-+91-9937148622 |
prerana_bgr@rediffmail.com |
Saturday 20th April 2024 |
R.N.I. Regd No. ODIODI/2010/46693
Breaking News
15-Mar-2022
ଭୁବନେଶ୍ୱର :- ବିଶିଷ୍ଟ ପାଣିପାଗ ବିଶେଷଜ୍ଞ ଡ. ସୁରେନ୍ଦ୍ରନାଥ ପଶୁପାଳକ ଙ୍କ ଆକଳନ ଅନୁଯାୟୀ ଆସନ୍ତା ୨୦ ମାର୍ଚ୍ଚ କୁ ଦକ୍ଷିଣ ପୂର୍ବ ବଙ୍ଗୋପସାଗର ରେ ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ଅଛି । କୌଣସି ସ୍ପଷ୍ଟ ସୂଚନା ନ ଥିବା ବେଳେ ଏହା କେତେ ଘନୀଭୂତ ହୋଇ ବାତ୍ୟା ରୂପ ନେବ କି ନାହିଁ ଜଣାପଡିନାହିଁ । ପରିବେଶ ଅନୁକୂଳ ଥିବାରୁ ଏହା ବାତ୍ୟା ରୂପ ନେବାର ସମ୍ଭାବନା ଅଛି । ଲଘୁଚାପ ଭାରତ କିମ୍ବା ଓଡ଼ିଶା ଛୁଇଁବ କି ନାହିଁ ଏବେଠାରୁ ଆକଳନ କରିବା କଷ୍ଟକର । କାରଣ ଲଘୁଚାପ ଟି ବାରମ୍ବାର ଦିଗ ପରିବର୍ତ୍ତନ କରିବାର ସମ୍ଭାବନା ଅଛି।ଯଦି ଲଘୁଚାପ ବାତ୍ୟାର ରୂପ ନେବ ଓ ଭାରତ ଉପକୂଳ ଛୁଇଁବ ତେବେ ଏହା ଗତ ୧୨୧ ବର୍ଷରେ ମାର୍ଚ୍ଚ ମାସର ୭ମ ବାତ୍ୟା ହେବ । ୧୯୦୧ ମସିହା ଠାରୁ ଚଳିତ ବର୍ଷ ପର୍ଯ୍ୟନ୍ତ ମାର୍ଚ୍ଚ ମାସରେ ମାତ୍ର ୬ ଗୋଟି ବାତ୍ୟା ସୃଷ୍ଟି ହୋଇଛି ବୋଲି ଡ. ପଶୁପାଳକ କହିଛନ୍ତି । ଏହାକୁ ନେଇ ଆଇ ଏମ ଡି ପକ୍ଷରୁ କୌଣସି ସୂଚନା ମିଳିନାହିଁ । ଡ. ପଶୁପାଳକ ଅନେକ ଦିଗକୁ ନେଇ ଅନୁଧ୍ୟାନ କରି କହିଛନ୍ତି ଯେ ଏନ୍ ସି ଇ ପି ଜି ଏଫ ଏସ ମଡେଲ ଅନୁଯାୟୀ ଘୂର୍ଣ୍ଣିଝଡ଼ ଦିଗ ବଦଳାଇବାର ସମ୍ଭାବନା ରହିଥିବାରୁ ଭାରତ ଉପକୂଳ କୁ ସ୍ପର୍ଶ କରିବ ନାହିଁ ।ବିଗତ କିଛି ବର୍ଷ ର ଆକଳନ ଅନୁଯାୟୀ ମାର୍ଚ୍ଚ ମାସରେ ଭାରତରେ ବାତ୍ୟା ହୋଇନାହିଁ । ଏଣୁ ଏବେ ମଧ୍ୟ ଭାରତରେ ସ୍ଥଳଭାଗ ଛୁଇଁବାର ଅଧିକ ସମ୍ଭାବନା ନାହିଁ । ଆସନ୍ତା ୨୦ ତାରିଖ ଆଡ଼କୁ ଏ ନେଇ ସ୍ପଷ୍ଟ ଚିତ୍ର ଆସିଯିବ । କାରଣ ଜଳବାୟୁ ପରିବର୍ତ୍ତନର ପ୍ରଭାବ ରେ ଏହା ଭାରତ ଉପକୁଲମୁହଁ ହୋଇପାରେ ।