-+91-9937148622 |
prerana_bgr@rediffmail.com |
Friday 19th April 2024 |
R.N.I. Regd No. ODIODI/2010/46693
Breaking News
04-Sep-2022
ବରଗଡ(ନିରଞ୍ଜନ ତ୍ରିପାଠୀ) ବରଗଡ଼ ଜିଲ୍ଲା ବିଜେପୁର ବିଜ୍ଞାପିତ ଅଞ୍ଚଳ ପରିଷଦରେ ଯାଉଥିବା ମଧ୍ୟପଡା ସ୍ଥିତ ଗଙ୍ଗାଧର ପ୍ରତିମୂର୍ତ୍ତୀ ସମ୍ମୁଖରେ ଆଳତୀ ସାଂସ୍କୃତିକ ସଂଘ,ସଙ୍ଗୀତ କଳାପରିଷଦ ଏବଂ ମଧ୍ୟପଡାବାସୀଙ୍କ ଆୟୋଜନ କ୍ରମେ ପଶ୍ଚିମାଞ୍ଚଳ ର କୃଷିଭିତ୍ତିକ ଭାଇଚାରାର ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଆନନ୍ଦ ଉଲ୍ଲାସର ସହ ଅନୁଷ୍ଠିତ ହୋଇଯାଇଛି । ଏ ଅବସରରେ ମୁଖ୍ୟଅତିଥି ଭାବେ ବିଜେପୁର ପଞ୍ଚାୟତ ସମିତିର ଅଧ୍ୟକ୍ଷ ମୋତିରାମ ସାହୁ ଯୋଗଦାନ କରିଥିବା ବେଳେ,ସମ୍ମାନୀତ ଅତିଥି ଭାବେ ତହସିଲଦାର
ଆର୍ତ୍ତତ୍ରାଣ ଥାଟ୍ଟି, ଥାନାଧିକାରୀ ସନୟ ନାୟକ,ବିଜେପୁର ମହାବିଦ୍ୟାଳୟର ଅଧ୍ୟକ୍ଷ ପ୍ରଦୀପ କୁମାର ମିଶ୍ର, ସମାଜସେବୀ ହଳପାଣୀ ମାଝୀ,ସଂଗଠକ ଦିଲ୍ଲିପ ଦେବତା ଏବଂ ନାଟ୍ୟକାର ମୋହନ ସିଂ କହ୍ନେଇ ଯୋଗଦାନ କରି ପଶ୍ଚିମ ଓଡ଼ିଶାର ମହାନ ଭାଇଚାରା,କୃଷି ଭିତ୍ତିକ ନୂଆଁଖାଇର ମହତ୍ୱ ଉପରେ ମତବ୍ୟକ୍ତ କରିଥିବା ସଙ୍ଗେସଙ୍ଗେ ଆୟୋଜକ ତଥା ମଧ୍ୟପଡାବାସୀଙ୍କୁ ଉତ୍ସାହିତ କରିଥିଲେ । ଏ ରଙ୍ଗୀନ ଆସରରେ ଅନୁଷ୍ଠିତ ସଭାକୁ ସଂଗଠକ ତଥା କଳାକାର ଶ୍ରୀମାନ ଜିଜେନ୍ଦ୍ରୀୟ ମେହେର ସଂଯୋଜନ କରିଥିଲେ ।ଆଳତୀ ସାଂସ୍କୃତିକ ସଂଘର ସମ୍ପାଦକ ରାଜେଶ୍ୱର ବେହେରା ଉଦ୍ଦେଶ୍ୟ ଜ୍ଞାପନ କରିଥିବାବେଳେ ଶିକ୍ଷକ ତରଣୀସେନ ସାହୁ ଧନ୍ୟବାଦ ଅର୍ପଣ କରିଥିଲେ । ଦ୍ୱିତୀୟ ପର୍ଯ୍ୟାୟରେ ରଙ୍ଗାରଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।ଏହି କାର୍ଯ୍ୟକ୍ରମରେ ଜିଲ୍ଲା ସଂସ୍କୃତି ବିଭାଗ ପକ୍ଷରୁ ମହୁଲପାଲି ର ଲୋକନୃତ୍ୟ ଦଳ,ଓଡ଼ିଶା ଆଦର୍ଶ ବିଦ୍ୟାଳୟ ବିଜେପୁର ର ଛାତ୍ରଛାତ୍ରୀ,ସଂଗ୍ରାମୀ ଗ୍ରାମ ଭାବେ ପରିଚିତ ସମଲେଇପଦର ଉଚ୍ଚପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀ, ରେଡିଏନ୍ସ କଲେଜ
ବିଜେପୁର ର ଛାତ୍ରଛାତ୍ରୀ,ଗ୍ରାମର ଛାତ୍ରଛାତ୍ରୀ ଏବଂ ବିଭିନ୍ନ ଆଖପାଖ ଅଞ୍ଚଳର ସାଂସ୍କୃତିକ ଦଳ ଲୋକ ନୃତ୍ୟଦଳ ଲୋକନୃତ୍ୟ ପରିବେଷଣ କରିଥିଲେ ।ଏହି କାର୍ଯ୍ୟକ୍ରମରେ ଲୋକନୃତ୍ୟ ଘୁଡ୍'କା ନାଚ ଦର୍ଶକଙ୍କ ମନ ମୋହି ଥିଲା ।ସାଂସ୍କୃତିକ କାର୍ଯ୍ୟକ୍ରମକୁ ଦେଖଣାହାରି ବେଶ ଉପଭୋଗ କରିଥିଲେ ।ସାଂସ୍ରୁତିକ କାର୍ଯ୍ୟକ୍ରମକୁ କଳାକାର ରାଜେଶ୍ବର ବେହେରା ସଂଯୋଜନା କରିଥିଲେ।ଶେଷରେ ଅତିଥି ଗଣ ନୃତ୍ୟଶିଳ୍ପୀ ମାନଙ୍କୁ ପ୍ରଣାମପତ୍ର ସହ ସମ୍ମାନୀତ କରି ଉତ୍ସାହିତ କରିଥିଲେ ।ଏହି ସମସ୍ତ କାର୍ଯ୍ୟକ୍ରମକୁ ମଧ୍ୟପଡା ର ଯୁବଗୋଷ୍ଠୀ ସକ୍ରିୟ ଭାବେ ପରିଚାଳନା କରିଥିଲେ ।