21-Sep-2022

ସୁବର୍ଣ୍ଣପୁର - ସୁବର୍ଣ୍ଣମେରୁ ମନ୍ଦିର ପରିସର  ଥିବା  ମା କାଳୀ ଙ୍କ  ନୂତନ ମନ୍ଦିର ରୁ ଗତ କାଲି ମଙ୍ଗଳବାର ରାତିରେ କିଛି ଦୁର୍ବୁର୍ତ୍ତ ମା ଙ୍କ ଗଡ଼ରେଜ ଓ ଦାନ ବକ୍ସ ଭାଙ୍ଗି 4 ହଜାର ଟଙ୍କା, ଧାରୁଆ ଅସ୍ତ୍ର, କିଛି ଶାଢ଼ୀ, ଲୁଗା, ଘଣ୍ଟ, ଘଣ୍ଟି, ଓ ପୂଜା ସାମଗ୍ରୀ ଚୋରି କରି ନେଇ ଥିବା ବିଷୟ ମନ୍ଦିର ର ପୂଜକ ସୁଶୀଳ ଡାଙ୍ଗୁଆ ଆଜି ସକାଳେ ସ୍ଥାନୀୟ ପୋଲିସ ଷ୍ଟେସନ ରେ ଲିଖିତ ଅଭିଯୋଗ କରିଥିବା ଜଣା ଯାଇଛି l ସୋନପୁର ପୋଲିସ ଘଟଣା ସ୍ଥଳ କୁ ପହଞ୍ଚି ପ୍ରାଥମିକ ସ୍ତର ରେ ଅନୁସନ୍ଧାନ ଆରମ୍ଭ କରି ସହର ର ଜଣେ ସନ୍ଧିଗ୍ଧ ଯୁବକ କୁ ଥାନା କୁ ଆଣି ପଚରା ଉଚୁରା କରିଥିବା ଖବର ମିଳିଛି l ଏହା ଏକ ସମ୍ବେଦନଶୀଳ ଘଟଣା ହୋଇ ଥିବାରୁ ସୁବର୍ଣ୍ଣପୁର ଏସପି ଙ୍କ ପରାମର୍ଶ କ୍ରମେ ବାଲାଙ୍ଗୀର ଜ଼ିଲ୍ଲା ରୁ ସାଇଣ୍ଟିଫିକ ଟିମ ଓ ଡଗ ସ୍କ୍ୱାୱାର୍ଡ ର ସହଯୋଗ ନେଇ ଆଜି ଏହି ଘଟଣା ସ୍ଥଳ ରେ ତନା ଘନା କରାଯାଇଥିବା ଜଣା ଯାଇଛି l  ଦୀର୍ଘ ମାସ ବର୍ଷ ପୂର୍ଵ ରୁ ସୋନପୁର ସହରେ ରେ ସବୁ ଆଡେ ଦିନ ଦ୍ବିପହର ରେ କେବେ ପାଣି  ମୋଟର ତ କେବେ ମୋବାଇଲ, କେବେ ବାଇକ ତ କେବେ ସାଇକିଲ, କେବେ ଘର ଗ୍ରିଲ ଫାଡ଼ି ଘରୁ ସୁନା ରୁପା ଚୋରି କରିନେଉଥିବା ଥାନା ରେ  ଅଭିଯୋଗ ହୋଇ ଆସୁଛି l ଗତ ବର୍ଷ  ସୋନପୁର ର ଅଧିଷ୍ଠାତ୍ରୀ ଦେବୀ ମା  ସୁରେଶ୍ୱରୀ ଙ୍କ ରୁପା ମୁକୁଟ, ବିଗତ ବର୍ଷ ରେ ଏହି ସୁବର୍ଣମେରୁ ପରିସର ର କାଳୀ ମନ୍ଦିର ରୁ ପ୍ରଥମେ କିଛି ଧାତୁ ଚୋରି, ଏହି ପରିସର ର ମା ଭୁବନେଶ୍ୱରୀ ଙ୍କ ରୁପା ଆଖି ଟିଏ, ଏବଂ ରାମେଶ୍ୱର ମନ୍ଦିର ନଦୀ ଘାଟ ରେ ଥିବା ମା ସ୍ମଶାନ ଚଣ୍ଡୀ ମନ୍ଦିର ରୁ ମା କାଳୀ ଙ୍କ ରୁପା ଜିଭ କୁ କିଛି ଦୁର୍ବୁର୍ତ୍ତ  ତାଡି ନେଇଥିବା ଭଳି ଏଭଳି ସମ୍ବେଦନଶୀଳ ଘଟଣା ରେ ସହର ବାସୀ ଭୟଭୀତ ଓ ନିଜକୁ  ଅସୁରକ୍ଷିତ ମଣୁଛନ୍ତି l ବିଗତ କିଛି ଘଟଣା ମଧ୍ୟରୁ କିଛି ଘଟଣା ର ପର୍ଦାଫାଶ କରିଛି  ସୋନପୁର ପୋଲିସ l ହେଲେ ବିଗତ ଦିନରେ ଜଣେ  ପୋଲିସ ଏସ ଆଇ ଙ୍କ ଘରୁ  ସୁନା ଗହଣା ଚୋରି,  ଜଣେ ଏଡିଶନାଲ ମାଜିଷ୍ଟ୍ରେଟ ବା ତହସିଲଦାର ଘରୁ ପାଣି ମୋଟର ଚୋରି ଏବଂ ବ୍ଲକ ଛକ  ରେ ଆଉ ଜଣେ ଜୁଡ଼ିସିଆଲ ମାଜିଷ୍ଟ୍ରେଟ ଙ୍କ ସରକାରୀ କ୍ଵାଟର ଶମ୍ବୁଖ ର ଟାୟାର ଗେରେଜ ରୁ ମୂଲ୍ୟବାନ ଜିନିଷ ଚୋରି  ଅଭିଯୋଗ ଘଟଣା ଏବଂ ଏ ଭିତରୁ କିଛି ଘଟଣା ର ଅପରାଧୀ ଙ୍କୁ ଆଜି ଯାଏ ପୋଲିସ ଧରି ପାରି ନ ଥିବାରୁ ସହର ସାରା ଏବେ ଚର୍ଚ୍ଚା ହେଉଛି l ପୁଣି ଗତ ରାତି ରେ ଥାନା ର ମୁଖିଆ  ସାର  ସହର ରେ  ରାତି ସାରା ରାଉଣ୍ଡ  ଡିଉଟି ରେ ଥାଇ ତାସ  ସଟ୍ଟା ଖେଳ  ଉପରେ ଚଢ଼ାଉ କରିଥିଲେ ବୋଲି  ଚର୍ଚ୍ଚା ହେଉଛି l

ଯେଉଁଠି ସହର ର ଦେବା ଦେବୀ ଓ ପୋଲିସ, ପ୍ରଶାସନିକ ଅଧିକାରୀ, ସହର ସର୍ବ ପୁରାତନ ମୁଖ୍ୟ କଲେଜ ର କୋଟି ଟଙ୍କା ର ବ୍ୟାଙ୍କ ଆକାଉଣ୍ଟ ସୁରକ୍ଷିତ ନୁହେଁ ତ ଆମ ସାଧାରଣ ଲୋକ ଙ୍କ କଥା ପଚାରେ କିଏ l ସହର ବାସୀ ଙ୍କ ଧନ ଜୀବନ ଓ ଦେବା ଦେବୀ ଙ୍କ ମନ୍ଦିର କୁ କଡା ସୁରକ୍ଷା ଦେବାକୁ ଓ ଅସାମାଜିକ କାର୍ଯ୍ୟ କଳାପ କୁ ନିୟନ୍ତ୍ରଣ କରି ସହର ରେ ଶାନ୍ତି ପ୍ରତିଷ୍ଠା ପାଇଁ ସହର ବାସୀ ଦୃଢ଼ ଦାବୀ କରୁଛନ୍ତି l