-+91-9937148622 |
prerana_bgr@rediffmail.com |
Thursday 28th March 2024 |
R.N.I. Regd No. ODIODI/2010/46693
Breaking News
02-Jul-2022
ଉଲୁଣ୍ଡା,(ଗୌରଚନ୍ଦ୍ର ପରିଛା ):ଉଲୁଣ୍ଡା ବ୍ଲକ ପାତାଳି ଶ୍ରୀକ୍ଷେତ୍ରରେ ଜଗନ୍ନାଥଙ୍କ ଘୋଷ ଯାତ୍ରା ଅନୁଷ୍ଠିତ ହୋଇଯାଇଛି l ସକାଳୁ ସୂର୍ଯ୍ୟପୂଜା, ଦ୍ୱାରପାଳ ପୂଜା, ଦ୍ୱାର ଫିଟା, ମଙ୍ଗଳ ଆଳତୀ ଓ ଖେଚୁଡ଼ି ଭୋଗ ଲାଗିପାରେ ଶ୍ରୀ ଜିଉଙ୍କୁ ବେଶ କରାଯାଇଥିଲା l ପରେ ଜିଉଙ୍କୁ ଗୋଟିପହଣ୍ଡିରେ ଅଣାଯାଇଥିଲା l ଗାଁ ଗଡ଼ତ୍ୟା ଚମରା ଅମାତ ଛେରା ପହରା କରିଥିଲେ l ପୂର୍ବ ପରମ୍ପରା କ୍ରମେ ସୁଭଦ୍ରାଙ୍କ ରଥକୁ କେବଳ ମହିଳା ମାନେ ଟାଣିଥିଲେ l ବିଶେଶ୍ୱର ପାଢ଼ୀ, ଦେବାର୍ଚନ ଦାସ ଓ ଗୁଣାକର ପଣ୍ଡା ପୂଜାର୍ଚନା କରିଥିଲେ l କରୋନା କଟକଣା ଯୋଗୁଁ ଦୀର୍ଘ ଦୁଇବର୍ଷର ବ୍ୟବଧାନ ପରେ ଚଳିତ ବର୍ଷ ବହୁ ଶ୍ରଦ୍ଧାଳୁଙ୍କ ସମାଗମ ହୋଇଥିଲା l ଶ୍ରଦ୍ଧାଳୁ ମାନେ ପାହାଡ ଚଢିବାରେ ମଜା ନେଇଥିଲେ l ଶାନ୍ତି ଶୃଙ୍ଖଳା ରକ୍ଷା ପାଇଁ ପ୍ରଶାସନ ତଥା ପାତାଳି ଟ୍ରଷ୍ଟ ତରଫରୁ ବ୍ୟାପକ ବ୍ୟବସ୍ଥା କରାଯାଇଥିଲା l ଅତିଥି ଭାବରେ ବିରମହାରାଜପୁର ଉପଜିଲ୍ଲାପାଳ ଅଶୋକ ଭୋଇ ଓ ଏସଡିପିଓ ଡୋଲମଣି ଭୋଇ ଯୋଗଦେଇଥିଲେ l ପଙ୍କଜ ସାହୁ ଧାରାବିବରଣୀ ପ୍ରଦାନ କରିଥିଲେ l ପାତାଳି ଟ୍ରଷ୍ଟର ସମ୍ପାଦକ ଉତ୍ତର ପାତ୍ର, ପୂର୍ଣଚନ୍ଦ୍ର ପାଢ଼ୀ, ମହାଦେବ ସାହୁ,ଜାନକୀରାମ ଦେହୁରୀଙ୍କ ସମେତ ପାତାଳି ସେନା ପ୍ରମୁଖ ସହଯୋଗ କରିଥିଲେ l ସେହିପରି ଉଲୁଣ୍ଡା ସମେତ ଗୌଡ଼ଗାଁ, କୁକିଆ, ଜଗନ୍ନାଥପାଲି, ହରିଣାପାଲି, ଲସ୍ତଳା, କୋଟସମଲେଇ, ଖୁଣ୍ଟୁଳାପାଲି, ପଳାସ, ବିଦୁରୂପାଲି, କପୁରଡ଼ା, କଳାପଥର, ରକ୍ସା ଆଦି ବିଭିନ୍ନ ଗ୍ରାମରେ ଘୋଷଯାତ୍ରା ଅନୁଷ୍ଠିତ ହୋଇଛି l