-+91-9937148622 |
prerana_bgr@rediffmail.com |
Thursday 18th April 2024 |
R.N.I. Regd No. ODIODI/2010/46693
Breaking News
14-May-2022
ବରଗଡ଼: ଜିଲ୍ଲା ସ୍ୱାସ୍ଥ୍ୟ ସମିତି, ବରଗଡ଼ ଓ ସ୍ୱେଚ୍ଛାସେବୀ ଅନୁଷ୍ଠାନ ଆଜକା ପାଇକମାଳ ର ମିଳିତ ସହଯୋଗରେ ଆଜକା ତାଲିମ କେନ୍ଦ୍ର ଠାରେ ପାଞ୍ଚ ଦିନ ଧରି ଆଶାମାନଙ୍କ ପ୍ରଶିକ୍ଷଣ ଶିବିର ମଡ୍ୟୁଲ ଛଅ ଓ ସାତ ପ୍ରଥମ ପର୍ଯ୍ୟାୟ ଆଜି ଉଦଯାପିତ ହୋଇ ଯାଇଛି । ଏହି ତାଲିମ ରେ ବରଗଡ଼ ଜିଲ୍ଲାର ବରପାଲି, ଅମ୍ବାଭନା, ଅତାବିରା, ପଦ୍ମପୁର ଓ ଝାରବନ୍ଧ ବ୍ଳକର ମୋଟ ୨୮ ଜଣ ଆଶା ଯୋଗଦାନ କରିଥିଲେ । ଲିଳାମୟ ବେହେରା ଓ ସନ୍ତୋଷିନୀ ମହାପାତ୍ର ତାଲିମଦାତା ଭାବେ ତାଲିମ ପ୍ରଦାନ କରିଥିଲେ ।ଏ ପରିପ୍ରେକ୍ଷୀରେ ଆଶାର ଭୂମିକା, ଦାୟିତ୍ୱ ଓ କୌଶଳ, ଗର୍ଭାବସ୍ଥାର ଯତ୍ନ ଓ ତା'ର ଉପାଦାନ, ନିଶ୍ଚୟ କିଟ୍ ର ପରୀକ୍ଷା, ପ୍ରସବ ପୂର୍ବ ପ୍ରସ୍ତୁତି ଯୋଜନା, ଏଚ୍. ବି. ଏନ୍. ସି. ଫର୍ମ ର ପୂରଣ , ନବଜାତ ଶିଶୁର ସୁରକ୍ଷା ନିମନ୍ତେ ପାଞ୍ଚ ଟି କୌଶଳ ଯଥା ହାତ ଧୁଆ, ଓଜନ କରିବା , ତାପମାତ୍ରା ମାପିବା, ଘୋଡେଇ ରଖିବା (ରେପିଙ୍ଗ ), ଆଖି ନାଭି ଓ ଚର୍ମର ଯତ୍ନ ବିଷୟରେ ତାଲିମ ପ୍ରଦାନ କରାଯାଇଥିଲା । ପ୍ରାକ୍ଟିକାଲ ରେ ଗୃହ ପରିଦର୍ଶନ କରି ଏଚ୍.ବି. ଏନ୍.ସି. ଫର୍ମ ପୂରାଣ କରିଥିଲେ । ବରଗଡ଼ ରୁ ଶ୍ରୀମାନ ଅଶୋକ ସାହୁ, ଡି.ଏମ୍. ଆର୍. ସି. ଏଚ୍ ଏବଂ ସୌଭାଗ୍ୟ ମିଶ୍ର, ଆସିଷ୍ଟାଣ୍ଟ ମ୍ୟାନେଜର କମ୍ୟୁନିଟି ପ୍ରସେସ୍ ଚାଲିମ କେନ୍ଦ୍ର ପରିଦର୍ଶନ କରି ମାତୃ ସ୍ୱାସ୍ଥ୍ୟ ସମନ୍ଧୀୟ ବିଭିନ୍ନ ତଥ୍ୟ ଓ ପରାମର୍ଶ ଦେଇଥିଲେ । ଅନୁଷ୍ଠାନର କାର୍ଯ୍ୟକ୍ରମ ସଂ ଯୋଜକ ନିତ୍ୟାନନ୍ଦ ଜେନା ତାଲିମ ର ସୁପରିଚାଳନା କରିଥିବାବେଳେ ଯୁଗଳ କିଶୋର ନାୟକ ଏବଂ କୁମୁଦିନୀ ପ୍ରଧାନ ସହଯୋଗ କରିଥିଲେ । ଶେଷରେ କାର୍ଯ୍ୟକ୍ରମ ସଂଯୋଜକ ନିତ୍ୟାନନ୍ଦ ଜେନା ସମସ୍ତଙ୍କୁ ଧନ୍ୟବାଦ ଜଣାଇ ତାଲିମ ର ପରିସମାପ୍ତି ଘୋଷଣା କରିଥିଲେ