-+91-9937148622 |
prerana_bgr@rediffmail.com |
Friday 29th March 2024 |
R.N.I. Regd No. ODIODI/2010/46693
Breaking News
17-Jan-2022
ପଦ୍ମପୁର/ବିଜେପୁର:-ବରଗଡ଼ ଜିଲ୍ଲା ବିଜେପୁର ବ୍ଲକ ଯୋଖିପାଲି ଗ୍ରାମର ଚଞ୍ଚଳ ଦାସ,ବୟସ ୧୭ ଜଣେ କରନସାନୀ ବାୟକ ଭାବରେ ବିଜେପୁର ତଥା ବରଗଡ଼ ଜିଲ୍ଲାର ବିଭିନ୍ନ ଅଞ୍ଚଳରେ ବେଶ ଖ୍ୟାତି ଅର୍ଜନ କରିବାରେ ସଫଳ ହେଇଛନ୍ତି ।ତାଙ୍କ ପରିବାର କହିଲେ ବାପା ସୁରେନ୍ଦ୍ର ଦାସ ଜଣେ ମୃଦଙ୍ଗ ବାୟକ,ମାତା ବଲ୍ଲଭୀ ଦାସ ଜଣେ ଗୃହିଣୀ ଏବଂ ଜଣେ ଭାଇ ଓ ଭଉଣୀ ଅଛନ୍ତି l ପିଲାଟି ଦିନରୁ କରମସାନୀ ବାୟକ ହେବାର ନିଶା ତାଙ୍କୁ ଏହି ଦିଗକୁ ଅଗ୍ରସର କରିଥିଲା ।ନବମ ଶ୍ରେଣୀରେ ପାଠ ପଢ଼ୁଥିବା ସମୟରୁ ସେ ଏହି କଳା ଉପରେ ଆକୃଷ୍ଟ ହୋଇଥିଲେ । ପ୍ରଥମେ ଗାଁରେ ବିଭିନ୍ନ କାର୍ଯ୍ୟକ୍ରମରେ ଶିଶୁ ବାୟକ ଭାବରେ ଭାଗ ନେଇଥିବା ଚଞ୍ଚଳ ପରବର୍ତ୍ତୀ ସମୟରେ ବରଗଡ଼ ଧନୁଯାତ୍ରା ମଣ୍ଡପରେ ପ୍ରଦର୍ଶନ କରି ସମସ୍ତଙ୍କ ମନ ମୋହି ନେଇଥିଲେ ।ଏହାଛଡା ଗାଁର ନୂଆଁଖାଇ କାର୍ଯ୍ୟକ୍ରମ ସମୟରେ ମଧ୍ୟ ତାଙ୍କ ପ୍ରଦର୍ଶନ ଯୋଗୁଁ ଗ୍ରାମବାସୀ ଙ୍କୁ ବେଶ ଉତ୍ସାହିତ କରିଥିଲେ । ଏହିଭଳି ଭାବରେ ଧିରେ ଧିରେ ଅନ୍ୟ ଗାଁ ମାନଙ୍କୁ ଯାଇ କରମସାନୀ ବାୟକ ଭାବରେ ନିଜର ତଥା ନିଜ ଗାଁର ନାମକୁ ଆଗକୁ ନେଇଚାଲିଛନ୍ତି ଚଞ୍ଚଳ l ସେ ପାରମ୍ପରିକ କଳାକୁ ବଞ୍ଚାଇ ରଖିବା ସହ ପରିବାର ପ୍ରତିପୋଷଣ କରିବା ପାଇଁ ଏହି ବୃତ୍ତିକୁ ଆପଣେଇ ନେଇଥିବା କଥା ଆମ ପ୍ରତିନିଧି ଙ୍କ ଆଗରେ ପ୍ରକାଶ କରିଛନ୍ତି l