-+91-9937148622 |
prerana_bgr@rediffmail.com |
Friday 29th March 2024 |
R.N.I. Regd No. ODIODI/2010/46693
Breaking News
20-Mar-2022
I
ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ୍): ଧନୁପାଲି, ଗୋବିନ୍ଦତୋଳା, ଭତ୍ରା ଓ ପୁଟୀବନ୍ଧକୁ ନେଇ ଗଠିତ ନାଗରିକ ସମନ୍ୱୟ କମିଟିର ଏକବର୍ଷ ପୂର୍ତ୍ତି ତଥା ପ୍ରତିଷ୍ଠା ଦିବସ ସ୍ଥାନୀୟ ଆଦିତ୍ୟ କଲ୍ୟାଣମଣ୍ଡପ ଠାରେ ଅନୁଷ୍ଠିତ ହୋଇଯାଇଛି I ସଂଗଠନର ସଭାପତି ରାଜେନ୍ଦ୍ର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଟିତ ଏହି ସଭାରେ ମୁଖ୍ୟ ଅତିଥି ଭାବେ ଜଣାଶୁଣା ଡାକ୍ତର ବିଶ୍ୱନାଥ ମିଶ୍ର ଓ ସମ୍ମାନିତ ଅତିଥି ଭାବେ ଧନୁପାଲି ଥାନା ଅଧିକାରୀ ଅନିତା ପ୍ରଧାନ ଯୋଗଦେଇଥିଲେ I ସଭା ଆରମ୍ଭରେ ମା' ସମଲେଶ୍ୱରୀଙ୍କ ଫଟୋଚିତ୍ରରେ ମାଲ୍ୟାର୍ପଣ ଓ ଦୀପପ୍ରଜ୍ବଳନ ସହ ସଭା ଆରମ୍ଭ ହୋଇଥିଲା I ଉପସଭାପତି ଦାମୋଦର କର ଅତିଥି ପ୍ରଦାନ କରି ସ୍ୱାଗତ ଭାଷଣ ଦେଇଥିବାବେଳେ ସମ୍ପାଦକ ତପନ ଗୁର ଓ କୋଷାଧ୍ୟକ୍ଷ ଶ୍ୱେତକୁମାର ପଣ୍ଡା ଯଥାକ୍ରମେ ସଙ୍ଗଠନ ର ବାର୍ଷିକ ବିବରଣୀ ଓ ଆୟବ୍ୟୟ ଉପପସ୍ଥାପନ କରିଥିଲେ I ମୁଖ୍ୟ ଅତିଥି ଡାକ୍ତର ମିଶ୍ର ତାଙ୍କ ଭାଷଣରେ ଧନୁପାଲି ଅଞ୍ଚଳ ର ଅସମାହିତ ସମସ୍ୟା ବିଷୟ ଆଲୋଚନା କରି ଯୁବସମାଜ ଏହାର ସମାଧାନ ପାଇଁ ଆଗଭର ହେବାକୁ ଆହ୍ୱାନ କରିଥିଲେ I ଏହାପରେ ପ୍ରତିନିଧି ଅଧିବେଶନରେ ସଭ୍ୟମାନେ ନିଜ ନିଜ ଅଞ୍ଚଳର ସମସ୍ୟା ମାନ ଉପସ୍ଥାପିତ କରିଥିଲେ I ଆଲୋଚନା ବେଳେ ପାନୀୟ ଜଳ ଯୋଗାଣ ରେ ଚରମ ଅବ୍ୟବସ୍ଥା,ପରିମଳ ବ୍ୟବସ୍ଥା ରେ ତଦାରଖ ସହ ସବୁ ଜାଗାକୁ ସଫେଇ କର୍ମଚାରୀ ଯୋଗାଣ , ରାସ୍ତାଘାଟ,ଟ୍ରାଫିକ ସମସ୍ୟା,ନାଲି ନର୍ଦମ୍ମା,ରାସ୍ତା