20-May-2022

ରେଢ଼ାଖୋଲ ( ଅନିଲ କୁମାର ପୃଷ୍ଟି ) ରେଢ଼ାଖୋଲ ବ‌ଉଦ ରାସ୍ତାର ପଣ୍ଡକିମାଲ ଚ‌ଉରା ଛକରେ ଗୁରୁବାର ବିଳମ୍ବିତ ରାତିରେ ଅଜଣା ଗାଡ଼ି ଧକ୍କାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି , ମୃତ ବ୍ୟକ୍ତି ଜଣଙ୍କ ହେଲେ ପଣ୍ଡକିମାଲ ଗ୍ରାମ ମୁଣ୍ଡାସାହିର ମହେନ୍ଦ୍ର ମୁଣ୍ଡା । ସେ ଗତ ବିଳମ୍ବିତ ରାତିରେ ରାଞ୍ଚି ବିଜୟୱଡା ରାଜପଥର ପଣ୍ଡକିମାଲ ଚ‌ଉରା ଛକରେ କୌଣସି ଏକ କାମରେ ଆସି ଘରକୁ ଫେରୁଥିବା ସମୟରେ ଏକ ଅଜଣା ଗାଡ଼ି ଧକ୍କା ଦେଇଥିଲା ଫଳରେ ଘଟଣା ସ୍ଥଳରେ ହିଁ ତାଙ୍କ ମୃତ୍ୟୁ ହୋଇଥିଲା । ହେଲେ ଶବଟି ଭୋର ସକାଳୁ ଗ୍ରାମର କିଛି ଲୋକ ଦେଖି ପୋଲିସକୁ ଖବର ଦେଇଥିଲେ , ଦୁର୍ଘଟଣା ସ୍ଥଳରେ ରେଢ଼ାଖୋଲ ପୋଲିସ ପହଞ୍ଚି ଶବକୁ ଜବତ କରି ପୋଲିସ ଗାଡ଼ିରେ ରେଢ଼ାଖୋଲ ଉପଖଣ୍ଡ ଡ଼ାକ୍ତରଖାନାକୁ ଆଣି ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ଜଣାପଡିଛି ।