-+91-9937148622 |
prerana_bgr@rediffmail.com |
Friday 19th April 2024 |
R.N.I. Regd No. ODIODI/2010/46693
Breaking News
09-Jul-2022
ବିନିକା(ହିମାଂଶୁ ଶେଖର ପୁଟେଲ) ବିନିକା-ଚଢ଼େଇପଙ୍କ ମହାନଦୀ ସେତୁ ଆରପଟରେ ଥିବା ଶିଖା ଇକୋ ଭିଲେଜ ଅନ୍ତର୍ଗତ ହେପି ହେଣ୍ଡ ସ୍କୁଲ ଫର ଦି ଡେଫ କୁ ଭାରତର ବିଭିନ୍ନ ପ୍ରଦେଶରୁ ପ୍ରତିଷ୍ଠିତ ମୁକବଧିର ଯୁବକ ମାନେ ପରିଦର୍ଶନରେ ଆସିଥିଲେ। ଯୁବକ ମାନେ ମୁକବଧିର ହୋଇ ମଧ୍ୟ ବିଭିନ୍ନ ଚାକିରୀ ଏବଂ ବ୍ୟବସାୟ କରି ନିଜକୁ ପ୍ରତିଷ୍ଠିତ କରିପାରିଛନ୍ତି। ହେପି ହେଣ୍ଡସ ସ୍କୁଲର କୁନି କୁନି ପିଲାମାନେ ସେହି ଯୁବକ ମାନକୁ ସ୍ୱାଗତ କରି ତାଙ୍କ ସହିତ ବେଶ କିଛି ସମୟ ଅତିବାହିତ କରିଥିଲେ। ଯୁବକ ମାନେ ଛୋଟ ଛୋଟ ପିଲାମାନଙ୍କର ସାଙ୍କେତିକ ଭାଷା ଏବଂ ଅନ୍ୟ ବିଷୟ ମାନଙ୍କର ଜ୍ଞାନ ଦେଖି ବେଶ ପ୍ରଭାବିତ ହୋଇଥିଲେ। ହେପି ହେଣ୍ଡସ ଫର ଦି ଡେଫ ସ୍କୁଲର ପ୍ରତିଷ୍ଠାତା ଶିବାଜୀ ପଣ୍ଡା ସୁଦୂର ଲଣ୍ଡନ ସ୍ଥିତ ଅକ୍ଲାନ ଇଉନିଭରସିଟିରେ ଲିଙ୍ଗୁଇଷ୍ଟିକ ପ୍ରଫେସର ଭାବରେ କାର୍ଯ୍ୟ କରୁଥିଲେ। ବିଭିନ୍ନ ଦେଶ ବିଦେଶ ବୁଲି ମୁକବଧିର ପିଲାମାନଙ୍କର ପାଠପଢା ଉପରେ ଅନୁସନ୍ଧାନ କରୁଥିଲେ।କିନ୍ତୁ କାହିଁକି କେଜାଣି ଶ୍ରୀ ପଣ୍ଡା ହଠାତ ମୋଟା ଅଙ୍କର ଚାକିରୀ ଛାଡି ତାଙ୍କର ମା ମାଟି ବିନିକା ବ୍ଳକ ସିନ୍ଦୁରପୁର ଗ୍ରାମକୁ ଚାଲିଆସି ଏଠାରେ ଗୋଟିଏ ମୁକବଧିର ସ୍କୁଲ ପ୍ରତିଷ୍ଠା କରିଥିଲେ। ସେହି ସ୍କୁଲରେ ମୁକବଧିର ଛାତ୍ର ମାନକୁ ମାଗଣାରେ ଶିକ୍ଷା ସହ ରହିବାର ବ୍ୟବସ୍ଥା ମଧ୍ୟ କରାଯାଇଛି। ବର୍ତ୍ତମାନ ସ୍କୁଲ ଟି ଉଲ୍ଲୂଣ୍ଡା ବ୍ଲକ ସ୍ଥିତ ଚଢ଼େଇପଙ୍କ ଠାରେ ଅବସ୍ଥାପିତ। ସ୍କୁଲରେ ବର୍ତ୍ତମାନ 40 ଜଣ ଛାତ୍ରଛାତ୍ରୀ ପାଠ ପଢୁଛନ୍ତି। ଛାତ୍ରଛାତ୍ରୀ ମାନେ ସୁବର୍ଣ୍ଣପୁର ଜିଲ୍ଲା ସହ ସୁନ୍ଦରଗଡ, ଝାରସୁଗୁଡା,ବଲାଙ୍ଗୀର, ପାଟଣାଗଡ଼, ବ୍ରହ୍ମପୁର,ବରଗଡ,ଦିଲ୍ଲୀ,ଉତ୍ତରପ୍ରଦେଶରୁ ଆସି ଏଠାରେ ରହି ପାଠ ପଢୁଛନ୍ତି।କିନ୍ତୁ ଅତ୍ୟନ୍ତ ଦୁଃଖର ବିଷୟ ସ୍କୁଲଟି ଦେଶ ବିଦେଶରେ ନା କଲେ ମଧ୍ୟ ଓଡିଶା ସରକାରଙ୍କ ତରଫରୁ ବର୍ତ୍ତମାନ ଯାଏଁ ଦୃଷ୍ଟି ଗୋଚର ହୋଇ ପାରିନାହିଁ। ତେଣୁ ଏହି ସ୍କୁଲର ଉନ୍ନତି ଦିଗରେ ସରକାର ଅନୁଦାନ ଯୋଗାଇ ଦେଲେ ପଡୁଥିବା ଛାତ୍ରଛାତ୍ରୀଙ୍କ ଭବିଷ୍ୟତ ଉଜ୍ଜଳମୟ ହେବା ସହ ପ୍ରାକୃତିକ ସୌନ୍ଦର୍ଯ୍ୟରେ ଭରପୂର ସ୍କୁଲର ରୂପରେଖ ବଦଳିଯିବ ଏବଂ ସମସ୍ତଙ୍କର ଆକର୍ଷଣର କେନ୍ଦ୍ରବିନ୍ଦୁ ପାଲଟିବ ।