-+91-9937148622 |
prerana_bgr@rediffmail.com |
Thursday 25th April 2024 |
R.N.I. Regd No. ODIODI/2010/46693
Breaking News
18-Feb-2022
ସ୍ୱାଧୀନତାର ସ୍ୱର୍ଣ୍ଣିମବର୍ଷର ସଂକଳ୍ପ ପଥରେ ଆଗକୁ ବଢ଼ୁଥିବା ‘ନୂଆ ଭାରତ’କୁ ସାଧାରଣ ବଜେଟ୍ରୁ ମିଳିଲା ଆତ୍ମବିଶ୍ୱାସର ଉଡ଼ାଣ।
ମନ୍ କୀ ବାତ୍: ମୋଦୀ 2.0 (32ତମ ଅଧ୍ୟାୟ, 30 ଜାନୁଆରୀ 2022)
ସଦା ଜୀବନ୍ତ ଭାରତୀୟ ସଂସ୍କୃତିର ବିଶ୍ୱସାରା ଲୋକଙ୍କୁ ଆକର୍ଷିତ କରେ
ସ୍ୱାଧୀନତାର ଅମୃତ ମହୋତ୍ସବ ପର୍ବରେ ଦେଶର ସାମୂହିକ ଭାବନା ପରିପ୍ରକାଶ ପାଉଛି ତ ଦେଶର ବିଭିନ୍ନ କୋଣରୁ ସ୍କୁଲ୍ ପିଲାମାନେ ଏହି ଅବସରରେ ଗୋଟିଏ କୋଟିରୁ ଅଧିକ ପୋଷ୍ଟକାର୍ଡ଼ ଲେଖି ନିଜର ମନର ଭାବନା ପ୍ରକାଶ କରିଛନ୍ତି। ଏଥିରେ ସେମାନଙ୍କ ସ୍ୱପ୍ନ, ଆଶା ଓ ଆକାଂକ୍ଷାର ଝଲକ ଦେଖିବାକୁ ମିଳୁଛି। ଏହାସହ ଏହା ମଧ୍ୟ ସୂଚନା ଦେଉଛି ଯେଆଗାମୀ ପିଢ଼ିର ଚିନ୍ତାଧାରା କେତେ ବ୍ୟାପକ। 2022 ବର୍ଷର ତାଙ୍କର ପ୍ରଥମ 'ମନ୍ କୀ ବାତ୍' କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଏହି ଚିଠିଗୁଡ଼ିକ ସହିତ ଗଣତନ୍ତ୍ର ଦିବସ, ପଦ୍ମ ପୁରସ୍କାର, ଭାରତୀୟ ସଂସ୍କୃତିର ବିଭିନ୍ନ ରଙ୍ଗ ଏବଂ ଆଧ୍ୟାତ୍ମିକ ଶକ୍ତି ବିଷୟରେ କହିଥିଲେ। ଉପସ୍ଥାପନ କରୁଛୁ ‘ମନ୍ କୀ ବାତ୍’ର କିୟଦଂଶ…।
ରାଷ୍ଟ୍ରୀୟ ସମର ସ୍ମାରକ: ସ୍ୱାଧୀନତାର ଅମୃତ ମହୋତ୍ସବରେ ଏହି ପ୍ରୟାସ ମାଧ୍ୟମରେ ଦେଶ ନିଜର ଜାତୀୟ ପ୍ରତୀକଗୁଡ଼ିକୁ ପୁନଃ ପ୍ରତିଷ୍ଠା କରୁଛି। ମୁଁ ଆପଣ ସମସ୍ତଙ୍କୁ କହିବି, ଯେତେବେଳେ ବି ସୁଯୋଗ ମିଳିବ, ରାଷ୍ଟ୍ରୀୟ ସମର ସ୍ମାରକ ନିଶ୍ଚୟ ପରିଦର୍ଶନ କରିବେ। ଏଠାରେ ଆପଣ ଏକ ଭିନ୍ନ ଶକ୍ତି ଏବଂ ପ୍ରେରଣା ଅନୁଭବ କରିବେ। ଇଣ୍ଡିଆ ଗେଟରେ ନେତାଜୀଙ୍କ ଏକ ହୋଲଗ୍ରାମ ପ୍ରତିମୂର୍ତ୍ତି ସ୍ଥାପନ କରାଯାଇଛି। ଏହି ପଦକ୍ଷେପକୁ ପୁରା ଦେଶ ସ୍ୱାଗତ କରିଛି।
ପିଲାଏଁ ପାଲଟିଛନ୍ତି ରାଷ୍ଟ୍ରର ପ୍ରେରଣା: ଅମୃତ ମହୋତ୍ସବ ଅବସରରେ ଅନେକ ଉତ୍ସବ ଆୟୋଜନ ସହ ଅନେକ ଉଲ୍ଲେଖନୀୟ ପୁରସ୍କାର ମଧ୍ୟ ବିତରଣ କରାଯାଇଛି। ଏଥିରୁ ଗୋଟିଏ ହେଉଛି ପ୍ରଧାନମନ୍ତ୍ରୀଙ୍କ ରାଷ୍ଟ୍ରୀୟ ବାଲ୍ ପୁରସ୍କାର। ଆମ ଘରେ ଏହି ପିଲାମାନଙ୍କ ବିଷୟରେ ଆଲୋଚନା ହେବା ଜରୁରୀ। ଏହା ଅନ୍ୟ ପିଲାଙ୍କୁ ପ୍ରେରଣା ଯୋଗାଇବ ଏବଂ ସେମାନଙ୍କ ମଧ୍ୟରେ ଦେଶପାଇଁ ଉତ୍ସାହ ସୃଷ୍ଟି କରିବ।
‘ବଣମଲ୍ଲୀ’ମାନଙ୍କୁ ସମ୍ମାନ: ଦେଶରେ ଏମିତି ଅନେକ ନାୟକ ରହିଛନ୍ତି ଯେଉଁମାନଙ୍କ ସମ୍ବନ୍ଧରେ ଯେତେ କହିଲେ ବି କମ୍ ହେବ। ସେମାନଙ୍କୁ ବଣମଲ୍ଲୀ ବୋଲି ଆପଣ କହିପାରନ୍ତି। ଏହିଭଳି ଅଜ୍ଞାତ ହିରୋମାନଙ୍କୁ ପଦ୍ମ ପୁରସ୍କାର ପ୍ରଦାନ କରାଯାଇଛି, ଯେଉଁମାନେ ସାଧାରଣ ପରିସ୍ଥିତିରେ ବି ଅସାଧାରଣ କାର୍ଯ୍ୟ କରିଛନ୍ତି |
• ଉତ୍ତରାଖଣ୍ଡର ବସନ୍ତୀ ଦେବୀ ନଦୀ ସଂରକ୍ଷଣ ଏବଂ ପରିବେଶ ରକ୍ଷାପ୍ରତି ତାଙ୍କ ଅବଦାନ ଯଥେଷ୍ଟ।
• ଦଶନ୍ଧି ଧରି ମଣିପୁରର 77 ବର୍ଷୀୟ ଲୋରେମ୍ବମ୍ ବିନୋ ଦେବୀ ପାରମ୍ପରିକ ବୟନ କଳା ‘ଲାବା’ ପ୍ରଚାର ପ୍ରସାରରେ ଲାଗିଛନ୍ତି।
• ବୈଗ ଆଦିବାସୀ ନୃତ୍ୟ କଳାକୁ ସ୍ୱୀକୃତି ଦେବାରେ ମଧ୍ୟପ୍ରଦେଶର ଅର୍ଜୁନ ସିଂଙ୍କ ଭୂମିକା ଉଲ୍ଲେଖନୀୟ ।
• ଟନେଲ୍ ମ୍ୟାନ୍ ଅମାଇ ମହଲିଙ୍ଗା ନାୟକ କୃଷି କ୍ଷେତ୍ରରେ ଅନେକ ପ୍ରଶଂସନୀୟ ଅଭିନବ କାର୍ଯ୍ୟ କରିଛନ୍ତି ।
