14-May-2022

ବରଗଡ଼: ତାରିଖ ରେ ଜାତୀୟ ଆଇନ ସେବା ପ୍ରାଧିକରଣ ଓ ଓଡ଼ିଶା ଆଇନ ସେବା ପ୍ରାଧିକରଣ ଆଦେଶ କ୍ରମେ ବରଗଡ ଜିଲ୍ଲା ସ୍ଥିତ ପଦ୍ମପୁର କୋର୍ଟ ପରିସରରେ ୨୦୨୨ ବର୍ଷର ଦ୍ଵିତୀୟ ରାଷ୍ଟ୍ରୀୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି । ଅତିରିକ୍ତ ଜିଲ୍ଲା ବିଚାରପତି ତଥା ତାଲୁକ ଆଇନ ସେବା ପ୍ରାଧିକରଣ ର ଅଧ୍ୟକ୍ଷ ଶ୍ରୀମାନ ଅରବିନ୍ଦ ରଥ ଏହାକୁ ଉଦଘାଟନ କରିଥିଲେ ।ଏ ପରିପ୍ରେକ୍ଷୀରେ ୯୯ ଟି ବିଚାରାଧୀନ ମାମଲା ମଧ୍ୟରୁ ୭୦ ଟିର ଚୁଡାନ୍ତ ବିଚାର କରାଯାଇଥିଲା । ପ୍ରାଧିକରଣ ର ଅଧ୍ୟକ୍ଷ ଙ୍କ ସଂଯୋଜନା ରେ ଆୟୋଜିତ କାର୍ଯ୍ୟକ୍ରମରେ କୋର୍ଟ ର ବରିଷ୍ଠ ଦେୱାନୀ ବିଚାରପତି ଅଭିନନ୍ଦିତା ପଣ୍ଡା ଓ ଉପଖଣ୍ଡିୟ ଦଣ୍ଡାଧିକାରୀ ତଥା ଦେୱାନୀ ବିଚାରପତି ପ୍ରଜ୍ଞା ଲଲିତ ମିଶ୍ରା ବିଭିନ୍ନ ମାମଲା ଗୁଡ଼ିକର ଆପୋଷ ସମାଧାନ ରେ ସହଯୋଗ କରିଥିଲେ । ଓକିଲ ସଂଘ ର ସଭାପତି ଶ୍ରୀମାନ ଉମେଶ ସାହୁ, ଶ୍ରୀମାନ ଗୈାତିଆ ସାହୁ, ଶ୍ରୀମାନ ଅଜିତ କୁମାର ଶତପଥୀ, ଶ୍ରୀମାନ ସୁନିଲ ପାଣିଗ୍ରାହୀ ଏବଂ ଚିନ୍ମୟ ପଣ୍ଡା ଏବଂ ଅନ୍ୟାନ୍ୟ ବରିଷ୍ଠ ଓ ଯୁବ ଆଇନଜୀବୀ ଉପସ୍ଥିତ ଥିଲେ ।