-+91-9937148622 |
prerana_bgr@rediffmail.com |
Friday 19th April 2024 |
R.N.I. Regd No. ODIODI/2010/46693
Breaking News
28-Nov-2022
ବରଗଡ: ବିକାଶର ୨୦ତମ ବାର୍ଷିକୋତ୍ସବ “ଇଲେକ୍ଟ୍ରା ୨୦୨୨-୨୩”ର ଦ୍ୱିତୀୟ ଦିବସ ମହାସମାରୋହରେ ଅନୁଷ୍ଠିତ ହୋଇଯାଇଛି । ଏହି ବାର୍ଷିକୋତ୍ସବରେ ଅତିଥିଗଣ ପ୍ରଥମେ ମଙ୍ଗଳଦୀପ ପ୍ରଜ୍ଜ୍ୱଳନ କରି ସଭାର ଉଦ୍ଘାଟନ କରିଥିଲେ । ବିକାଶ ସ୍କୁଲ୍ ଅଫ୍ ବିଜ୍ନେସ୍ ମ୍ୟାନେଜ୍ମେଣ୍ଟ୍ର ଅଧ୍ୟକ୍ଷ ଡ.କ୍ଷୀରୋଦ କୁମାର ପ୍ରଧାନ ସ୍ୱାଗତ ଭାଷଣ ଦେଇଥିଲେ ଏବଂ ବିକାଶ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିର ଅଧ୍ୟକ୍ଷ ଇଂ.ଅଜୟ କୁମାର ମହାପାତ୍ର ଅତିଥି ପରିଚୟ ପ୍ରଦାନ କରିଥିଲେ । ଓଡ଼ିଶା ସିନେମା ଜଗତର ଜଣାଶୁଣା ସଫଳ ନିର୍ଦ୍ଦେଶକ, ପ୍ରଯୋଜକ, ଲେଖକ ଓ ଜାତୀୟ ସ୍ତରରେ ଫିଲ୍ମ୍ ଏୱାର୍ଡ୍ ପ୍ରାପ୍ତ ଶ୍ରୀ ସବ୍ୟସାଚୀ ମହାପାତ୍ର ଏହି ଉତ୍ସବରେ ମୁଖ୍ୟ ଅତିଥି ଭାବରେ ଯୋଗଦାନ କରିଥିଲେ । ବିକାଶ ଫାଷ୍ଟ୍ ଷ୍ଟେପ୍ର ଅଧ୍ୟକ୍ଷା ଶ୍ରୀମତୀ ପୁଷ୍ପଲତା ମହାପାତ୍ର ବିଦ୍ୟାଳୟର ବାର୍ଷିକ ବିବରଣୀ ପାଠ କରିଥିଲେ । ବିକାଶ ଶିକ୍ଷାନୁଷ୍ଠାନ ସମୁହର ଡାଇରେକ୍ଟର ଡ.ସମରେନ୍ଦ୍ର ନାଥ ପଣ୍ଡା ବିକାଶ
ହାୟର୍ ଏଜୁକେସନାଲ୍ ଇନ୍ଷ୍ଟିଚ୍ୟୁସନ୍ସ୍ ଅନ୍ତର୍ଗତ ବିକାଶ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି, ଡିଗ୍ରୀ କଲେଜ, ସ୍କୁଲ୍ ଅଫ୍ ବିଜ୍ନେସ୍ ମ୍ୟାନେଜ୍ମେଣ୍ଟ୍, ଲ’ ସ୍କୁଲ୍, ନର୍ସିଂ କଲେଜ, ପଲିଟେକ୍ନିକ୍ ଓ କଲେଜ୍ ଅଫ୍ ପାରାମେଡିକାଲ୍ ସାଇନ୍ସ୍ ଅନୁଷ୍ଠାନମାନଙ୍କର ବାର୍ଷିକ ବିବରଣୀ ପାଠ କରିଥିଲେ । ବିକାଶ ଗ୍ରୁପ୍ର ଏକ୍ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଡି.