02-Nov-2022

ବରଗଡ଼, ନଭେମ୍ବର ୧ତାରିଖରେ ବିକାଶ ଟେକ୍ନିକାଲ୍ କ୍ୟାମ୍ପସ୍‌ରେ ଏକ ଲିଡର୍‌ସିପ୍ ଟକ୍ ଆୟୋଜିତ ହୋଇଯାଇଛି । କାର୍ଯ୍ୟକ୍ରମର ପ୍ରାରମ୍ଭରେ ବିକାଶ ଗ୍ରୁପ୍‌ର ଡାଇରେକ୍ଟର ଡ.ସମରେନ୍ଦ୍ର ନାଥ ପଣ୍ଡା ଏହି ଲିଡର୍‌ସିପ୍ ଟକ୍‌ର ଆଭିମୁଖ୍ୟ ଓ ରିସୋର୍ସ୍ ପର୍ସନ୍ ଦୂର୍ଗା ପ୍ରିୟଦର୍ଶିନୀଙ୍କ ଭଳି ସଫଳ ଉଦ୍ୟୋଗପତିମାନଙ୍କୁ ପ୍ରେରଣାର ଉତ୍ସ ଭାବରେ ଗ୍ରହଣ କରିବାକୁ ଛାତ୍ରଛାତ୍ରୀମାନଙ୍କୁ ପରାମର୍ଶ ଦେଇଥିଲେ । ଗୋମାୟା ପେଣ୍ଟ୍‌ସ୍‌ର ପ୍ରତିଷ୍ଠାତା ଓ ସିଇଓ ଶ୍ରୀମତୀ ଦୂର୍ଗା ପ୍ରିୟଦର୍ଶିନୀ ଛାତ୍ରଛାତ୍ରୀମାନଙ୍କୁ ନିଜର ଗୃହିଣୀ ଜୀବନରୁ ଏକ ସଫଳ ଉଦ୍ୟୋଗୀର ସଙ୍ଘର୍ଷମୟ ଜୀବନଯାତ୍ରାକୁ ଛାତ୍ରଛାତ୍ରୀମାନଙ୍କ ଆଗରେ ଅନାବରଣ କରିବା ସହ ଚାକିରୀ ଖୋଜିବା ପରିବର୍ତେ ସଫଳ ଉଦ୍ୟୋଗପତି ହେବା ପାଇଁ ଆହ୍ୱାନ ଦେଇଥିଲେ । ବିକାଶ ସ୍କୁଲ୍ ଅଫ୍ ବିଜ୍‌ନେସ୍ ମ୍ୟାନେଜ୍‌ମେଣ୍ଟ୍‌ର ଅଧ୍ୟକ୍ଷ ଡ.କ୍ଷୀରୋଦ ପ୍ରଧାନ ଜଣେ ସଫଳ ନାରୀ ଉଦ୍ୟୋଗପତି ହେବା ନିଶ୍ଚିତ ରୂପେ କଷ୍ଟସାଧ୍ୟ ଓ ଏଥିପାଇଁ ଦୃଢ଼ ମନୋବଳ ଆବଶ୍ୟକ ବୋଲି ଗୁରୁତ୍ୱାରୋପ କରିଥିଲେ । ଏହି କାର୍ଯ୍ୟକ୍ରମରେ ବିକାଶ ଗ୍ରୁପ୍‌ର ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଡି.ନାଗେଶ୍ୱର ରାଓ ଛାତ୍ରଛାତ୍ରୀମାନଙ୍କୁ ଦୂର୍ଗା ପ୍ରିୟଦର୍ଶିନୀଙ୍କ ଭଳି ସଫଳ ଚରିତ୍ରମାନଙ୍କୁ ଅନୁକରଣ କରିବା ସହ ଏକାଗ୍ରତା, ଦୃଢ଼ନିଶ୍ଚିତ ଓ ଧୈର୍ଯ୍ୟ ମାଧ୍ୟମରେ ସଫଳତା ହାସଲ କରାଯାଇପାରିବ ବୋଲି ମତବ୍ୟକ୍ତ କରିଥିଲେ । ବିକାଶ ସ୍କୁଲ୍ ଅଫ୍ ବିଜ୍‌ନେସ୍ ମ୍ୟାନେଜ୍‌ମେଣ୍ଟ୍ ଦ୍ୱାରା ଆୟୋଜିତ ଏହି ଟକ୍‌ରେ ବିକାଶ ୟୁଜି କ୍ୟାମ୍ପସ୍ (ସ୍କୁଲ୍ ଅଫ୍ ବିଜ୍‌ନେସ୍ ମ୍ୟାନେଜ୍‌ମେଣ୍ଟ, ଡିଗ୍ରୀ କଲେଜ, ଲ’ ସ୍କୁଲ୍‌, ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି, ନର୍ସିଂ କଲେଜ)ର ୫୦୦ରୁ ଉର୍ଦ୍ଧ୍ୱ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । କାର୍ଯ୍ୟକ୍ରମରେ ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିର ଅଧ୍ୟକ୍ଷ ଇଂ.ଅଜୟ ମହାପାତ୍ର, ଲ’ ସ୍କୁଲ୍ ଅଧ୍ୟକ୍ଷ ଡ.ବିକ୍ରମ କୁମାର ଦାସ, ନର୍ସିଂ କଲେଜ୍‌ର ଅଧ୍ୟକ୍ଷା ଶ୍ରୀମତୀ ୱାଇ.ଡି. ଷ୍ଟେଲା, ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିର ଉପାଧ୍ୟକ୍ଷ ଡ.ପୂର୍ଣ୍ଣେନ୍ଦୁ ମିଶ୍ର, ଡିଗ୍ରୀ କଲେଜର ଉପାଧ୍ୟକ୍ଷ ଶ୍ରୀ ଆର୍‌.ଏସ୍‌.ଭି. କ୍ରୀଷ୍ଣା, ନର୍ସିଂ କଲେଜର ଉପାଧ୍ୟକ୍ଷା ଶ୍ରୀମତୀ ଦୀପାଞ୍ଜଳୀ ପଟେଲ ପ୍ରମୁଖ ଯୋଗ ଦେଇଥିଲେ । ଏହି କାର୍ଯ୍ୟକ୍ରମକୁ ବିକାଶ ଲ’ ସ୍କୁଲ୍‌ର ଅଧ୍ୟାପିକା ସୌମ୍ୟା ମିଶ୍ର ସଂଯୋଜନା କରିଥିଲେ ।