-+91-9937148622 |
prerana_bgr@rediffmail.com |
Friday 19th April 2024 |
R.N.I. Regd No. ODIODI/2010/46693
Breaking News
06-Sep-2022
ସୁବର୍ଣ୍ଣପୁର -(ମନୋରଂଜନ ତ୍ରିପାଠୀ) ଆଜି ସୁବର୍ଣ୍ଣପୁର ଜ଼ିଲ୍ଲା ସଂସ୍କୃତି ପରିଷଦ ଓ ଜ଼ିଲ୍ଲା କଳା ସଂସ୍କୃତି ସଂଘ ପକ୍ଷରୁ ସଂସ୍କୃତି ଭବନ ଠାରେ ନୁଆଁ ଖାଇ ଭେଟ ଘାଟ ପାଳନ କରାଯାଇଛି l ଏହି କାର୍ଯ୍ୟକ୍ରମ କୁ ସୁବର୍ଣ୍ଣପୁର ଜ଼ିଲ୍ଲା ପରିଷଦ ଅଧ୍ୟକ୍ଷା ସୁପାର ଠେଲା ଉଦଘାଟନ କରିଥିବା ବେଳେ ମୁଖ୍ୟ ଆକର୍ଷଣ ଜ଼ିଲ୍ଲାପାଳ ଅବୋଲି ସୁନୀଲ ନର୍ଭଣେ ଯୋଗ ଦେଇ ଚାଷୀ ଙ୍କ ସ୍ୱତନ୍ତ୍ର ପର୍ବ ହେଉଛି ନୁଆଁଖାଇ ଏବଂ ସଂସ୍କୃତି ସହିତ ଏହା ଅଙ୍ଗା ଅଙ୍ଗି ଭାବେ ଜଡିତ ବୋଲି ମତ ରଖି ଜ଼ିଲ୍ଲା ର ବୟନ ଶିଳ୍ପ ଅଭିବୃଦ୍ଧି ରେ ମିଡ଼ିଆ, ପ୍ରଶାସନ ଓ ଜ଼ିଲ୍ଲା ବାସୀ ଙ୍କ ଉଦ୍ୟମ ଓ ସହଯୋଗ ପାଇଁ ଭୁୟସୀ ପ୍ରଶଂସା କରିଥିଲେ l ଏବଂ ଆମ ଏଇ ଉତ୍ସାହ ହିଁ ଉସ୍ସବ ବୋଲି ସମ୍ମାନିତ ଅତିଥି ଏ ଡି ଏମ ରାଜସ୍ବ ସୂର୍ଯ୍ୟ ନାରାୟଣ ଦାଶ ମତ ରଖି ଅସମ୍ପୂର୍ଣ୍ଣତା ଭିତରେ ପୂର୍ଣ୍ଣତା ଦେଖିବା ହିଁ ଆମ ସଂସ୍କୃତି କହି ଅନ୍ନ କୁ ବ୍ରହ୍ମ ସହିତ ତୁଳନା କରି ଥିଲେ l ଆଉ ଯେଉଁ ଦେଶ ର ସଂସ୍କୃତି ଯେତେ ବିକାଶଶୀଳ ସେଇ ଦେଶ ସେତେ ବିକାଶଶୀଳ ବୋଲି ଶ୍ରୀ ଦାଶ ମତ ରଖିଥିଲେ l ଅନ୍ୟତମ ଅତିଥି ଭାବେ ଏଡିଏମ ଜେନେରାଲ ଶ୍ରୀମତୀ ନିଶି ପୁନମ ମିଞ୍ଜ, ଜ଼ିଲ୍ଲା କଳା ସଂଘ ର ଉପ ସଭାପତି ମାନ ଭଂଜନ ମିଶ୍ର, ଶାଶ୍ୱତ ତ୍ରିପାଠୀ ଯୋଗ ଦେଇ କଳାକାର ଙ୍କୁ ଉତ୍ସାହିତ କରିଥିଲେ l ଅଗ୍ରଣୀ ସାଂସ୍କୃତିକ ଅନୁଷ୍ଠାନ ଟ୍ରେଣ୍ଡି ଏକାଡେମୀ, ରୁମକୁଝୁମନା, ପ୍ରମୁଖ ଅନୁଷ୍ଠାନ ଓ ଅନେକ କଳାକାର ସାମିଲ ହୋଇ ନାଚ ଗୀତ ପରିବେଷଣ କରିଥିଲେ l ସଭା କାର୍ଯ୍ୟ କୁ ବିଦ୍ୟା ପତି ପଣ୍ଡା ସଂଯୋଜନା କରିଥିବା ବେଳେ ସଂସ୍କୃତି ଅଧିକାରୀ ୟମୁନା ପଧାନ ଧନ୍ୟବାଦ ଅର୍ପଣ କରିଥିଲେ l