-+91-9937148622 |
prerana_bgr@rediffmail.com |
Thursday 28th March 2024 |
R.N.I. Regd No. ODIODI/2010/46693
Breaking News
07-Aug-2022
ବଲାଙ୍ଗୀର(ଅନ୍ତର୍ଯ୍ୟାମୀ ସାହୁ)-ରାସ୍ତାରେ ଯାଉଥିବା ଲୋକଙ୍କୁ ମାରଣାସ୍ତ୍ର ଦେଖାଇ ଚୋରୀ ଓ ଲୁଟ୍ପାଟ୍ କରୁଥିବା ଏକ ବଡ ଗେଙ୍ଗ୍ କୁ ଧରିବାରେ ଖପ୍ରାଖୋଲ ପୋଲିସକୁ ଏକ ବଡ ସଫଳତା ମିଳିଛି । ଦୀର୍ଘ ଦିନର ଖୋଲତାଡ ଓ ଛାନ୍ଭିନ ପରେ ଆଜି ଖପ୍ରାଖୋଲ ପୋଲିସ ୪ ଜଣ ବାଇିକ୍ ଚୋରଙ୍କ ସହ ୩ ଟି ବାଇକ୍ , ୬ଟି ଡିଏସ୍ଏଲ୍ଆର୍ କେମେରା, ୯ ଟି ମୋବାଇଲ ଫୋନ୍ ୨ ଟି ସେମସଙ୍ଗ ଟେବଲୋଏଡ ଜବତ କରିବାରେ ସଫଳ ହୋଇଛି । ଖପ୍ରାଖୋଲ ପିଏସ୍ କେଶ ନମ୍ବର ୮୮. ଆଇପିସିର ଦଫା ୩୯୨ ରେ ମୁଦାଲ ମାନଙ୍କୁ ଗିରଫ କରାଯାଇଛି । ଏହି ମୁଦାଲା ମାନେ ପୂର୍ବରୁ ମଧ୍ୟ ଏପରି ଅନେକ ଅପରାଧିକ ମାମଲାରେ ସଂଶ୍ଲିଷ୍ଟ ଥିବା ପୋଲିସ ସୂଚନା ଦେଇଛି ।
ସୂଚନାରୁ ପ୍ରକାଶ ଯେ, ଗତ ଅଗଷ୍ଟ ୮ ତାରିଖ ଦିନ ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଖିତିଚନ୍ଦ୍ର ବେହେରା ଯିଏ କି ଆଶିର୍ବାଦ ମାଇକ୍ରୋ ଫାଇନାନ୍ସ ରେ କାମ କରନ୍ତି, ନିଜ କାମ ସାରି କପସିପାଲି ରୁ ଲାଠୋର ବ୍ରାଂଚକୁ ଯାଉଥିବା ସମୟରେ କପସିପାଲି ଓ ଓଡ଼ିଶା ଆଦର୍ଶ ବିଦ୍ୟାଳୟ ରାସ୍ତା ମଝିରେ ୩ ଜଣ ଅଜଣା ବ୍ୟକ୍ତି ଏକ କଳା ରଙ୍ଗର ବୁଲେଟରେ ଆସି ଖିତିଚନ୍ଦ୍ର ଙ୍କୁ ଅଟକାଇ ଥିଲେ । ସେମାନେ ମାରଣାସ୍ତ୍ର ଦେଖାଇ ଟଙ୍କା ମାଗିବା ସହ ଖିତିଚନ୍ଦ୍ର ଙ୍କ ପକେଟରୁ ମୋବାଇଲ ଫୋନ୍, ଟେବଲୋଏଡ ଓ ୫ହଜାର ୫ଶହ ଟଙ୍କା ଛଡାଇ ନେଇଥିଲେ । ବାଇକ୍ ର ଡିକିରୁ ଖିତିଚନ୍ଦ୍ର ଙ୍କ ବ୍ଲୁଟୁଥ, ହେଡଫୋନ ଓ ଅନ୍ୟାନ୍ୟ କାଗଜପତ୍ର ନେବା ସହ ଗାଡିକୁ ମଧ୍ୟ ଛଡାଇ ନେଇଯାଇଥିଲେ । ଏ ନେଇ ଖିତିଚନ୍ଦ୍ର ଖପ୍ରାଖୋଲ ଥାନାରେ ଲିଖିତ ଅଭିଯୋଗ କରିଥିଲେ । ଖିତିନ୍ଦ୍ର ଙ୍କ ଅଭିଯୋଗକୁ ଭିତ୍ତିକ କରି ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁଙ୍କ ନେତୃତ୍ୱରେ ଏକ ଟିମ୍ ଘଟଣାର ଛାନ୍ଭିନ କରିବା ପରେ ଆଜି ଏହି ଘଟଣାରେ ସଂପୃକ୍ତ ୪ ଅଭିଯୁକ୍ତ କୁତମୁଣ୍ଡାର ପୁରନ୍ଦର ଖୁମ୍ଭାର, ମୁଣ୍ଡପଲାର କେଶବ ବାରିକ, ଘୁଙ୍ଗଟିପାଲିର ଗୋବିନ୍ଦକାଲସାଏ, ଭାଲୁପିଟାର ତରଣି ଜଗଦଲାକୁ ଖପ୍ରାଖୋଲ ପୋଲିସ ଗିରଫ କରିଛି ।