-+91-9937148622 |
prerana_bgr@rediffmail.com |
Saturday 20th April 2024 |
R.N.I. Regd No. ODIODI/2010/46693
Breaking News
08-Jul-2022
ଉଲୁଣ୍ଡା (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନା ଅନ୍ତର୍ଗତ କେଉଟିପାଲି ନିକଟରେ ଏକ ଦମ୍ପତିଙ୍କ ମୁହଁରେ ସ୍ପ୍ରେ କରି ଲୁଟ ଉଦ୍ୟମ ଘଟଣାର ପର୍ଦାଫାସ କରିଛି ପୁଲିସ । ଅଟକ ଥିବା ୩ଜଣ ଜୁବକଙ୍କୁ ଗିରଫ କରିବା ସହ ତାଙ୍କ ଠାରୁ ନଗତ ୧୦ ହଜାର ଗୋଟିଏ ମୋବାଇଲ ଏବଂ ଲୁଟ ପାଇଁ ବ୍ୟବହୁତ ହୋଇଥିବା ରାସାୟନିକ ସ୍ପ୍ରେ ଜବତ କରିଥିବା ସୁବର୍ଣ୍ଣପୁର ଏସପି ଅମରେଶ ପଣ୍ଡା ପ୍ରେସ ମିଟରେ ସୂଚନା ଦେଇଛନ୍ତି । ଅଭିଯୁକ୍ତ ମାନେ ହେଲେ ଏସରାମପୁରର ସିଦ୍ଧାର୍ଥ ପୁଟେଲ, ରାଧେଶ୍ୟାମ ଭରାସାଗର ଏବଂ ସନ୍ତୋଷ ନାଗ ଓରଫ କାଲି ବୋଲି ଜଣାପଡିଛି । ସୂଚନା ଅନୁସାରେ ଗୁରୁବାର ସାରସମାଲ ଗ୍ରାମର ଗଣ୍ଡାରାମ ଭୋଇ ଓ ତାଙ୍କ ସ୍ତ୍ରୀ ସବିତା ସମ୍ବଲପୁରରୁ ଏକ ବାଇକ ଯୋଗେ ନିଜ ଘରକୁ ଫେରୁଥିବା ବେଲେ କେଉଟିପାଲି ନିକଟରେ ତିନିଜଣ ଦୁର୍ବୁତ ମୁଖାପିନ୍ଧି ଏକ ବାଇକରେ ତାଙ୍କ ପାଖକୁ ଆସି ତାଙ୍କ ମୁହଁକୁ ରାସାୟନିକ ସ୍ପ୍ରେ କରି କିଛି ଦୁରକୁ ଚାଲିଯାଇଥିଲେ । ଗଣ୍ଡାରାମ ହେଲମେଟ ପିନ୍ଧି ଥିବାରୁ ତାଙ୍କ ସ୍ତ୍ରୀଙ୍କ ମୁହଁରେ ପଡିଥିଲା । ମୁହଁ ଜଲିବାରୁ ଗାଡିକୁ ଅଟକାଇ ମୁହଁ ଧୋଉଥିବା ବେଲେ ଦୁର୍ବୁତ ମାନେ ପୁଣି ଆସି ଜୁକ୍ତିତର୍କ କରି ଲୁଟ ଉଦ୍ୟମ କରୁଥିବା ବେଲେ ଦମ୍ପତି ଚିକ୍ତାର କରିଥିଲେ । ଫଲରେ ଘଟଣା ସ୍ଥଲରୁ ଦୁର୍ବୁତ ମାନେ ଫେରାର ମାରିଥିଲେ । ଏହି ସମୟରେ ରାସ୍ତାରେ ଜାତାୟାତ କରୁଥିବା କିଛି ଲୋକଙ୍କ ସହାୟତାରେ ଦମ୍ପତି ଘରକୁ ଫେରୁଥିବା ବେଲେ ପୁଣି ସିଣ୍ଢୋଲ ପର୍ଯ୍ୟନ୍ତ ଦୁର୍ବୁତ ମାନେ ପିଛା କରିଥିଲେ । ପିଛା କରୁଥିବା ଜାଣିପାରି ଦମ୍ପତି ସିଣ୍ଢୋଲ କଲେଜ ନିକଟରେ ଥିବା ଏକ ହୋଟେଲ ଭିତରକୁ ପସି ଯାଇଥିଲେ । ସେଠାରେ ଘଟଣା ବିଷୟରେ ଜଣାଇବା ପରେ ସ୍ଥାନୀୟ ଲୋକେ ଦୁର୍ବୁତ ମାନେ କେଉଟିପାଲି ପଟକୁ ଯାଉଥିବା ଖବର ପାଇ ସ୍ଥାନୀୟ କିଛି ଲୋକଙ୍କୁ ଯୋଗାଯୋଗ କରିଥିଲେ । କେଉଟିପାଲି ନଦୀଘାଟ ଦେଇ ଫେରାର ଉଦ୍ୟମ କରୁଥିବା ବେଲେ ସିଣ୍ଢୋଲ ଗ୍ରାମର ତିନିଜଣ ଯୁବକ ଦୁର୍ବୁତଙ୍କୁ କାବୁ କରି ପୁଲିସକୁ ଜିମା ଦେଇଥିଲେ । ତେବେ ଦୁର୍ବୁତ ମାନଙ୍କ ବ୍ୟବହୁତ ଏକ ବାଇକ ସମେତ ନଗଦ ୧୦ ହଜାର ଏବଂ ଗୋଟିଏ ମୋବାଇଲ ପୁଲିସ ଜବତ କରିଥିଲା । ଏନେଇ ଗଣ୍ଡାରାମା ଥାନାରେ ଲିଖିତ ଭାବରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ପୁଲିସ ଏକ ମାମଲା ୧୦୭/୨୨ ରୁଜୁ କରିଥିଲା । ତେବେ ଅଟକ ୩ ଜଣ ଦୁର୍ବୁତ ମାନଙ୍କୁ ପଚରା ଉଚୁରା କଲାପରେ ଘଟଣାକୁ ସ୍ୱିକାର କରିଥିଲେ । ଶୁକ୍ରୁବାର ସଂପୃକ୍ତ ଅଭିଯୁକ୍ତ ମାନଙ୍କୁ କୋର୍ଟ ଚାଲାନ କରାଜିବ ବୋଲି ଏସପି ସୂଚନା ଦେଇଥିଲେ । ଏହି ଅବଶରରେ ଅଭିଯୁକ୍ତ ମାନଙ୍କୁ ଧରିବାରେ ସହଯୋଗ କରିଥିବା ତିନି ଯୁବକଙ୍କୁ ଏସପି ସମ୍ବର୍ଦ୍ଧିତ କରିବା ସହ ପୁରସ୍କୃତ କରିଥିଲେ । ଏହି ସାମ୍ବାଦିକ ସମ୍ମିଲନୀରେ ଅନ୍ୟମାନଙ୍କ ମଧ୍ୟରେ ବୀରମହାରାଜପୁର ଏସଡିପିଓ ଡୋଲାମଣୀ ଭୋଇ, ଆଇଆଇସି ଚନ୍ଦ୍ରମୋହନ ସିଂ , ଏସଆଇ ଟଙ୍କଧର ଛତ୍ରୀଆ, ଏସଆଇ ଶଙ୍କର କୁମ୍ଭାର, ଏଏସଆଇ ରବିନ୍ଦ୍ର ମହାନ୍ତିଙ୍କ ସମେତ ସମସ୍ତ ଷ୍ଟାପ ଉପସ୍ଥିତ ଥିଲେ ।