-+91-9937148622 |
prerana_bgr@rediffmail.com |
Friday 29th March 2024 |
R.N.I. Regd No. ODIODI/2010/46693
Breaking News
22-Jun-2022
ସମ୍ବଲପୁର// ୨୦୧୫ ବ୍ୟାଚ ଆଇଏଏସ ଅଫିସର ଭାରତୀୟ ପ୍ରଶାସନିକ ସେବା ସର୍ବଭାରତୀୟ ସ୍ତରରେ ୧୬ ନମ୍ବର ସ୍ଥାନ ଅଧିକାର କରିଥିବା ଅନନ୍ୟା ଦାସ ଆଜି ସମ୍ବଲପୁରର ନୂତନ ଜିଲ୍ଲାପାଳ ଭାବେ ଯୋଗଦାନ କରିଛନ୍ତି | ଅତିରିକ୍ତ ଜିଲ୍ଲାପାଳ ଶ୍ରୀ ଉମାକାନ୍ତ ରାଜ ନୂତନ ଜିଲ୍ଲାପାଳଙ୍କୁ ଦାୟିତ୍ୱ ହସ୍ତାନ୍ତର କରିଛନ୍ତି | ପୂର୍ବରୁ ନୂତନ ଜିଲ୍ଲାପାଳ ଡୁଡ଼ା ପିଡି କୋରାପୁଟ ଏବଂ ଐତିହାସିକ କଟକ ସହରର କମିନଶନର ଭାବେ କାର୍ଯ୍ୟ କରି ନିଜର ଦକ୍ଷତାର ସହ କାର୍ଯ୍ୟ କରି ଲୋକପ୍ରିୟତା ଅର୍ଜନ କରିଛନ୍ତି | ଆଜି ପ୍ରଥମ ଦିନରେ ବିଭିନ୍ନ ଜିଲ୍ଳା ସ୍ତରୀୟ ଅଧିକାରୀଙ୍କ ସହ ଏକ ଅନୌପଚାରିକ ଆଲୋଚନା କରିବା ସହ ଜନସାଧାରଣଙ୍କ ପ୍ରୀତିଭାଜନ ହେବା ସହ ପ୍ରଶାସନିକ କ୍ଷେତ୍ରରେ ଜନସାଧାରଣଙ୍କୁ ଉତ୍ତମ ସେବା ଯୋଗେଇଦେବାକୁ ଅଧିକାରୀ ମାନଙ୍କୁ ପରାମର୍ଶ ଦେଇଛନ୍ତି | ପ୍ରଥମେ ଜିଲ୍ଲାପାଳ ସମ୍ବଲପୁର ଅଧଷ୍ଠାତ୍ରୀ ଦେବୀ ମା ସମଲେଇଙ୍କୁ ଦର୍ଶନ କରି କାର୍ଯ୍ୟଭାର ଗ୍ରହଣ କରିଛନ୍ତି | ଜିଲ୍ଲାରେ ଚାଲିଥିବା ବିଭିନ୍ନ ଅଧୁରା କାମଙ୍କୁ ଆଗକୁ ନେବା ସହ ନୂତନ ପ୍ରକଳ୍ପ ଗୁଡିକୁ ହାତକୁ ନେଇ ଜିଲ୍ଲାକୁ ସର୍ବଶ୍ରେଷ୍ଠ କରିବା ଉପରେ ଗୁରୁତ୍ୱ ଦିଆଯିବ ବୋଲି ନୂତନ ଜିଲ୍ଲାପାଳ କହିଛନ୍ତି |
(ସମ୍ବଳପୁରରୁ ସଂଜୀବ ପାଣୀଗ୍ରାହିଙ୍କ ରିପୋର୍ଟ)