08-Oct-2022

ବଲାଙ୍ଗିର (ପ୍ରେରଣା ଖବର) ବଦମାସ ବଡବାପା । ନାବାଳିକା ଝିଆରିକୁ ଦୁଷ୍କର୍ମ ଅଭିଯୋଗରେ ଗିରଫ ହୋଇଛି ଶୈତାନ ସଂପର୍କୀୟ ବଡବାପା । ଏପରି ଏକ ଲଜ୍ଜାଜନକ ଘଟଣା ଘଟିଛି ବଲାଙ୍ଗିର ଜିଲ୍ଲା ପୁଇଁନ୍ତଲା ଥାନା ଅଂଚଳରେ । ଗତ

ଜୁନ ୨୦ ତାରିଖ ଦିନ ପୁଇଁନ୍ତଲା ଥାନା ଅଂଚଳର ଏକ ଗାଁର ଜଣେ ୧୭ ବର୍ଷୀୟ ନାବାଳିକା ଶୌଚ ପାଇଁ ଚାଷ ଜମିକୁ ଯାଇଥିଲେ । ସେ ସମୟରେ ସଂପର୍କୀୟ ୪୦ ବର୍ଷୀୟ ବଡବାପା ରଂକନିଧି ମହାକୁଡ, ଜୋର ଜବରଦସ୍ତ ନାବାଳିକାଙ୍କୁ ଦୁଷ୍କର୍ମ କରିଥିଲେ । ଏନେଇ ନାବାଳିକାଙ୍କ ପରିବାର ଲୋକେ ପୁଇଁନ୍ତଲା ଥାନାରେ ଲିଖିତ ଅଭିଯୋଗ କରିଥିଲେ । ପୋଲିସ ପକ୍ସୋ ଆକ୍ଟରେ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । କିନ୍ତୁ ସେ ଦିନଠୁ ଫେରାର ମାରିଥିଲା ଅଭିଯୁକ୍ତ । ପୋଲିସ ଅଭିଯୁକ୍ତ ରଂକନିଧି ମହାକୁଡକୁ ପାଟଣାଗଡ ଥାନା ଅର୍ନ୍ତଗତ ଉଲବା ଗାଁରୁ ଗିରଫ କରିଥିଲା । ପୋଲିସ ଅଭିଯୁକ୍ତକୁ ଆଜି କୋର୍ଟ ଚାଲାଣ କରିଛି । ଏବେ ଜେଲ ଭିତରେ ବଦମାସ ବଡବାପା ।