ତରଖାନାକୁ ଯାଇ ରୋଗୀ ଓ ତାଙ୍କର ସମ୍ପର୍କୀୟ ମାନଂକୁ ଏଡସ ରୋଗ ଉପରେ ସଚେତନ କରିଥିଲେ ।ଶେଷରେ ଯୁବ ରେଡକ୍ରସ କାଉନସିଲର ପ୍ରିତିରଞ୍ଜନ ସାହୁ ଧନ୍ୟବାଦ ଅର୍ପଣ କରିଥିଲେ ।ଅନ୍ୟ ପକ୍ଷରେ ମହିଳା ଜୁନିଅର କଲେଜ ଅଧ୍ୟକ୍ଷ ପଞ୍ଚାନନ ସାହୁଙ୍କ ନେତୃତ୍ୱରେ ଅନୁଷ୍ଠିତ ସଚେତନତା ଶୋଭାଯାତ୍ରାରେ କଲେଜର ସମସ୍ତ ଅଧ୍ୟାପକ ଅଧ୍ୟାପିକା ସାମିଲ ହୋଇ ଛାତ୍ରୀ ମାନଙ୍କୁ ଉତ୍ସାହିତ କରିଥିଲେ ।