-+91-9937148622 |
prerana_bgr@rediffmail.com |
Thursday 18th April 2024 |
R.N.I. Regd No. ODIODI/2010/46693
Breaking News
04-Feb-2022
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କରୋନା ସଙ୍କଟ ସମୟରେ ଯେଉଁ ପ୍ରକାର ନିଜରନେତୃତ୍ୱ ଦକ୍ଷତକୁ ପ୍ରଦର୍ଶନ କରିଛନ୍ତି ତାହାକୁ ସାରା ବିଶ୍ୱ ଆଜି ଗ୍ରହଣ କରୁଛି। ଭାରତର ଗୁରୁତ୍ୱପୂର୍ଣ୍ଣ ପଡୋଶୀ ରାଷ୍ଟ୍ର ଭୁଟାନ ପ୍ରଧାନମନ୍ତ୍ରୀ ମୋଦୀଙ୍କୁ ତାଙ୍କ ଦେଶର ସର୍ବୋଚ୍ଚ ନାଗରିକ ପୁରସ୍କାର ‘ନାଗଦଗ ପେଲଜୀ ଖୋର୍ଲୋ’ରେ ସମ୍ମାନିତ କରିଛି। ଭୁଟାନର ପ୍ରଧାନମନ୍ତ୍ରୀ ଲୋତେୟ ଶେରିଙ୍ଗ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ବିନା ସର୍ତ୍ତରେ ବନ୍ଧୁତା ପ୍ରତିପାଦନ କରିଛନ୍ତି। ସେ ମଧ୍ୟ ଜଣେ ଚମତ୍କାର ଆଧ୍ୟାତ୍ମିକ ବ୍ୟକ୍ତି। ଏହି ସର୍ବୋଚ୍ଚ ସମ୍ମାନ ପାଇଁ ଭୁଟାନକୁ ଧନ୍ୟବାଦ ଜଣାଇ ପ୍ରଧାନମନ୍ତ୍ରୀ ମୋଦୀ ଟ୍ୱିଟ କରି କହିଛନ୍ତି, ଧନ୍ୟବାଦ ଭୁଟାନର ପ୍ରଧାନମନ୍ତ୍ରୀ! ଆପଣଙ୍କ ଏହି ଉଷ୍ମ ଶୁଭେଚ୍ଛା ଦ୍ୱାରା ମୁଁ ଗଭୀର ଭାବରେ ପ୍ରଭାବିତ। ଭୁଟାନର ରାଜାଙ୍କୁ ମଧ୍ୟ ମୋର ଆନ୍ତରିକ ଧନ୍ୟବାଦ ଜଣାଉଛି।' ଭୁଟାନର ସର୍ବୋଚ୍ଚ ନାଗରିକ ସମ୍ମାନ ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୦୨୧ର ମୋଷ୍ଟ ଲାଇକ୍ ବ୍ୟକ୍ତିମାନଙ୍କ ତାଲିକାରେ ଆମେରିକାର ରାଷ୍ଟ୍ରପତି ଜୋ ବିଡେନ ଏବଂ ଋଷର ରାଷ୍ଟ୍ରପତି ଭ୍ଲାଡିମିର ପୁଟିନଙ୍କୁ ଅତିକ୍ରମ କରିଛନ୍ତି। ବ୍ରିଟେନର ବଜାର ଅନୁସନ୍ଧାନ କମ୍ପାନୀ YouGov ବିଶ୍ୱର 38 ଟି ଦେଶରେ ୪୨ ହଜାର ଲୋକଙ୍କୁ ସାମିଲ କରି ଏକ ସର୍ବେକ୍ଷଣ କରିଥିଲା। ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 8 ନମ୍ବର ସ୍ଥାନରେ ଅଛନ୍ତି। ଏହାପୂର୍ବରୁ ଆମେରିକାର ଡାଟା ରିସର୍ଚ୍ଚ ଏଜେନ୍ସି ମର୍ଣ୍ଣିଂ କନ୍ସଲ୍ଟ ଦ୍ୱାରା କରାଯାଇଥିବା ସର୍ବେକ୍ଷଣରେ ପ୍ରଧାନମନ୍ତ୍ରୀ ମୋଦୀ ବିଶ୍ୱର ସବୁଠାରୁ ଲୋକପ୍ରିୟ ତଥା ଶୀର୍ଷ ନେତା ଭାବରେ ମନୋନୀତ ହୋଇଥିଲେ। ପ୍ରଧାନମନ୍ତ୍ରୀ ମୋଦୀଙ୍କୁ ୨୦୧୬ରେ ସାଉଦି ଆରବ, ୨୦୧୮ରେ ଆଫଗାନିସ୍ତାନ, ପାଲେଷ୍ଟାଇନ, ୟୁଏଇ, ଋଷ, ମାଲଦ୍ୱୀପ, ୨୦୧୯ରେ ବହାରେନ, ୨୦୨୦ରେ ଆମେରିକାର ଲେଜିଅନ ଅଫ୍ ମେରିଟ ସମ୍ମାନରେ ସମ୍ମାନିତ କରାଯାଇଛି। କେବଳ ଏତିକି ନୁହେଁ, ୨୦୧୮ରେ ସିଓଲ ପିସ୍ କଲ୍ଚର ଫାଉଣ୍ଡେସନରୁ ସିଓଲ ଶାନ୍ତି ପୁରସ୍କାର, ମିଳିତ ଜାତିସଂଘ ଚାମ୍ପିଅନ୍ସ ଅଫ୍ ଆର୍ଥ, ୨୦୧୯ରେ ଫିଲିପ କୋଟଲର ରାଷ୍ଟ୍ରପତି ପୁରସ୍କାର, ବିଲ ଆଣ୍ଡ ମେଲିଣ୍ଡା ଗେଟ୍ସ ଫାଉଣ୍ଡେସନରୁ ଗ୍ଲୋବାଲ ଗୋଲକିପର ପୁରସ୍କାର, ୨୦୨୧ରେ କେମ୍ବ୍ରିଜ ଏନର୍ଜି ରିସର୍ଚ୍ଚ ଆସୋସିଏସନର ପରିବେଶ ନେତା ପୁରସ୍କାର ବି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଦାନ କରାଯାଇଛି।