ଭାରତ ହେଉଛି ଜ୍ଞାନର ତପୋଭୂମି: ଭାରତ ହେଉଛି ଶିକ୍ଷା ଏବଂ ଜ୍ଞାନର ତପୋଭୂମି। ମଦନ ମୋହନ ମାଲବୀୟ, ମହାତ୍ମା ଗାନ୍ଧୀ, ରବୀନ୍ଦ୍ରନାଥ ଟାଗୋରଙ୍କ ଦ୍ୱାରା ପ୍ରତିଷ୍ଠିତ ବିଶ୍ୱବିଦ୍ୟାଳୟଗୁଡ଼ିକ ଦେଶ ତଥା ଯୁବ ପିଢ଼ିଙ୍କୁ ନୂତନ ଦିଗ ଦେଉଛି।
ସାରା ବିଶ୍ୱରେ ଭାରତୀୟ ସଂସ୍କୃତି: ଭାରତୀୟ ସଂସ୍କୃତିର ସ୍ପନ୍ଦନ ଏବଂ ଆଧ୍ୟାତ୍ମିକ ଶକ୍ତି ସର୍ବଦା ବିଶ୍ୱର ପ୍ରତିଟି କୋଣର ଲୋକଙ୍କୁ ଆକର୍ଷିତ କରିଆସିଛି। ଆମର ସଂସ୍କୃତି କେବଳ ଆମ ପାଇଁ ନୁହେଁ, ସମଗ୍ର ବିଶ୍ୱ ପାଇଁ ଏକ ଅମୂଲ୍ୟ ଐତିହ୍ୟ | ବିଶ୍ୱବାସୀ ତାକୁ ଜାଣିବାକୁ ଚାହାଁନ୍ତି, ବୁଝିବାକୁ ଚାହାଁନ୍ତି, ବଞ୍ଚିବାକୁ ଚାହାଁନ୍ତି ।
ଆତ୍ମନିର୍ଭରଶୀଳ ଭାରତ: ଥରେମାତ୍ର ବ୍ୟବହାର ହୋଇପାରୁଥିବା ପ୍ଲାଷ୍ଟିକ ବିରୋଧରେ ଅଭିଯାନକୁ ତ୍ୱରାନ୍ୱିତ କରିବାର ଆବଶ୍ୟକତା ରହିଛି।‘ ଲୋକାଲ୍ ଫର ଭୋକାଲ୍’ ହେବା ଆମର ଦାୟିତ୍ୱ। ଏକ ଆତ୍ମନିର୍ଭରଶୀଳ ଭାରତ ପାଇଁ ଆମକୁ ହୃଦୟର ସହିତ କାମ କରିବାକୁ ପଡିବ।
ଲଦାଖର ଷ୍ଟାଡିୟମ୍: ଲଦାଖ ଖୁବଶୀଘ୍ର ଏକ ଫୁଟବଲ୍ ଷ୍ଟାଡିୟମର ଉପହାର ପାଇବ। ଏହା 10 ହଜାର ଫୁଟରୁ ଅଧିକ ଉଚ୍ଚତାରେ ନିର୍ମିତ ହେଉଛି ଏବଂ ଏହାର ନିର୍ମାଣ କାର୍ଯ୍ୟ ଶୀଘ୍ର ଶେଷ ହେବାକୁ ଯାଉଛି। ଏହା ଲଦାଖର ସବୁଠାରୁ ବଡ଼ ଖୋଲା ଷ୍ଟାଡିୟମ୍ ହେବ, ଯେଉଁଠାରେ 30 ହଜାର ଦର୍ଶକ ଏକାଠି ବସିପାରିବେ।
କୋଭିଡ ବିରୁଦ୍ଧରେ ଯୁଦ୍ଧ: ଭାରତ ବଡ଼ ସଫଳତାର ସହିତ କରୋନ ବିରୁଦ୍ଧରେ ଲଢ଼ୁଛି। ଏପର୍ଯ୍ୟନ୍ତ 4.5 କୋଟି ପିଲାଙ୍କୁ ଟିକାକରଣ କରାଯାଇଛି। 15-18 ବର୍ଷ ବୟସର 60% ଯୁବକ 3-4 ସପ୍ତାହ ମଧ୍ୟରେ ଟିକାନେଇଛନ୍ତି।