22-Sep-2022

ବଲାଙ୍ଗୀର,ବଲାଙ୍ଗୀର ଭାରତୀୟ ଶିକ୍ଷଣ ମଣ୍ଡଳ ତରଫରୁ ବଲାଙ୍ଗୀର ସଦର ବ୍ଲକ ବିଷ୍ଣୁମୁଣ୍ଡା- ଭାଲେର ଯିବା ରାସ୍ତାରେ ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଭାରତୀୟ ଶିକ୍ଷଣ ମଣ୍ଡଳ ର ସଭାପତି ପ୍ରଫେସର ତରୁଣ କୁମାର ମିଶ୍ରଙ୍କ ନେତୃତ୍ୱରେ ଅନୁଷ୍ଠିତ ଏହି ବୃକ୍ଷରୋପଣ କାର୍ଯ୍ୟକ୍ରମରେ କୃଷ୍ଣଚୁଡା,ଜାମ୍ବୁ, କମଳା, ନିମ୍ବ, ପିଜୁଳି ଇତ୍ୟାଦି ଚାରା ରୋପଣ କରାଯାଇଥିଲା । ବାଟୋଇ ମାନଙ୍କୁ ଜଙ୍ଗଲ ସୃଷ୍ଟିର ଉପକାରିତା ସଂପର୍କରେ  ଭାରତୀୟ ଶିକ୍ଷଣ ମଣ୍ଡଳ ର ସଭ୍ୟ ମାନେ ବୁଝାଇଥିଲେ । ପ୍ରଥମେ ମଣ୍ଡଳର ବରିଷ୍ଠ ସଭ୍ୟ ଧର୍ମବ୍ରତ ରଥ ଏକ ସବୁଜ ପୃଥିବୀର ଆବଶ୍ୟକତା ସଂପର୍କରେ ବୁଝାଇଥିଲେ । ଅନ୍ୟ ମାନଙ୍କ ମଧ୍ୟରେ ସମାଜସେବୀ ଆକୁଳ ବେହେରା,ଦିବାକର ହୋତା, ନୀଳମଣି, ହଳଧର ସା, ଦିଗାମ୍ବର  ବରିହା, ମଣିଆ ପଟେଲ ପ୍ରମୁଖ ଗୋଟିଏ ଗୋଟିଏ ଚାରା ଲଗାଇବା  ସହ କାର୍ଯ୍ୟକ୍ରମରେ ସକ୍ରିୟ ସହଯୋଗ କରିଥିଲେ ।