-+91-9937148622 |
prerana_bgr@rediffmail.com |
Friday 29th March 2024 |
R.N.I. Regd No. ODIODI/2010/46693
Breaking News
10-Nov-2022
ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅନ୍ତର୍ଗତ ବୁର୍ଡl ଗ୍ରାମର ଅନେକ ମହିଳା ଓ ପୁରୁଷ ଚିଟଫଣ୍ଡର ଶିକାର ହୋଇ ବୁର୍ଡl ପଂଚାୟତ ଅଫିସ ପରିସରରେ ଭିଡ଼ ଜମିବା ଦେଖିବାକୁ ମିଳିଥିଲା l ସୂଚନାରୁ ପ୍ରକାଶ ଯେ ବୁର୍ଡl ଗ୍ରାମର ବିଭୁତିଭୂଷଣ ପରୁଆ, ହେମନ୍ତ ସାହୁ, ରିଙ୍କି ସାହୁ,
ଭଜଲତା ସାହୁ, ମମିତା ସାହୁ, କେଦାରଗୌରୀ ସାହୁ, ରଜନୀ ନନ୍ଦ, ବାସନ୍ତୀ ଧରୁଆ, ଆରତୀ କଲେତ, ସୁଶାନ୍ତ ଥାନାପତି ସହ ଗ୍ରାମର ହାରାହାରି 30 ଜଣ ଚିଟଫଣ୍ଡର ଶିକାର ହୋଇଛନ୍ତି l ସୂଚନାରୁ ପ୍ରକାଶ ଯେ 2015 ରୁ ବୁର୍ଡl ଗ୍ରାମର ଆଶାଦିଦି ଆଶା ଦୀପ ଲୋକଙ୍କୁ ଆଶ୍ୱାସନା ଦେଇ ଲୋକଙ୍କ ଠାରୁ ପଇସା କଲେକସନ କରି ବଲାଙ୍ଗୀର ର ପିସିଆଇଏଲ
ମଲ୍ଟି ଷ୍ଟେଟ କ୍ରେଡିଟ କୋଓପରେଟିଭ ଲି. ନାମକ ଏକ ସୋସାଇଟିରେ ଆରଡି ଓ ଏଫଡି ଖାତାରେ ପଇସା ଦୁଇଗୁଣ ହେବ ବୋଲି ଜମା କରି ଆସୁଥିଲେ l ହେଲେ 2019 ପରେ ଲକଡାଉନ ସମୟରେ ଡିପୋଜିଟ ହୋଇଛି କିନ୍ତୁ ତାହାର ରିସିଭ କପି ଲୋକେ ପାଇନାହାନ୍ତି ଏହାସହ 5 ବର୍ଷ ପରେ ଜମା ପଇସା ପାଇବା କଥା ହେଲେ ୨/୩ ବର୍ଷ ବିତିଯାଇଥିଲେ ସୁଦ୍ଧା କେହି ଜମା ପଇସା ପାଇନାହାନ୍ତି l ଏଫଡି ଜମାକାରୀ ରଜନୀ ନନ୍ଦଙ୍କ 1 ଲକ୍ଷ 60 ହଜାର ଜମା ହୋଇଥିବା ବେଳେ, କାହାର 15 ହଜାର, 10 ହଜାର, 5 ହଜାର ଟଙ୍କା ଜମା ହୋଇଛି, ଆରଡି ଜମାକାରୀ ଅନ୍ୟତମ l 2019 ପରେ ଯେତେବି ପଇସା କଲେକ୍ସନ ହୋଇଛି କେବଳ ଏକ ହାତଲେଖା ଦ୍ୱାରା ଲୋକଙ୍କୁ ସନ୍ତୁଷ୍ଟ କରିଛନ୍ତି ଆଶାଦିଦି ଆଶା ଦୀପ l ତାଙ୍କୁ ପଚାରିବାରୁ ଗାଁ ଲୋକଙ୍କ ପଇସା କଲେକ୍ସନ କରି ରୋହିତ ଭୁଏ ନାମକ ଜଣେ ବ୍ୟକ୍ତିକୁ ଦେଉଥିଲି ହେଲେ ସେ ଏବେ ଫେରାର ଅଛନ୍ତି l ପୋଲିସ ଜଦି ମୋତେ ରୋହିତ ଭୁଏକୁ ଧରିବାରେ ସହଯୋଗ କରେ ତାହେଲେ ସମାଧାନର ବାଟ ବାହାରିବ ବୋଲି ମତ ଦେଇଛନ୍ତି ଆଶା ଦୀପ l ବୁର୍ଡl ଚିଟଫଣ୍ଡର ଶିକାର ହୋଇଥିବା ଲୋକେ କିଛିଦିନ ଆଗରୁ ଲୋଇସିଂହା ଥାନା ସହ ବଲାଙ୍ଗୀର ଜିଲ୍ଲାପାଳଙ୍କ ଦ୍ୱାରସ୍ତ ହୋଇଥିଲେ ଏଣୁ ଆଜି ବୁର୍ଡl ପଂଚାୟତ କାର୍ଯ୍ୟାଳୟ ଠାରେ ବଲାଙ୍ଗୀରରୁ ରୀନା କୁମାର ନାଏକ (ଜୁଡ଼ିଶିଆଳ ଅତିରିକ୍ତ ଜିଲ୍ଲାପାଳ), ଡ଼. ଡି. କେ ପତି, ଗୋପାଳ କୃଷ୍ଣ ସାହୁ (ଏଏସେଏସଏମ ମେନେଜର ଏନଆରଏଚଏମ ବଲାଙ୍ଗୀର), ଡ଼ ଶେଖର ପଧାନ ଆଦି 5/6 ଜଣିଆ ଦଳ ତଦନ୍ତ ପାଇଁ ବୁର୍ଡl କାର୍ଯ୍ୟାଳୟକୁ ଆସି ଆଶା ଦୀପ ଓ ଚିଟଫଣ୍ଡ ର ଠକେଇ ହୋଇଥିବା ବୁର୍ଡl ଗ୍ରାମର ଲୋକ ଓ ମହିଳାଙ୍କୁ ପଚରାଉଚରା ଚଳାଇଛନ୍ତି l