ନାଗେଶ୍ୱର ରାଓ ଚଳିତ ବର୍ଷର ଛାତ୍ରଛାତ୍ରୀ ତଥା ଶିକ୍ଷକ-ଶିକ୍ଷୟିତ୍ରୀମାନଙ୍କର ପ୍ରତିଭା ଓ ସଫଳତାକୁ ଆଲୋକପାତ କରିଥିଲେ । ଭିତ୍ତିଭୂମିର ବିକାଶ ସହ ଛାତ୍ରଛାତ୍ରୀମାନଙ୍କର ହାପିନେସ୍ ଇଣ୍ଡେକ୍ସ୍ ବୃଦ୍ଧି ପାଇଁ କାର୍ଯ୍ୟକ୍ରମମାନ ଚାଲିଥିବାବେଳେ ଆଗକୁ ଅନେକ କାର୍ଯ୍ୟକ୍ରମ କରାଯିବାର ଯୋଜନା ରହିଛି ବୋଲି ମତବ୍ୟକ୍ତ କରିଥିଲେ । ବିକାଶ ଗ୍ରୁପ୍ର ମ୍ୟାନେଜିଂ ଡାଇରେକ୍ଟର ଶ୍ରୀ ଜି.ଭାସ୍କର ରାଓ ଛାତ୍ରଛାତ୍ରୀମାନଙ୍କର ସଫଳତାର ଗାଥା କହିବା ସହିତ ରାଜ୍ୟ ତଥା ଜାତୀୟ ସ୍ତରରେ କ୍ରୀଡ଼ା କ୍ଷେତ୍ରରେ ଛାତ୍ରଛାତ୍ରୀମାନଙ୍କର ପ୍ରତିଭାର ବିସ୍ତାର ପାଇଁ ଅନୁଷ୍ଠାନ ଉଦ୍ୟମରତ ବୋଲି କହିଥିଲେ । ବିକାଶ ଗ୍ରୁପ୍ର ଚେୟାର୍ମେନ୍ ଶ୍ରୀ ଡି.ମୂରଲୀ କ୍ରୀଷ୍ଣା ନିଜର ଅଭିଭାଷଣ ମାଧ୍ୟମରେ ସୂଚନା ଦେଇଥିଲେ କି, କୋରୋନା ମହାମାରୀ ସତ୍ୱେ ଛାତ୍ରଛାତ୍ରୀମାନଙ୍କର ପାଠପଢ଼ା କ୍ଷେତ୍ରରେ କୌଣସି ପ୍ରକାର ବ୍ୟାଘାତ ସୃଷ୍ଟି ନ ହେବାକୁ ଦେଇ ନିଜସ୍ୱ ବିଦ୍ୟା ପୋର୍ଟାଲ୍ ମାଧ୍ୟମରେ ଛାତ୍ରଛାତ୍ରୀଙ୍କର ପାଠପଢ଼ା ଅବ୍ୟାହତ ରହିଥିଲା । ବିକାଶ ହାୟର୍ ଏଜୁକେସନାଲ୍ ଇନ୍ଷ୍ଟିଚ୍ୟୁସନ୍ରେ ସଦ୍ୟ ପ୍ରତିଷ୍ଠିତ ଷ୍ଟାର୍ଟ୍ ଅପ୍ ଏଣ୍ଡ୍ ଇନୋଭେସନ୍ ସେଲ୍ ମାଧ୍ୟମରେ ଅନେକ ଷ୍ଟାର୍ଟ୍ ଅପ୍ର ଶୁଭାରମ୍ଭ, ନାକ୍ ଏକ୍ରେଡିସନ୍ ପରି ଯୋଜନା ବିଷୟରେ ସୂଚନା ଦେଇଥିଲେ । ବିକାଶ ନର୍ସିଂ କଲେଜର ଅଧ୍ୟକ୍ଷା ପ୍ରଫେସର୍ ୱାଇ.ଡି. ଷ୍ଟେଲା ବିକାଶ ଫାଷ୍ଟ୍ ଷ୍ଟେପ୍ ଦ୍ୱାରା ଅନୁ୍ଷ୍ଠିତ ବିଭିନ୍ନ ପ୍ରତିଯୋଗିତାରେ କୃତୀତ୍ୱ ଅର୍ଜନ କରିଥିବା ଛାତ୍ରଛାତ୍ରୀମାନଙ୍କ ନାମ ପୁରସ୍କାର ଗ୍ରହଣ କରିବା ପାଇଁ ଘୋଷଣା କରିଥିଲେ । ବିକାଶ ଗ୍ରୁପ୍ର ଏକ୍ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଭି.ଶ୍ରୀନିବାସ ବିକାଶ ହାୟର୍ ଏଜୁକେସନାଲ୍ ଇନ୍ଷ୍ଟିଚ୍ୟୁସନ୍ର ବାର୍ଷିକ କ୍ରୀଡ଼ାରେ ଚମ୍ପିୟାନ୍ ହୋଇଥିବା ଛାତ୍ର ଓ ଛାତ୍ରୀଙ୍କ ନାମ ଘୋଷଣା କରିଥିବାବେଳେ ଡାଇରେକ୍ଟର ଏକାଡେମିକ୍ସ୍ ଶ୍ରୀ ଜି.