-+91-9937148622 |
prerana_bgr@rediffmail.com |
Saturday 20th April 2024 |
R.N.I. Regd No. ODIODI/2010/46693
Breaking News
07-Jul-2022
ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ): ପୌର ପ୍ରଶାସନ ଓ ଜ଼ିଲ୍ଲା ପ୍ରଶାସନ ସ୍ୱଛତା କ୍ଷେତ୍ରରେ ବିଭିନ୍ନ ଯୋଜନା ଓ କାର୍ଯ୍ୟକ୍ରମ ମାଧ୍ୟମରେ ପ୍ରଚାର ପ୍ରସାର କ୍ଷେତ୍ରରେ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି, ଘନ ଘନ ବୈଠକ ଓ ପ୍ରସ୍ତୁତି କରୁଛନ୍ତି l କିନ୍ତୁ ବାସ୍ତବ ରେ ବେଳେ ବେଳେ କେତେକ ଜାଗାରେ ତାର ଓଲଟା ଚିତ୍ର ଦେଖିବାକୁ ମିଳୁଛି l ଆଉ ଭାବ ପ୍ରବଣତା ନୁହେଁ କର୍ମ ପ୍ରବଣତା ଓ ସାମାଜିକ ପ୍ରତିବଦ୍ଧତା ରେ ହିଁ ଜ଼ିଲ୍ଲା ରେ କ୍ଲିନ ସୁବର୍ଣ୍ଣପୁର ସ୍ୱଛତା ଅଭିଯାନ କୁ ଆଗେଇ ନେବ ଓ ସମସ୍ତ କ୍ଷେତ୍ରରେ ସଫଳତା ଦେବ l ତାହେଲେ ଯାଇ ଗାନ୍ଧିଜୀ ଙ୍କ ଆହ୍ୱାନ କୁ ସଫଳ କରିହେବ l ଆଉ ଗାନ୍ଧିଜୀ ଙ୍କ ଆଦର୍ଶ ରେ
ଅନୁପ୍ରାଣିତ ହୋଇ ସେଭଳି ଏକ ଉଦାହରଣ ସାଜିଛନ୍ତି ସୁବର୍ଣ୍ଣପୁର ର ପୋଲିସ ତଥା ସ୍ୱଚ୍ଛ ଭାରତ ର ଆଗଧାଡିର ଯୋଦ୍ଧା ମନୋଜ ପଣ୍ଡା l ବର୍ତ୍ତମାନ ସେ ସୁବର୍ଣ୍ଣପୁର ଜ଼ିଲ୍ଲା ତରଭା ରଥ ଯାତ୍ରା ରେ ମହାପ୍ରଭୁ ଓ ଲୋକଙ୍କ ସୁରକ୍ଷା ପୋଲିସ ଡିଉଟି ସାଙ୍ଗେ ସାଙ୍ଗେ କିଛି ସମୟ ବାହାର କରି ସହର ର ସ୍ୱଛତା କ୍ଷେତ୍ରରେ କିଛି ସୁଧାର ଆଣିବାକୁ ଅଣ୍ଟା ଭିଡ଼ିଛନ୍ତି l ଗତ 3 ତାରିଖ ରେ ତରଭା ଠାରେ ଅନୁଷ୍ଠିତ ମେଗା ସ୍ୱାସ୍ଥ୍ୟ ମେଳା ଓ ପଲିଥିନ ମୁକ୍ତ ସଚେତନତା ଅଭିଯାନ ରେ ସ୍ୱଚ୍ଛ ଭାରତ ସଂଗଠନ ସହିତ ଶ୍ରୀ ପଣ୍ଡା ସମସ୍ତ ସହଯୋଗ କରି ଆସିଥିବା ବେଳେ ଗତ 5 ତାରିଖ ରେ ସହର ର ଏକ ମାତ୍ର