-+91-9937148622 |
prerana_bgr@rediffmail.com |
Friday 19th April 2024 |
R.N.I. Regd No. ODIODI/2010/46693
Breaking News
20-Sep-2022
ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକର ବିଭିନ୍ନ ସ୍ଥାନରେ ନୂତନ ଭାବରେ ନିର୍ମାଣ ହୋଇଥିବା ପ୍ରକଲ୍ପ ଗୁଡିକ ମଙ୍ଗଲବାର ବିଧାୟକ ପଦ୍ମନାଭ ବେହେରାଙ୍କ ଦ୍ୱାରା ଉଦଘାଟିତ ହୋଇଯାଇଛି । ଆୟୋଜିତ ଉଦଘାଟନୀ ଉତ୍ସବରେ ବୀରମହାରାଜପୁର ବିଧାୟକ ପଦ୍ମନାଭ ବେହେରା ମୁଖ୍ୟ ଅତିଥି ଭାବରେ ଯୋଗେଇ ଉଲୁଣ୍ଡା ବ୍ଲକ ପରିଶରରେ ନୂତନ ଭାବରେ ନିର୍ମାଣ ହୋଇଥିବା ମିଶନ ଶକ୍ତି ଗୃହ, ଚଡେଇପଙ୍କ ଠାରେ ଅମୃତଧାରା, କ୍ଷେମାଲୋଏ ଠାରେ ଉପସ୍ୱାସ୍ଥ୍ୟ କଲ୍ୟାଣ କେନ୍ଦ୍ର, ବରପଦର ଠାରେ ମିଶନ ଶକ୍ତି ଗୃହ ଓ କମ୍ୟନିଟି ସେଂଟର, ପଂଚମହଲା ଠାରେ କମ୍ୟୁନିଟି ସେଂଟର ଏବଂ କୁମରକେଲି ଠାରେ କନ୍ଧପଡା ଗୋଷ୍ଠି କେନ୍ଦ୍ରକୁ ଫିଟା କାତି ଉଦଘାଟନ କରିଥିଲେ । ଆୟୋଜିତ ହୋଇଥିବା ଉଦଘାଟନୀ ସଭାରେ ବିଧାୟକଙ୍କୁ ଲୋକମାନେ ବିଭିନ୍ନ ସମସ୍ୟା ଉପରେ ଆବଗତ କରାଇବା ସହ ବିଭିନ୍ନ ଦାବି କରିଥିଲେ । ଏହି ସବୁ ସମସ୍ୟାକୁ ହୃଦୟଙ୍ଗମ କରି ଯଥାଶିଘ୍ର ସମସ୍ୟାର ସମାଧାନ କରାଜିବ ବୋଲି ବିଦ୍ୟାକ ପ୍ରତିଶୃତି ଦେଇଥିଲେ । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବ୍ଲକ ଅଧ୍ୟକ୍ଷା ଶାନ୍ତିଲତା ମିଶ୍ର, ବିଡିଓ ହେମସାଗର ଭୋଇ, ଯୋନ ୧ ଜିଲ୍ଲାପରିଷଦ ବିଜୟଲକ୍ଷ୍ମୀ ତରାଇ, ଜିଲ୍ଲା ପରିଷଦ ଉପାଧ୍ୟକ୍ଷ ଝସକେତନ ବଘାର, ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା, ଚଡେଇପଙ୍କ ସରପଂଚ ବେବ୍ରତ ପର୍ଡୀଆ, କ୍ଷେମାଲୋଏ ସରପଂଚ ଯଶୋବନ୍ତ ପଣ୍ଡା, ପଂଚମହଲା ସରପଂଚ ଅଶୋକ ପଣ୍ଡା, ମହଦା ସରପଂଚ ଆନନ୍ଦିନୀ ଶତପଥି, ଯୁବନେତା କୃତିବାସ ମିଶ୍ର, ବିହାରୀଲାଲ ମିଶ୍ରଙ୍କ ସମେତ ବହୁ ଦଲୀୟ କର୍ମୀ ଏବଂ ବିଭାଗୀୟ ଅଧିକାରୀ ମାନେ ଉପସ୍ଥିତ ରହିଥିଲେ ।