04-Feb-2022

ସୁବର୍ଣ୍ଣପୁର - ଆଜି ସୁବର୍ଣ୍ଣପୁର ପ୍ରଭାସ ଲଜ ଠାରେ  ପଏଁରୀ ଓ ସ୍ୱଚ୍ଛ ଭାରତ ଅନୁଷ୍ଠାନ ପକ୍ଷରୁ ସୁବର୍ଣ୍ଣପୁର ତଥା ପଶ୍ଚିମ ଓଡିଶା ର ବିଶିଷ୍ଟ କଣ୍ଠ ଶିଳ୍ପୀ ସ୍ବର୍ଗତ ବୃନ୍ଦାବନ ନାଏକ ଙ୍କ ଉଦ୍ଦେଶ୍ୟ ରେ ଏକ ଶ୍ରଦ୍ଧାଞ୍ଜଳି ସଭା ର ଆୟୋଜନ କରାଯାଇଥିଲା l ଏହି ସଭାରେ ସ୍ୱଚ୍ଛ ଭାରତ ସଂଗଠନ ସଭାପତି ଲଷ୍ମୀ ନାରାୟଣ ମେହେର, ଉପଦେଷ୍ଟା ଅଭିମନ୍ୟୁ କୁଶଳ, ଅlନ୍ତର୍ଜାତୀୟ ଚଳଚିତ୍ର ଭୁଖା ର କଣ୍ଠଶିଳ୍ପୀ ନୁର ବେଗମ, ମହିଳା ସ୍ବେଛାସେବୀ ଇନ୍ଦୁମତୀ ପୁରୋହିତ, ପଏଁରୀ ସଭାପତି ଲଡ଼ୁ କିଶୋର ମଲ୍ଲିକ, ଶିକ୍ଷାବିତ ତଥା ଆଇନଜିଵୀ ପ୍ରଦୀପ ପୁରୋହିତ ଅତିଥି ଭାବେ ଯୋଗ ଦେଇ ସ୍ବର୍ଗତ ନାଏକ ଙ୍କ ଫଟୋଚିତ୍ର ରେ ଧୂପ ଦୀପ ପୁଷ୍ପ ମାଲ୍ୟ ପ୍ରଦାନ ପୂର୍ବକ ଶ୍ରଦ୍ଧାଞ୍ଜଳି ଅର୍ପଣ କରି ଶ୍ରୀ ନାଏକ ଙ୍କ ଅମର ଆତ୍ମା ର ଶାନ୍ତି ସଦଗତି ପାଈଁ ଦୁଇ ମିନିଟ ନିରବ ପ୍ରାର୍ଥନା କରିଥିଲେ l ଶାମୁକା ରୁ ମୁକ୍ତା , ଓ ପଙ୍କ ରୁ ପଦ୍ମ ଭଳି ଶ୍ରୀ ନାଏକ ଙ୍କ ପ୍ରତିଭା  କଳା ସଂଗୀତ ମାଧ୍ୟମରେ ସୁବର୍ଣ୍ଣପୁର ମାଟି କୁ ମହକାଇ ଦେଇ ପାରିଥିବା  ସେ ଜଣେ ଅସାଧାରଣ ବ୍ୟକ୍ତିତ୍ୱ ବୋଲି ମତ ରଖି ସୁବର୍ଣ୍ଣପୁର କୁ ସମୃଦ୍ଧି କରିବାର ଏ ଗୋଟିଏ ଗୋଟିଏ ମାଧ୍ୟମ ଵା ବିନ୍ଦୁ ବୋଲି  ଅତିଥି ଶ୍ରୀ ପୁରୋହିତ  କହିଥିଲେ l ସେ ମୋର ଗୁରୁ ନ ଥିଲେ  ମୁଁ ନିଜ ବାପା ପରି

ତାଙ୍କୁ ସମ୍ମାନ କରୁଥିଲି ବୋଲି କଳାକାର ନୁର ବେଗମ ଭାବ ବିହ୍ଵଳ ହୋଇ ସଭା ରେ କାନ୍ଦି ପକାଇଥିଲେ l କଳାକାର ଉମେଶ କୁମ୍ଭାର, ଓ ଅଲ ଇଣ୍ଡିଆ ରେଡ଼ିଓ ଆର୍ଟିଷ୍ଟ ନିରାକାର ଦେହୁରୀ ସଂଗୀତ ମାଧ୍ୟମରେ ଶ୍ରଦ୍ଧାଞ୍ଜଳି ଦେଇ ଥିଲେ  l ଯୁବ ସଂଗଠକ ତଥା ସାମ୍ବାଦିକ ମନୋରଞ୍ଜନ ତ୍ରିପାଠୀ ସଭା ସଂଯୋଜନା କରିଥିବା ବେଳେ ସଭାରେ ସ୍ୱଚ୍ଛ ଭାରତ,ପଏଁ ରୀ, ଭୀମ ଭୋଇ କଳା ପରିଷଦ, ର ଅନେକ ସଭ୍ୟ ଙ୍କ ସମେତ ସହର ର ବହୁ କଳାକାର, ବୁଦ୍ଧିଜୀବୀ, ଓ ଗଣ ମାଧ୍ୟମ ଯୋଗ ଦେଇଥିଲେ l