ତରଭା କଲେଜ ଖେଳ ପଡିଆ ଠାରେ ପଚା ଷଢ଼l କୁଢ଼ କୁଢ଼ ଅଳିଆ ଆବର୍ଜନା ଓ ପଲିଥିନ ଜମା ହୋଇଥିବା ଦୃଶ୍ୟ କୁ ଦେଖି ସେ ଆଶ୍ଚର୍ଯ୍ୟ ଓ ବିଚଳିତ ହୋଇ ଯାଇଥିଲେ l ଏବଂ ଫଟୋ ଉଠାଇ ସ୍ଥାନୀୟ ଏନ ଏ ସି କର୍ତ୍ତୃପକ୍ଷ ଓ ସାନିଟାରୀ ଇନ୍ସପେକ୍ଟର ଶ୍ରୀ ଅଜୟ ସ୍ୱାଇଁ ଙ୍କ ନଜର କୁ ଆଣି ତୁରନ୍ତ ସେଇ ଜାଗାରୁ ପଲିଥିନ ଓ ଆବର୍ଜନା ସବୁକୁ ସଫା କରିବାକୁ ପ୍ରଥମେ ଅଫିସ ରେ ରିପୋର୍ଟ କଲା ପରେ କେହି ଶୁଣି ନ ଥିଲେ l ପରେ ପୁଣି ସ୍ୱାଇଁ ବାବୁ ଙ୍କୁ ଅନୁରୋଧ କରି ଥିଲେ, ଆଉ ଏଥିରେ ଅବହେଳା କଲେ ଜ଼ିଲ୍ଲାପାଳ ଙ୍କୁ ଏ ଦୃଶ୍ୟ ଟୁଇଟ ମାଧ୍ୟମରେ ଜଣାବାକୁ କହିଥିଲେ l ତାପରେ ଶ୍ରୀ ପଣ୍ଡା ଏନ ଏ ସି ର ସହମତି ପରେ ସ୍ୱଚ୍ଛ ସାଥି ସୁପରଭାଇଜର ସନ୍ଧ୍ୟା ରାଣୀ ସେଠି ଙ୍କ ନେତୃତ୍ୱ ରେ ସ୍ୱଚ୍ଛ ସାଥି କଳ୍ପନା ସରଭଙ୍ଗ, ଅହଲ୍ୟl ତାଣ୍ଡି, ଚପଳା ତାଣ୍ଡି, ପିଙ୍କି ପଣ୍ଡା ଓ ମାଙ୍ଗେଲାଲ ଆଗ୍ରୱାଲା ଙ୍କ ସହିତ କିଛି ସ୍ବେଛାସେବୀ ଙ୍କ ସହଯୋଗ ରେ ଗତ ମଙ୍ଗଳବାର ଅପରାହ୍ନ ରୁ ରାତି ଭିତରେ ହିଁ ସମସ୍ତ ଆବର୍ଜନା କୁ ସଫେଇ କରିବାରେ ସଫଳ ହୋଇ ଥିଲେ, ନିଜେ ବି ସହଯୋଗ କରିଥିଲେ ଓ ପଡିଆ ରେ ଥିବା ମୀନା ବଜାର ର ପ୍ରତ୍ୟେକ ଷ୍ଟଲ କୁ ଶ୍ରୀ ପଣ୍ଡା, ଏନ ଏ ସି କର୍ମକର୍ତ୍ତା ଓ ସ୍ୱଚ୍ଛ ସାଥି ମାନେ ବୁଲି ବୁଲି ଦୋକାନୀ ଙ୍କୁ ଗ୍ରାହକ ଙ୍କୁ ପଲିଥିନ ପଡିଆ ରେ ନ ପକାଇ ଡଷ୍ଟ ବିନ ରେ ପକାଇବାକୁ ସାମୁହିକ ସଚେତନ କରାଇଥିଲେ l ଏବଂ ଆଗାମୀ ଦିନ ରେ ଏଇ ସ୍ୱଛତା କାର୍ଯ୍ୟକ୍ରମ ରେ ସମସ୍ତ ସହଯୋଗ କରିବାକୁ ଏନ ଏ ସି କର୍ତ୍ତୃପକ୍ଷ କିଛି ସମାଜସେବୀ ଙ୍କ ସମେତ ତରଭା ଥାନା ଅଧିକାରୀ ସୁବ୍ରତ ପାଣିଗ୍ରାହୀ ମଧ୍ୟ ଦୃଢ଼ ପ୍ରତିଶୁତି ଦେଇ ଶ୍ରୀ ପଣ୍ଡା ଙ୍କୁ ଉତ୍ସାହିତ କରିଥିଲେ l କେବଳ ମନୋଜ ନୁହେଁ ସ୍ୱଚ୍ଛ ଭାରତ ର ସମସ୍ତ ସଭ୍ୟ ଙ୍କୁ ଜ଼ିଲ୍ଲାପାଳ, ଏସପି ଓ ଅନ୍ୟ ସମସ୍ତ ପ୍ରଶାସକ ମାନେ ଏ ଦିଗରେ କାମ ଜାରି ରଖିବାକୁ ସବୁବେଳେ ଉତ୍ସାହିତ କରୁଛନ୍ତି, ସାହସ ଦେଇଛନ୍ତି l ସୋନପୁର ବୌଦ୍ଧ ଉଭୟ ଜ଼ିଲ୍ଲା ର ବିଭିନ୍ନ ଅଞ୍ଚଳ ରେ ପରିବେଶ ସ୍ୱଛତା ପ୍ରତି
ଯତ୍ନବାନ ରହି ଏବେ ଆତ୍ମ ବିଶ୍ୱାସ ର ସହିତ ସ୍ୱଚ୍ଛ ଓ ପରିବେଶ ସଚେତନତା କାର୍ଯ୍ୟ କରୁଛନ୍ତି l ଗତ ସପ୍ତାହ ରେ ତରଭା ମାହେଶ୍ୱରୀ ଓ ସୋନପୁର ସ୍ୱଚ୍ଛ ଭାରତ ସଂଗଠନ ର କିଛି କର୍ମକର୍ତ୍ତା ଙ୍କ ସହିତ ଜ଼ିଲ୍ଲାପାଳ ଅବୋଲି ସୁନୀଲ ନର୍ଭଣେ ଏଇ ସ୍ୱଛତା ଓ କ୍ଲିନ ସୋନପୁର ଅଭିଯାନ ଉପରେ କିଛି ଜରୁରୀ ଆଲୋଚନା କରି ସ୍ୱଛତା ପ୍ରତି ଧ୍ୟାନ ଦେଇ ଜ଼ିଲ୍ଲା ସାରା ଲୋକଙ୍କୁ ସଚେତନ କରାଇବାକୁ ଉତ୍ସାହିତ କରିଥିଲେ l ସାର ଜଣେ ଦୁଇ ଜଣ ଲୋକ ଆପଣ ଚାହିଁଲେ ଆମ ସହର, ଓ ଜ଼ିଲ୍ଲା କଣ ସ୍ୱଚ୍ଛ ହୋଇଯିବ ? ସରକାର ପଲିଥିନ ଫେକ୍ଟ୍ରି ବନ୍ଦ କରିଦେଲେ ଆପେ ଏହାର ସମାଧାନ ହୋଇଯିବ ବୋଲି ତରଭା ଠାରେ ଜଣେ ଚା ଦୋକାନୀ ଙ୍କ ପ୍ରଶ୍ନ ର ଉତ୍ତର ରେ ଶ୍ରୀ ପଣ୍ଡା କହିଥିଲେ ଯେ, ଭାରତ ଦେଶର ସ୍ୱାଧୀନତା ପାଇଁ ମହାତ୍ମା ଗାନ୍ଧୀ ଆଗେ ଏକା ଲଢ଼ିଥିଲେ ଅନେକ ସମାଲୋଚିତ ହୋଇଥିଲେ l ପରେ ପରେ ଏ ଅଭିଯାନ ଆରମ୍ଭ କରି ପର୍ଯ୍ୟାୟ କ୍ରମେ ଦେଶ ସାରା ଲୋକଙ୍କୁ ସେଇ ଆନ୍ଦୋଳନ ରେ ଯୋଡି ଥିଲେ ଆଉ ସଫଳ ବି ହୋଇଥିଲେ l ଠିକ ସେ ଭଳି ତରଭା ର ଏଇ ସ୍ପର୍ଟ ଏକ୍ସନ ବା ସ୍ପର୍ଟ ସମାଧାନ ମାଧ୍ୟମରେ କର୍ମ ପ୍ରବଣତା ଓ ସାମାଜିକ ପ୍ରତିବଦ୍ଧତା ର ଏକ ଝଲକ ବା ଉଦାହରଣ ଦେଇଛନ୍ତି ଶ୍ରୀ ପଣ୍ଡା ଏବଂ ସମାଜ ସେବା କ୍ଷେତ୍ରରେ କାର୍ଯ୍ୟ କରୁଥିବା ଲୋକଙ୍କୁ ଉତ୍ସାହିତ କରିଛନ୍ତି l