14-Mar-2022

ନୂଆଦିଲ୍ଲୀ(ପ୍ରେରଣା ଖବର ବ୍ୟୁରୋ) - କୋମଳ ଗନାତ୍ରା ଗିଜୁରାଟ ର ଜଣେ ମହିଳା । କୋମଳ ତାଙ୍କ ସଂଘର୍ଷମୟ ଜୀବନରେ ଜଣେ ସଫଳ ଆଇ ଏ ଏସ ଅଫିସର ହୋଇଥିଲେ । କୋମଳ ଗ୍ରାଜୁଏସନ୍ ପରେ ଜଣେ ଏନ୍ ଆର ଆଇ କୁ ବିବାହ କରିଥିଲେ । ବିବାହ ର ୧୫ ଦିନ ପରେ ତାଙ୍କ ସ୍ଵାମୀ ତାଙ୍କୁ ଛାଡି ନ୍ୟୁଜଳାଣ୍ଡ ଚାଲିଯାଇଥିଲେ । ସ୍ଵାମୀ ଆଉ ନ ଫେରିବାରୁ କୋମଳ ନ୍ୟୁଜଳାଣ୍ଡ ଯିବା ପାଇଁ ଚେଷ୍ଟା କରି ବିଫଳ ହୋଇଥିଲେ । ଶେଷରେ ନ୍ୟୁଜଳାଣ୍ଡ ର ପ୍ରଧାନମନ୍ତ୍ରୀ ଙ୍କୁ ଏ ବିଷୟରେ ଜଣାଇଥିଲେ । ସରକାର ଙ୍କ ପକ୍ଷରୁ ଉତ୍ତର ମଧ୍ୟ ଆସିଲା । କିନ୍ତୁ କୌଣସି ଫଳ ମିଳିଲା ନାହିଁ ।ଏହାପରେ ସେ ଏକ ସରକାରୀ ସ୍କୁଲ ରେ ୧୦୦୦ ଟଙ୍କାରେ ଶିକ୍ଷୟତ୍ରୀ ଭାବେ ଚାକିରି କଲେ । ତାଙ୍କ ବାପାଙ୍କ ସ୍ବପ୍ନ ଥିଲା ଝିଅ ୟୁ ପି ଏସ ସି ପରୀକ୍ଷା ଦେଇ ଆଇ ଏ ଏସ ଅଫିସର ହେବେ।କୋମଳ ଙ୍କ ମଧ୍ୟ ଇଚ୍ଛା ଥିଲା ସେ ଜଣେ ଆଇ ଏ ଏସ ଅଫିସର ହେବେ । ୟୁ ପି ଏସ ସି କୁ ନେଇ କୋମଲଙ୍କ କୌଣସି ଧାରଣା ନ ଥିଲା । ସେ ଗାଁ ରୁ ଅହମଦାବାଦ ଯାଇ ପରୀକ୍ଷା ପାଇଁ ପ୍ରସ୍ତୁତି କଲେ । ୩ ଥର ବିଫଳ ହେବାପରେ ସେ ଶେଷରେ ୨୦୧୨  ରେ ସଫଳ ହେଲେ । ବାପାଙ୍କ ସ୍ବପ୍ନ ସାକାର କଲେ । ଏହାପରେ ଦ୍ଵିତୀୟ ବିବାହ କଲେ ।ଏବେ ତାଙ୍କର ଏକ ଝିଅ ଅଛି ।