15-Nov-2022

ବଲାଙ୍ଗିର (ପ୍ରେରଣା ଖବର) ବଲାଙ୍ଗିର ସ୍ଥିତ ନୂତନ ସରକାରୀ ବସଷ୍ଟାଣ୍ଡର ପ୍ରାଇଭେଟ ବସ୍ ମାଲିକ ସଂଘର ସମ୍ମିଳନୀ କକ୍ଷରେ କୋଶଲ ପ୍ରାଥମିକ ଚିକିତ୍ସା ତାଲିମ ସେଂଟର ତରଫରୁ ପ୍ରାଥମିକ ଚିିକିତ୍ସା ତାଲିମ ଶିବିର ଆୟୋଜିତ ହୋଇଯାଇଛି । ବସ ମାଲିକ ସଂଘର ସଭାପତି ହେମନ୍ତ କୁମାର ପଣ୍ଡା ଉଦ୍‌ଘାଟନୀ ସଭାରେ ମୁଖ୍ୟଅତିଥି ଭାବରେ ଯୋଗଦାନ କରି ଜୀବନରେ ପ୍ରାଥମିକ ଚିକିତ୍ସାର ଅବଧାରଣା ବେଶ ଗୁରୁତ୍ୱପୂର୍ଣ୍ଣ ବୋଲି ମତବ୍ୟକ୍ତ କରିଥିଲେ । ସେଂଟଜନ ଆମ୍ବୁଲେନସର ପ୍ରାଥମିକ ଚିକିତ୍ସା ଅଧ୍ୟାପକ ରବିଚନ୍ଦ୍ର ପଶାୟତ ଓ ଫାଷ୍ଟ ଏଡର ରାମ ନାରାୟଣ ଦାଶ ଶିବିରରେ ଯୋଗଦେଇଥିବା ୩୦ ଜଣ ଡ୍ରାଇଭର ତଥା କଣ୍ଡକଟର ମାନଙ୍କୁ ପ୍ରାଥମିକ ଚିିକିତ୍ସାର ଉପଯୋଗିତା, ଡିଆରଏସଏବିସି, ସିପିଆର, ବ୍ୟାଣ୍ଡେଜ, ରିକିଭରି ପୋଜିସନ, ଆଶୁରୋଗୀ ସ୍ଥାନାନ୍ତରଣ ଭଳି ବିଭିନ୍ନ ପ୍ରସଙ୍ଗକୁ ପ୍ରଦର୍ଶନ ମାଧ୍ୟମରେ ତାଲିମ ଦେଇଥିଲେ

କୋଶଲ ପ୍ରାଥମିକ ଚିକିତ୍ସା ତାଲିମ ସେଂଟରର ଅଧିକାରୀ ଡା. ସୁଶାନ୍ତ ଚାନ୍ଦ ପରୀକ୍ଷକ ଭାବରେ ଯୋଗଦେଇ ତାଲିମ ଗ୍ରହିତା ମାନଙ୍କର ଲିଖିତ ଏବଂ ପ୍ରାକ୍‌ଟିକାଲ ପରୀକ୍ଷା କରାଇଥିଲେ । ପ୍ରକାଶଥାଉକି, ବସ ମାଲିକ ସଂଘ ଜିଲ୍ଲା ପ୍ରଶାସନକୁ ଅନୁରୋଧ କରିଥିବାରୁ ବଲାଙ୍ଗୀର ଜିଲ୍ଲାପାଳ ଚଂଚଳ ରାଣା ଙ୍କ ଅନୁମୋଦନକ୍ରମେ ରାଜ୍ୟ ସେଂଟଜନ ଆମ୍ବୁଲେନସ ଏସୋସିଏସନ ଏହି ଶିବିରରେ ଡ୍ରାଇଭର ତଥା କଣ୍ଡକଟର ମାନଙ୍କୁ  ନିଃଶୁଳ୍କ ଭାବରେ ତାଲିମ ପ୍ରଦାନ କରାଇଥିଲେ । ଆଗାମୀ ଦିନରେ ସେଂଟଜନ ଆମ୍ବୁଲେନସ, ଭୂବନେଶ୍ୱରଙ୍କ ମାର୍ଗଦଶନରେ ଡ୍ରାଇଭର, କଣ୍ଡକଟର, କଲେଜ ଛାତ୍ରଛାତ୍ରୀ, ମହିଳା ସଂଗଠନ, ଯୁବ ସ୍ୱେଚ୍ଛାସେବୀ ମାନଙ୍କୁ  ପ୍ରାଥମିକ ଚିକିତ୍ସା ତାଲିମ ପ୍ରଦାନ କରିବାକୁ ଯୋଜନା କରାଯାଇଛି ।