ରାମକ୍ରୀଷ୍ଣା ବିକାଶ ଫାଷ୍ଟ୍ ଷ୍ଟେପ୍ର ବାର୍ଷିକ କ୍ରୀଡ଼ାରେ ଚମ୍ପିୟାନ୍ ହୋଇଥିବା ଛାତ୍ର ଓ ଛାତ୍ରୀଙ୍କ ନାମ ଘୋଷଣା କରିଥିଲେ । ମୁଖ୍ୟ ଅତିଥି ଶ୍ରୀ ସବ୍ୟସାଚୀ ମହାପାତ୍ର ଓ ତାଙ୍କ ଧର୍ମପତ୍ନୀ ଶ୍ରୀମତୀ ଶ୍ୱେତପଦ୍ମା ମହାପାତ୍ରଙ୍କୁ ବିକାଶ ପରିଚାଳନା ସଦସ୍ୟମାନେ ସ୍ମୃତିଫଳକ ଓ ଉପଢୌକନ ପ୍ରଦାନ କରି ସମ୍ମାନୀତ କରିଥିଲେ । ମୁଖ୍ୟ ଅତିଥି ନିଜର ଅଭିଭାଷଣରେ ବିକାଶର ସଫଳତାର ଗୁଣଗାନ କରିବା ସହ ପଶ୍ଚିମ ଓଡ଼ିଶାର ଏହି ଅନୁଷ୍ଠାନ ସମଗ୍ର ରାଜ୍ୟରେ ଏକ ଅଗ୍ରଣୀ ଶିକ୍ଷାନୁଷ୍ଠାନର ପରିଚୟ ସୃଷ୍ଟି କରି ଗୁଣାତ୍ମକ ଶିକ୍ଷା ପ୍ରଦାନ କରୁଥିବାରୁ ହୃଦୟରୁ ଧନ୍ୟବାଦ ଜ୍ଞାପନ କରିଥିଲେ । ଛାତ୍ରଛାତ୍ରୀମାନେ କର୍ତବ୍ୟପରାୟଣ, ଉଦ୍ଯୋଗୀ ଓ ଦୃଢ଼ସଙ୍କଳ୍ପବଦ୍ଧ ହେଲେ ସଫଳତାର ଶୀର୍ଷରେ ପହଂଚିପାରିବେ ବୋଲି ମତ ରଖିଥିଲେ । ଶେଷରେ ଲ’ ସ୍କୁଲ୍ର ଅଧ୍ୟକ୍ଷ ଡ.ବିକ୍ରମ କୁମାର ଦାସ ଧନ୍ୟବାଦ ଅର୍ପଣ କରିଥିଲେ । ଉକ୍ତ କାର୍ଯ୍ୟକ୍ରମକୁ ବିକାଶ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିର ଉପାଧ୍ୟକ୍ଷ ଡ.ପୂର୍ଣ୍ଣେନ୍ଦୁ ମିଶ୍ର, ଡିଗ୍ରୀ କଲେଜର ଉପାଧ୍ୟକ୍ଷ ଶ୍ରୀ ଆର୍.ଏସ୍.ଭି. କ୍ରୀଷ୍ଣା, ନର୍ସିଂ କଲେଜର ଉପାଧ୍ୟକ୍ଷା ଶ୍ରୀମତୀ ଦୀପାଞ୍ଜଳୀ ପଟେଲ ପ୍ରମୁଖ ପରିଚାଳନା କରିଥିଲେ । ସଭାକାର୍ଯ୍ୟ ପରେ ଶିକ୍ଷାନୁଷ୍ଠାନର ଛାତ୍ରଛାତ୍ରୀମାନଙ୍କ ଦ୍ୱାରା ଚିତ୍ତାକର୍ଷକ ସାଂସ୍କୃତିକ କାର୍ଯ୍ୟକ୍ରମରେ ନୃତ୍ୟ, ସଙ୍ଗୀତ ଏବଂ ଅର୍କେଷ୍ଟ୍ରା ପରିବେଷିତ ହୋଇଥିଲା । ସାଂସ୍କୃତିକ କାର୍ଯ୍ୟକ୍ରମ ପରେ ଶ୍ରୀ ଡି.ମୂରଲୀ କ୍ରୀଷ୍ଣା ସମସ୍ତ କଳାକାର ଛାତ୍ରଛାତ୍ରୀ ତଥା ନୃତ୍ୟ ଶିକ୍ଷକ ପ୍ରୀତମ୍ କୁମାର ପଧାନ, ସୁରଥ କୁଅଁର, ଷ୍ଟୁଡେଣ୍ଟ କୋରିଓଗ୍ରାଫର୍ ଅଙ୍କିତ୍, ସୁରଭି, ତନିଷା ଓ ସଙ୍ଗୀତ ଶିକ୍ଷକ ଶୈଲେସ୍ ଶାମଲ, ମିଲିମା ଏବଂ ସମସ୍ତ ଶିକ୍ଷକ-ଶିକ୍ଷୟିତ୍ରୀମାନଙ୍କୁ କୃତଜ୍ଞତା ପ୍ରଦାନ କରିଥିଲେ ।