-+91-9937148622 |
prerana_bgr@rediffmail.com |
Friday 29th March 2024 |
R.N.I. Regd No. ODIODI/2010/46693
Breaking News
28-Jun-2022
ବଲାଙ୍ଗୀର:(ମଳୟ ମିଶ୍ରଙ୍କ ରିପୋର୍ଟ) ବଲାଙ୍ଗୀର ଜିଲ୍ଲାର ବିଭିନ୍ନ ବିଭାଗର ସ୍କୁଲ୍ ହଷ୍ଟେଲ ବା ଆବାସିକ ବିଦ୍ୟାଳୟରେ ପିଲାଙ୍କୁ ଦିଆଯାଉଥିବା ରନ୍ଧାଖାଦ୍ୟର ମାନ କେଉଁଠି ଭଲ ତ , କେଉଁଠି ଭେଲ ! ଗତକାଲି ମୁରିବାହାଲରେ ଜିଲ୍ଲାପାଳ ଓ ଏସ୍ ପିଙ୍କ ଯୁଗ୍ମ ଭାବେ ଅଭିଯୋଗ ଶୁଣାଣୀ ଶିବିରରେ ଯାଇଥିବାବେଳେ , ମୁରିବାହାଲ ଓଡିଶା ଆଦର୍ଶ ବିଦ୍ୟାଳୟକୁ ଯାଇ ପିଲାଙ୍କୁ ଦିଆଯାଉଥିବା ରନ୍ଧାଖାଦ୍ୟ ଚାଖିଥିଲେ । ଏହା ଜିଲ୍ଲା ପ୍ରଶାସନର ଏକ ପ୍ରଶଂସନୀୟ କାମ ନିଶ୍ଚୟ । କିନ୍ତୁ ଗତକାଲି ଜିଲ୍ଲାର ଅନ୍ୟ ଏକ ଓଏଭିରେ ପିଲାଙ୍କୁ ଭାତ ସହ ପାଣିଆ ଡାଲି ଓ ଆମ୍ବିଳ ଦିଆଯାଇଥିଲା । ଏହା ଏପରି ବିସ୍ବାଦକର ଥିଲା ଯେ ଅନେକପିଲା ଭଲକରି ଖାଇପାରି ନଥିଲେ । ଅଧିକାଂଶ ଦିନ ଏହି ସ୍କୁଲ୍ ରେ ଗମରା ଗନ୍ଧ ବାହାରୁଥିବା ସୋୟାବଡିର ଝୋଳ ଖାଇବାକୁ ଦିଆଯାଉଛି । ଜିଲ୍ଲା ସଦର ମହକୁମାର ନାକତଳେ ଥିବା ଏକ ଓଏଭିରେ ପ୍ରାୟ ପ୍ରତିଦିନ ଚିକେନ୍, ମାଛ ମାଂସ ପୁଷ୍ଟିକର ଖାଦ୍ୟ ଦିଆଯାଉଥିବାବେଳେ, ଆଉ ଏକ ଓଏଭିର ଏଇପରି ଖାଦ୍ୟ ଦିଆଯାଉଥିବା ପ୍ରଶାସନର ଦୃଷ୍ଟିକୁ ଅଣାଯିବାକୁ ଦାବି ହେଉଛି ଦିନଯାକ ପିଲାମାନେ ଘରଖାଦ୍ୟ ନପାଇ ସ୍କୁଲ୍ ରେ ଲଞ୍ଚ୍ ବା
ମୁଖ୍ୟବେଳାର ଖାଦ୍ୟ ଖାଉଥିବା ବେଳେ, ଜିଲ୍ଲାର ସମସ୍ତ ଓଏଭି ଓ ଆଦିବାସୀ ଆବାସିକ ବିଦ୍ୟାଳୟ ସମେତ କେଜିବିଭି ବା ଅନ୍ୟାନ୍ୟ ମେସ୍ ଖାଦ୍ୟର ଗୁଣାତ୍ମକମାନ ବୃଦ୍ଧି ହେବା ଜରୁରୀ । ଏବେ କୋମଳମତୀ ପିଲାଙ୍କର ବଢିବା ବୟସ । ପିଲାଙ୍କ ଖାଦ୍ୟରେ ସବୁଜ ପନିପରିବା, ପୁଷ୍ଟିକର ସୁସ୍ବାଦୁ ଖାଦ୍ୟ ଦିଆଯିବାର ଅତ୍ୟନ୍ତ ଆବଶ୍ୟକତା ରହିଛି । ତେବେ ଏହି ପିଲାଙ୍କ ଖାଦ୍ୟରୁ ମଧ୍ୟ ସ୍କୁଲ୍ କର୍ତ୍ତୃପକ୍ଷ ବା ଯୋଗାଣକାରୀ ଏସଏଚଜି ବା ଅନ୍ୟାନ୍ୟ ସଂସ୍ଥାର ମୁନାଫାଖୋର୍ ମାନେ ବାଟମାରଣା କରିବାକୁ ନିମ୍ନମାନର ବିସ୍ବାଦକର ଖାଦ୍ୟ ଦେବା ଅତ୍ୟନ୍ତ ପରିତାପର ବିଷୟ । ଏଣୁ ବଲାଙ୍ଗୀରର ସ୍ବନାମଧନ୍ଯ ଯୁବ ଜିଲ୍ଲାପାଳ ଜିଲ୍ଲାର ସମସ୍ତ ଓଏଭି ଓ ଅନ୍ୟାନ୍ୟ ହଷ୍ଟେଲର ଖାଦ୍ୟ କ୍ବାଲିଟି ପ୍ରତି ତୀକ୍ଷ୍ଣ ଦୃଷ୍ଟି ଦେବାକୁ ଦାବି ହେଉଛି ।