-+91-9937148622 |
prerana_bgr@rediffmail.com |
Friday 29th March 2024 |
R.N.I. Regd No. ODIODI/2010/46693
Breaking News
24-Nov-2021
ପଦ୍ମପୁର(ନିରଞ୍ଜନ ତ୍ରିପାଠୀ) : ଅଶିଦଶକ ର ଗନ୍ଧମାର୍ଦ୍ଦନ ବଞ୍ଚାଓ ଅଭିଯାନ,ବାଲକୋ ହଟାଓ ଅଭିଯାନ ର ଆନ୍ଦୋଳନ ସାରା ଭାରତ ବର୍ଷରେ ସଫଳତା ର ଆନ୍ଦୋଳନ ଭାବେ ସମସ୍ତେ ଜାଣନ୍ତି lଏହି ଆନ୍ଦୋଳନ ଏବେ ଯୁକ୍ତ ଦୁଇ ରାଜନୀତି ବିଜ୍ଞାନ ଦ୍ୱିତୀୟ ବର୍ଷ ଶିଲାବସ୍ ରେ ସ୍ଥାନିତ ହୋଇଛି lକିନ୍ତୁ ଦୁଃଖ ର ଓ ପରିତାପର ବିଷୟ ଏହି ଯେ, ଆନ୍ଦୋଳନ କୁ ନାଳନ୍ଦା ପ୍ରକାଶନ ର ନନ୍ଦ କିଶୋର ପରିଡ଼ା ଏବଂ ଆଲୋକ ରାୟ ଅତି ବିକୃତ କରି ଇତିହାସ ରଚିତ କରିଛନ୍ତି lଏହାର ପ୍ରତିବାଦରେ ରେ ୨୪.୧୧.୨୦୨୧ ବୁଧବାର ଦିନ ଗନ୍ଧମାର୍ଦ୍ଦନ ସୁରକ୍ଷା ପରିଷଦ କପିଳ ମୁନି ଆଶ୍ରମର ର କେନ୍ଦ୍ରୀୟ ଆବାହକ
ଶ୍ରୀ ରବିନାରାୟଣ ସାହୁ ଙ୍କ ନେତୃତ୍ବରେ ପାଇକମାଳ ନୃସିଂହନାଥ ଧର୍ମଶାଳା ଠାରୁ ଏକ ବିରାଟ ରେଲି ବାହାରି ପାଇକମାଳ ସହର ପରିକ୍ରମା କଲାପରେ ପାଇକମାଳ ବ୍ଳକ ରେ ଆସି ପହଞ୍ଚିଥିଲା lଏହାର ପ୍ରତିବାଦରେ ବିଗତ ଦିନରେ ଜଏଣ୍ଟେ ସେକ୍ରେଟାରୀ ଙ୍କ ତରଫ ରୁ ପଦ୍ମପୁର ଉପଜିଲ୍ଲାପାଳ ଙ୍କୁ ଏକ ଚିଠି ପ୍ରଦାନ କରିଥିଲେ lଶ୍ରୀଘ୍ର ଏଇ ପୁସ୍ତକ ର ତୃଟି ସଂଶୋଧନ କରିବାପାଇଁ ଦୃଦୟଙ୍ଗମ କରି ଚିଠିରେ ଜଣାଇଥିଲେ lତଥାପି ପାଠ୍ୟ ପୁସ୍ତକ ରେ ସଂଶୋଧନ ନ ହେବାରୁ ବାଧ୍ୟ ହୋଇ ଆନ୍ଦୋଳନ କାରୀ ମାନେ ରାସ୍ତା କୁ ଓହ୍ଲାଇ ବିଭିନ୍ନ ନାରାବାଜି ସହିତ ପାଇକମାଳ ମୁଖ୍ୟ ଛକ ତଥା ବ୍ଳକ ଅଫିସ ସାମ୍ନାରେ ରଚୟିତା ନନ୍ଦ କିଶୋର ପରିଡ଼ା ଏବଂ ଆଲୋକ ରାୟ ଙ୍କ କୁଶପୁତ୍ତଳିକା ଦାହ କରି ପ୍ରତିବାଦ ର ସ୍ୱର ଜଣାଇଥିଲେ lପରେ ଏକ ଜନସଭାର ଆୟୋଜନ କରାଯାଇଥିଲା lତତପରେ ପାଇକମାଳ ବି.ଡି.ଓ ମିସ୍ ଉପାଞ୍ଜଳୀ ମାଝୀ ଙ୍କ ଜରିଆରେ ୬ ଦଫା ସମ୍ବଳିତ ଦାବିପତ୍ର
ପ୍ରଦାନ କରାଯାଇଥିଲା lଏହି କାର୍ଯ୍ୟକ୍ରମ ରେ ଆଇନଜୀବୀ ପ୍ରଶାନ୍ତ ମାଝୀ,ଗିରିଶ ଡନସନା, ପାଇକମାଳ ଗ୍ରାମପଞ୍ଚାୟତ ସରପଞ୍ଚ ଶ୍ରୀମାନ ଧବଳେଶ୍ଵର ସାହୁ, ଝାରବନ୍ଧ ବ୍ଲକ ର ସମାଜସେବୀ ସନ୍ତୋଷ ବେହେରା ପ୍ରମୁଖ ଗନ୍ଧମାର୍ଦ୍ଦନ ସୁରକ୍ଷା ପରିଷଦ ର ମୂଲ ରୁ ଶେଷ ପର୍ଯ୍ୟନ୍ତ ର ଇତିହାସ ସହ ବାଲକୋ ହଟାଓ ଅଭିଯାନ ର ଇତିହାସ ଉପରେ ଅନର୍ଗଳ ବଖାଣି ଥିଲେ lଏହିକାର୍ଯ୍ୟକ୍ରମ କୁ ସଂଯୋଜନା କରୁଥିଲେ ବାଲକୋ ଆନ୍ଦୋଳନ ର ପୁରୁଣା ସଂଗ୍ରାମୀ ଶ୍ରୀମାନ ରାଜକୁମାର ସେଠ lଅନ୍ୟ ମାନଙ୍କ ମଧ୍ୟରେ ଯଶପାଲ ବାବା, ଲୋକନାଥ ରାଉତ, ଶ୍ରୀମତୀ ଦୁଃଖି ବରିହା ପିଙ୍କି ମହାନନ୍ଦ,ବାଳମତୀ ସାହୁ ପ୍ରମୁଖ ଏହି କାର୍ଯ୍ୟକ୍ରମ ରେ ଅଂଶ ଗ୍ରହଣ କରିଥିଲେ lଶେଷରେ ବି.ଡି.ଓ ପାଇକମାଳ ମିସ୍ ଉପାଞ୍ଜଳୀ ମାଝୀ ଙ୍କୁ ଆବାହକ ଶ୍ରୀ ସାହୁ ଦାବୀପତ୍ର ପ୍ରଦାନ କରିବା ସହିତ ଏହାରି ଉପରେ ଏକ ମାସ ମଧ୍ୟ ରେ ସନ୍ତୋଷ ଜନକ ସମାଧାନ ପାଇଁ ଦାବୀ ଜଣାଇଛନ୍ତି l