-+91-9937148622 |
prerana_bgr@rediffmail.com |
Thursday 25th April 2024 |
R.N.I. Regd No. ODIODI/2010/46693
Breaking News
22-Nov-2022
ବଙ୍ଗୋମୁଣ୍ଡା ବ୍ଲକ ଝଲପ ପଞ୍ଚାୟତ କାର୍ଯ୍ୟାଳୟ ଠାରେ ଲୋକସେବା ଓ ଯୁଗ୍ମ ଜନ ଶୁଣାଣି ଶିବିର ଆୟୋଜିତ ହୋଇଥିଲା। ଜିଲାପାଳ ଚଞ୍ଚଳ ରାଣା ଓ ଆରକ୍ଷୀ ଅଧିକ୍ଷକ ନିତିନ କୁଶଳକର ଲୋକଙ୍କ ଅଭିଯୋଗ ଶୁଣିଥିଲେ । ଅତିରିକ୍ତ ପିଡ଼ି ଡ଼ଃ ଗୁଣନିଧି ନାଏକ,ବିଡ଼ିଓ ରିପୁନାଥ ସୁନା,ତହସିଲଦାର ଗୁଣମଣି ସୁନାନୀ,ଅତିରିକ୍ତ ତହସିଲଦାର କ୍ରିଷ୍ଣା କୁମାର ଜେନା,ବ୍ଲକ ଅଧ୍ୟକ୍ଷା ରଞ୍ଜୁଵାଲା ବେହେରା, ସରପଞ୍ଚ ଗୀତାଫୁଲ ପୁଟେଲ ପ୍ରମୁଖଙ୍କ ସହ ବିଭିନ୍ନ ବିଭାଗର ଅଧିକାରୀ ଉପସ୍ଥିତ ଥିଲେ ।ଜିଲ୍ଲାପାଳ ପହଞ୍ଚିବା ପରେ ବ୍ଲକ ଅଧ୍ୟକ୍ଷା ରଞ୍ଜୁଵାଲା ବେହେରା, ସରପଞ୍ଚ ଗୀତାଫୁଲ ପୁଟେଲ, ଆକାଉଣ୍ଟସ ଅଫିସର ଜ୍ୟୋତି ପ୍ରକାଶ ମିଶ୍ର, ଝଲପ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ପିତବାସ ଜାନୀ, ସିନ୍ଧେକେଲା ସମିତି ସଭ୍ୟ ଭୋଲାନାଥ ବେହେରା,ଝଲପ ସମିତି ସଭ୍ୟ ସୁଦାମ ଭୋଇ,ନାଏବ ସରପଞ୍ଚ ଝସକେତନ ବାରିକ, ବିପିଏମ ବିଜୟ ବେହେରା,ଓଡିଶା ଜୀବିକା ମିଶନର ଏମବିକେ,ସିଆରପି ପ୍ରମୁଖ ଫୁଲତୋଡା ଦେଇ ସ୍ୱାଗତ କରି ପାଛୋଟି ନେଇଥିଲେ ।ପରେ ବ୍ଳକର ବିଭିନ୍ନ ଅଞ୍ଚଳରୁ ଆସିଥିବା ୧୮୨ ଜଣ ଲୋକଙ୍କ ବିଭିନ୍ନ ଅଭିଯୋଗ ଶୁଣିଥିଲେ। ତା ମଧ୍ୟରୁୁ ୧୭୮ ହେଉଛି ବ୍ୟକ୍ତିଗତ ତେବେ ଏ ମଧ୍ଯରୁ ୨୪ ଟି ଅଭିଯୋଗର ତୁରନ୍ତ ସମାଧାନ କରାଗଲା ଓ ସାମୁହିକ ୪ ଟି ମଧ୍ଯରେ ଐତିହ୍ଯ ସମ୍ପନ୍ନ ରାଣୀପୁର