30-Nov-2021

 ବଲାଙ୍ଗୀର(ପ୍ରେରଣା ଖବର) : ରାଜେନ୍ଦ୍ର ବିଶ୍ବବିଦ୍ୟାଳୟ  ସହିତ  ଅନୁବନ୍ଧିତ  ହୋଇଛି  ଯୁବୋଦୟ କଲେଜ ଅଫ୍ ଆଡଭାନ୍ସଡ୍  ଟେକ୍ନୋଲୋଜି । ଆଜି ରାଜେନ୍ଦ୍ର  ବିଶ୍ବବିଦ୍ୟାଳୟ ର କୁଳପତି ପ୍ରଫେସର୍  ଉମାବଲ୍ଲଭ ମହାପାତ୍ର   ସକମା ସ୍ଥିତ ଯୁବୋଦୟ ଶିକ୍ଷାନୁଷ୍ଠାନ   ପରିଦର୍ଶନ କରି  ଅନୁଷ୍ଠାନ ର ଭିତ୍ତିଭୂମି ପରଖିଥିଲେ ଓ ବିଭିନ୍ନ  ବିଷୟ ସଂପର୍କରେ  ପଚାରିଥିଲେ । 
ଯୁବୋଦୟ କଲେଜ ଅଫ୍ ଆଡଭାନ୍ସଡ୍  ଟେକ୍ନୋଲୋଜି ର ଅଧ୍ୟକ୍ଷ   ଡକ୍ଟର  ସୁବ୍ରତ କୁମାର ମହାନ୍ତି  ଓ ପ୍ରଶାସନିକ  ଅଧିକାରୀ  ମାନସରଞ୍ଜନ  ମହାପାତ୍ର  ତାଙ୍କୁ  କଲେଜ ର ବିଭିନ୍ନ  ବିଭାଗ  ବୁଲେଇ  ଦେଖାଇଥିଲେ ଓ ପରେ ଅନୁଷ୍ଠାନ ଉପରେ ସନ୍ତୋଷ  ପ୍ରକାଶ କରି ରାଜେନ୍ଦ୍ର ବିଶ୍ବବିଦ୍ୟାଳୟ ସହ ଯୁବୋଦୟ କଲେଜ ଅଫ୍ ଆଡଭାନ୍ସଡ୍  ଟେକ୍ନୋଲୋଜି ର ଅନୁବନ୍ଧନ ପତ୍ର  କଲେଜକୁ  ହସ୍ତାନ୍ତର  କରିଥିଲେ ବିଶ୍ବବିଦ୍ୟାଳୟ କୁଳପତି ପ୍ରଫେସର ଉମାବଲ୍ଲଭ ମହାପାତ୍ର । ଏହି ପରିଦର୍ଶନ  ସମୟରେ  କୁଳପତି ପ୍ରଫେସର   ମହାପାତ୍ର ଙ୍କ  ସହ ଉଦ୍ଭିଦ ବିଜ୍ଞାନ  ପ୍ରଫେସର   ଯଜ୍ଞେଶ୍ବର ସାହୁ ଉପସ୍ଥିତ ଥିଲେ। ସୂଚନାଯୋଗ୍ଯ ଯେ  ଗତ ଏକ ଦଶନ୍ଧିରେ  ଯୁବୋଦୟ  ନିଜର ନିଆରା କାର୍ଯ୍ୟ ଶୈଳୀ ଓ ଶିକ୍ଷା ଦାନର  ନୂଆ  ତରିକା ପାଇଁ  ସବୁବେଳେ  ଚର୍ଚ୍ଚା ରେ ରହି  ଆସିଛି। ଗତ ଦଶନ୍ଧିରେ ଯୁକ୍ତ ଦୁଇ ପରୀକ୍ଷାରେ ସମଗ୍ର  ଓଡିଶା ରେ  ଆପଣାର ରିଜଲ୍ଣ ପାଇଁ  ଚର୍ଚ୍ଚା ରେ ରହି ଆସିବା ସହ   ଫ୍ରେସର  ଛାତ୍ର ଛାତ୍ରୀ ସରକାରୀ ମେଡିକାଲ କଲେଜ ଓ ଇଞ୍ଜିନିୟରିଂ କଲେଜ ରେ  ନାମ ଲେଖାଇବା ପାଇଁ ଯୋଗ୍ୟ ବିବେଚିତ ହେବା   ପାଇଁ  ଚର୍ଚ୍ଚା ରେ ରହିଆସିଛି । ଉତ୍ତମ ଗୁଣବତ୍ତା ର ଶିକ୍ଷାଦାନ ସହ ଯୁବୋଦୟ  ସବୁବେଳେ ନିଜକୁ ଶିକ୍ଷା  ପାଇଁ  ସମର୍ପିତ  କରି ଆସିଥିବାରୁ  ରାଜେନ୍ଦ୍ର ବିଶ୍ବବିଦ୍ୟାଳୟ ସହ ଅନୁବନ୍ଧିତ  ହେବା ପରେ ନିଜକୁ  ଶ୍ରେଷ୍ଠ  ଅନୁଷ୍ଠାନ  ଭାବରେ  ପ୍ରତିପାଦିତ କରିପାରିବ ବୋଲି  ଆଶା କରାଯାଉଛି ।