ଆଲୁଅ, ଗୋବିନ୍ଦତୋଳା ନୁଆଁ ପୋଲ ଉପର ବସୁଥିବା ମାର୍କେଟ ସ୍ଥାନାନ୍ତର, ଗୋପାଲଜି ମନ୍ଦିର ପୋଖରୀର ପୁନରୁଦ୍ଧାର ସହ ହିଡ, ନାଲି ଓ ରାସ୍ତା ଉପରୁ ଜବରଦଖଲ ଉଛେଦ,ଭତ୍ରା ଠାରେ ଥିବା ଧାନମିଲର ଚିମିନି ପ୍ରଦୂଷଣ,ନାଲି ନିର୍ମାଣ ବେଳେ ଜଳ ନିଷ୍କାସନ ପାଇଁ କୁଶଳୀ ବ୍ୟବସ୍ଥା ପ୍ରୟୋଗ,ଧନୁପାଲି ଛକର ଆଧୁନିକୀକରଣ ସହ ପାନୀୟଜଳ ଓ ଶୌଚାଲୟ ନିର୍ମାଣ, ସୋରେଜ ବୋର୍ଡ଼ ର ଅଧାପନ୍ତରିଆ କାମ ସାରିବା, ଟାଟା ପାୱାର ବିଦ୍ୟୁତ ବକେୟା ଆଦାୟ ନାଁ ରେ ବିନା ପରିଚୟ ପତ୍ରରେ ଗୁଣ୍ଡI ଶ୍ରେଣୀୟ ଲୋକଙ୍କୁ ନିଯୁକ୍ତ କରି ଗ୍ରାହକ ମାନଙ୍କୁ ଜୋର ଜୁଳୁମ ଓ ଅସମ୍ମାନ ପ୍ରଦର୍ଶନକୁ ସଭାରେ ନିନ୍ଦା କରାଯାଇ,ପୂର୍ବପରି କିସ୍ତି ମାଧ୍ୟମରେ ବକେୟା ଆଦାୟ କରିବାକୁ ପ୍ରସ୍ତାବ ଗୃହୀତ ହୋଇଛି I ସଭାରେ
ସଭ୍ୟ ମାନେ ବିଶେଷକରି ମହାନଗର ଭିତରେ ରହୁଥିବା
ବାସିନ୍ଦା ଙ୍କୁ ପାନୀୟଜଳ ର ଉତ୍କଟ ଅଭାବ ଓ ସଳ୍ପଯୋଗାଣ ତଥା ଅନେକ ଜାଗାରେ କେବଳ ସଂଯୋଗ ଦେଇ ବର୍ଷ ବର୍ଷ ଧରି ପାଣିନ ଦେବା ଯୋଗୁ ସଭାରେ ତୀବ୍ର ଉଦବେଗ ପ୍ରକାଶ ପାଇଥିଲା I ଏ ଦିଗରେ ତୁରନ୍ତ ଅଧିକାରୀଙ୍କ ଦୃଷ୍ଟି ଆକର୍ଷଣ କରିବାକୁ ପ୍ରସ୍ତାବ ଗୃହୀତ ହୋଇଛି I ଆବଶ୍ୟକସ୍ଥଳେ ଶାନ୍ତିପୂର୍ଣ୍ଣ ଧାରଣା ଦେବାକୁ ସ୍ଥିର ହୋଇଛି I ଶେଷରେ ସଭାପତି ଶ୍ରୀପଣ୍ଡା ଏ ଦିଗରେ ନିଆଯାଇଥିବା ପଦକ୍ଷେପ ସମ୍ପର୍କରେ ସଭ୍ୟ ମାନଙ୍କୁ ଅବଗତ କରେଇ ସମସ୍ତ ଦାବି କୁ ପୁଣିଥରେ ଜିଲ୍ଲାପାଳ ଙ୍କୁ ଜଣେଇବାକୁ ଦେଇଥିବା ପ୍ରସ୍ତାବ ଗୃହୀତ ହେଲା। ସଭାରେ ସବୁଅଂଚଳ ର ଶତାଧିକ ସଭ୍ୟ ଉପସ୍ଥିତ ଥିବା ବେଳେ ସଂଗଠନ ର ଉପସଭାପତି କପିଳେନ୍ଦ୍ର ସାହୁ ଯୁଗ୍ମ ସମ୍ପାଦକ ସୁଧିର କୁମାର ଦାଶ ପ୍ରମୁଖ ମଂଚାସିଂନ ଥିଲେ,ଶେଷରେ ଉପସଭା ପତି ବିଜୟଲକ୍ଷ୍ମୀ ବେହେରା ଧନ୍ୟବାଦ ଅର୍ପଣ କରିଥିଲେ I