-+91-9937148622 |
prerana_bgr@rediffmail.com |
Saturday 20th April 2024 |
R.N.I. Regd No. ODIODI/2010/46693
Breaking News
13-Jun-2022
ବଲାଙ୍ଗୀର (ମଳୟ ମିଶ୍ରଙ୍କ ରିପୋର୍ଟ) ସଂପ୍ରତି ବଲାଙ୍ଗୀର ଓ ସୋନପୁର ଡିଭିଜନର ବନବିଭାଗର ରେଞ୍ଜ୍ ଗୁଡିକରେ ଗଠନ କରାଯାଇଥିବା ବନ ସୁରକ୍ଷା ସମିତି ମାନଙ୍କରେ ବିଭିନ୍ନ ଉପକରଣ ବଣ୍ଟନ କରାଯାଉଛି । ଏହି ଉପକରଣ ଗୁଡିକ ମଧ୍ୟରେ ଦରି , ଚାନ୍ଦୁଆ , ସିଲେଇ ମେସିନ୍ , ଗିନି ମୃଦଙ୍ଗ , ବାଲ୍ଟି , ଥାଳିଗିନା ଇତ୍ୟାଦି ବଣ୍ଟନ କରାଯାଉଛି । ତେବେ ଏହି କୋଟି କୋଟି ଟଙ୍କାର ସାମଗ୍ରୀଗୁଡିକ କିଏ କେଉଁଠୁ କିପରି କିଣୁଛି ଓ ଏହା ବଜାରଦର ସହିତ କେତେ କମ୍ ନା ବେଶୀ ; ଏ ସମ୍ପର୍କରେ ଲୋକଙ୍କ ମଧ୍ୟରେ ଭ୍ରୂକୁଞ୍ଚନ ସୃଷ୍ଟି ହୋଇଛି । ଶୁଣିବାକୁ ମିଳୁଛି ଯେ , ବର୍ଷାଦିନ ପୂର୍ବରୁ ଚାରାରୋପଣ ଓ ବନୀକରଣ କାର୍ଯ୍ୟକ୍ରମରେ ଗ୍ରାମବାସୀମାନଙ୍କ ସହଯୋଗ ନିମନ୍ତେ ଭିଏସ ଏସଗୁଡିକୁ ବଣ୍ଟନ କରାଯାଇଆସୁଥିବା ଏହି ପ୍ରୋତ୍ସାହନସାମଗ୍ରୀଗୁଡିକୁ ଡିଭିଜନସ୍ତରରେ ବିନା ଟେଣ୍ଡରରେ ସେଣ୍ଟ୍ରାଲି ପରଚେଜ୍ କରାଯାଇ ରେଞ୍ଜ୍ ମାନଙ୍କୁ ପଠାଇଦିଆଯାଉଛି ଓ କେତେକ ସ୍ଥଳେ ରେଞ୍ଜରମାନଙ୍କୁ ଏ ବାବଦରେ ଅର୍ଥ ପ୍ରଦାନ କରାଯାଉଛି । ସେ ଯାହା ହେଉ ,ଏଥିପାଇଁ ଏକ ପରଚେଜ୍ କମିଟି ରହିଥିବା କଥା । ତେଣୁ ଏଇ ଦୁଇଟିଜିଲ୍ଲାର ଦୁଇଟି ବନବିଭାଗ ଡିଭିଜନରେ କୋଟି କୋଟି ଟଙ୍କାର ସାମଗ୍ରୀକିଣାରେ କେତେଦୂର ଓ କିପରି ସ୍ବଚ୍ଛତା ଅବଲମ୍ବନ କରାଯାଉଛି , ଲୋକଙ୍କର ସନ୍ଦେହ ହେତୁ ଏ ସମ୍ପର୍କରେ ବିଭାଗ ପକ୍ଷରୁ ଏକ ସ୍ପଷ୍ଟୀକରଣର ଆବଶ୍ୟକତା ରହିଛି ।