ଝରିଆଲ ଠାରେ ଥିବା ଡିଜିଟାଲ ସ୍ବାସ୍ଥ୍ୟସେବା କେନ୍ଦ୍ର ର ନବୀକରଣ (Re new) କରାଯିବା, ଅର୍ଜୁନୀ ନଦୀରେ ନୂଆପଡା-ବଲାଙ୍ଗିର କୁ ସଂଯୋଗ କରୁଥିବା ପଲସଖଣ୍ଡ-ତୁକୁଲା ବ୍ରିଜ ନିର୍ମାଣ ସମ୍ପୂର୍ଣ୍ଣ କରାଯିବା ଅଭିଯୋଗ ହୋଇଥିଲା । ସିନ୍ଧେକେଲା ବିକାଶ ମଞ୍ଚ ପକ୍ଷରୁ ୧୩୦ ବର୍ଷ ର ଉନ୍ନୀତ ବାଳିକା ଉଚ୍ଚ ବିଦ୍ୟାଳୟ ର ପୁନରୁଦ୍ଧାର ପାଇଁ ଦାବି କରାଯାଇଥିଲା । ସମଗ୍ର ଦେଶ ସ୍ବାଧୀନତାର ଅମୃତ ମହୋତ୍ସବ ପାଳନ କରୁଥିବା ସମୟରେ ମଧ୍ଯ ସିନ୍ଧେକେଲା ପଞ୍ଚାୟତ ଅନ୍ତର୍ଗତ ଲୁହୁରାପାଲି ଗ୍ରାମକୁ ଆଜି ପର୍ଯ୍ୟନ୍ତ ପକ୍କାରାସ୍ତା ନ ଥିବାରୁ ଗ୍ରାମବାସୀ ଜିଲ୍ଲାପାଳଙ୍କୁ ଲିଖିତ ଦାବିପତ୍ର ପ୍ରଦାନ କରିଥିଲେ । ଲୋକ ସେବା ଦିବସ ଓ ଯୁଗ୍ମ ଜନଶୁଣାଣୀ ଅବସରରେ ପ୍ରଶାସନର ବିଭିନ୍ନ ବିଭାଗ ଏବଂ ସ୍ୱୟଂ ସହାୟକ ଗୋଷ୍ଠୀ ପକ୍ଷରୁ ଷ୍ଟଲରେ ଉତ୍ପାଦିତ ବିଭିନ୍ନ ସାମଗ୍ରୀ ପ୍ରଦର୍ଶିତ ହୋଇଥିଲା । ଜିଲ୍ଲାପାଳ ସବୁ ଷ୍ଟଲ ବୁଲି ଦେଖିଥିଲେ । ବ୍ଲକ କୃଷି ବିଭାଗ ଓ ଲୋକଶକ୍ତି ଅନୁଷ୍ଠାନ ପକ୍ଷରୁ ପୁଷ୍ଟିସଶ୍ୟ ଖାଦ୍ୟ ମେଳା ପ୍ରଦର୍ଶିତ ହୋଇଥିଲା । ମାଣ୍ଡିଆ,ଗୁର୍ଜି ଆଦି କ୍ଷୁଦ୍ରସଶ୍ୟ ବିଭିନ୍ନ ଖାଦ୍ୟ ସାମଗ୍ରୀ ପ୍ରଦର୍ଶିତ ହେବା ସହ ବିତରଣ କରଯାଇଥିଲା ।ଲୋକଶକ୍ତି ଅନୁଷ୍ଠାନ ର ନିର୍ଦେଶକ ଅଜିତ କୁମାର ପଧାନ,ମିଲେଟ ମିଶନ ଜିଲା ସଂଯୋଜକ ଯଶବନ୍ତ ନାଏକ,ବ୍ଲକ ସଂଯୋଜକ ମନୋରଞ୍ଜନ ବନଛୋର, ବ୍ଲକ କୃଷି ଅଧିକାରୀ ସ୍ମାରକୀ ପଧାନ ପ୍ରମୁଖ ଉପସ୍ଥିତ ଥିଲେ ।ସ୍ୱାସ୍ଥ୍ୟ ବିଭାଗ,ଶିକ୍ଷା ବିଭାଗ,ଉଦ୍ୟାନ ବିଭାଗ,ମତ୍ସ୍ୟ ବିଭାଗ,ବନ ବିଭାଗ ଅଧିକାରୀ ଉପସ୍ଥିତ ଥିଲେ ।